Daig pa ng mabilis na paglipas ng isang buwan ang kisap-mata. Tuluyan ng naka-recover si Kelvin mula sa aksidenteng kinasangkutan niya. Tinanggal na sa braso at binti niya ang cast na nakakabit sa kanya at maayos na siyang nakakatayo at nakakalakad mag-isa ng walang tulog ng wheel chair at saklay. Magaling na rin ang mga tinamo niyang sugat at pasa at may kaunting bakas na lang ang mga ito sa kanyang balat.
Magkasabay na lumabas ng ospital sila Kelvin at Yvonne. Nauna naman sa kanila ang driver na inupahan ni Yvonne at pumunta na sa kotse dala ang mga gamit nila.
Huminto muna sa paglalakad si Kelvin kaya hininto rin ni Yvonne ang paghakbang ng kanyang mga paa. Lumanghap ng sariwang hangin si Kelvin habang tinitingnan naman siya nang nangingiti ni Yvonne.
“Hay sa wakas! Nakalabas na rin
