Sakay ng wheel chair si Kelvin na mabagal namang tinutulak ni Yvonne mula sa likod. Pinapasyal ni Yvonne si Kelvin sa hospital park.
Nililibot ni Kelvin ang paningin niya sa paligid at gayundin si Yvonne. Maganda at malawak ang parke na nasa paligid lang ng malaking ospital. Maraming mga puno at mga bulaklak na nagbibigay ng preskong hangin sa paligid na tamang-tama na malanghap ng mga pasyenteng nandito sa ospital at namamasyal din.
Ipinikit ni Kelvin ang kanyang mga mata saka lumanghap ng sariwa at medyo malamig na hangin. Napangiti pa siya habang nakapikit.
“Haaay! Na-miss ko ang preskong hangin,” wika ni Kelvin.
Tiningnan naman ni Yvonne ang asawa. Sumilay ang ngiti sa labi niya.
“Na-miss mo?” tanong ni Yvonne.
Idinilat niya ang kanyang mga mata saka tumingala nang tingin si Kelv
