Nakaupo sa ibabaw ng kama si Kelvin habang nakaupo naman sa gilid nito si Yvonne. Matamang tinitingnan ni Kelvin ang asawa niya habang marahan nitong pinupunasan ang kaliwang braso niya. Hindi pa siya pwedeng maligo kaya naman pagpunas lang muna ng bimpo na ibinabad sa maligamgam na tubig at may kaunting antibacterial body wash ang nagagawa ni Yvonne para sa kanya.
Matapos punasan ni Yvonne ang kili-kili at braso ni Kelvin ay pinunasan naman niya ang kamay nito. Tiningnan niya ang asawa kaya nagtagpo ang mga mata nila.
Ningitian ni Kelvin si Yvonne. “Maraming salamat sa pag-aalaga mo sa akin,” pasasalamat niya sa asawa.
Napangiti rin si Yvonne. “Huwag kang magpasalamat sa akin. Gusto kong alagaan ka kaya naman ginagawa ko ito sayo ng buong puso,” malambing na wika niya.
Lumaki naman an
