Magkaharap na nakatayo malapit sa may pintuan ng opisina sila Yvonne at Kelvin. Diretsahan ang pagtingin ni Yvonne kay Kelvin na mataman naman siyang tinitingnan.
“Bakit ka ba sumigaw kanina?” tanong ni Yvonne na may pagkainis ang tono. “Alam mo naman na nasa opisina tayo tapos sisigaw ka ng ganun na parang nasa palengke ka lang,” aniya pa. Bakas sa kanyang mukha ang pagkainis sa asawa.
“Tinawag lang naman kita, ah. May masama ba dun?” kunot-noong tanong ni Kelvin.
Muling pinaningkitan ng mga mata ni Yvonne si Kelvin. “Oo, may masama sa ginawa mo dahil nakakahiya iyon,” aniya. “Pwede ka namang tumawag na lang sa phone o mag-text,” saad pa niya.
Hindi naman nawawala ang kunot sa noo ni Kelvin habang tinitingnan ang asawa na naiinis sa kanya. Maya-maya ay ngumiti siya.
“Sorry na,” ngumi
