Bumalik si Alexa sa kwarto ni Eiann bitbit ang isang tray na naglalaman ng lugaw na nakalagay sa isang thermos bowl na niluto niya, isang baso ng tubig at mga tableta ng gamot na nakalagay sa isang maliit na platito. May kasama ring kutsara na gagamitin ni Eiann sa pagkain.
Naabutan ni Alexa na mahimbing ang tulog ni Eiann. Sumilay ang ngiti sa labi niya. Inilapag na muna niya sa mesa ang dala niyang tray saka lumapit sa kama ni Eiann kung saan siya nakahiga.
Tumayo si Alexa sa gilid ng kama. Mataman niyang tiningnan si Eiann. Ilang sandali pa ay sinalat niya ng bahagya ang noo nito at sinalat rin niya ang kanyang noo gamit ang kaliwa niyang kamay para pagkumparahin ang temperatura nilang dalawa.
“Sinat na lang ang meron siya,” mahinang wika ni Alexa. Natutuwa siya dahil gumagaling na s
