Nakatayo sa harapan ng malaki at mahabang salamin si Eiann na nasa loob ng kanyang kwarto. Diretso siyang nakatitig doon.
Walang suot na damit pang-itaas si Eiann kaya naman litaw ang maganda niyang pangangatawan na medyo namayat ng dahil sa kinasangkutan niyang aksidente. Makikita sa kanyang braso at sa kanyang tagiliran ang pagaling na niyang mga sugat at pasa.
Pamaya-maya ay itinaas ni Eiann ang kanan niyang kamay at dinala iyon sa kanyang noo. Wala ng benda ang kanyang ulo dahil tinanggal na iyon nu’ng isang araw pa sa ospital. Gamit ang kanyang mga daliri, sinalat niya ang kanyang sugat sa noo na patuyo na rin at malapit ng gumaling.
Malalim na napabuntong-hininga si Eiann. Sa kanyang palagay ay magpe-peklat ang mga sugat niya sa oras na tuluyan ng gumaling ang mga ito lalo na an
