Pangatlong araw na ni Eiann sa loob ng ospital. Wala namang palya si Alexa sa pagbabantay kahit na in-advise sa kanya ng doktor na umuwi na muna siya para magpahinga dahil baka makasama sa kanyang dinadala ang matagal niyang pananatili sa loob ng ospital.
Nakaupo si Alexa sa monoblock chair na naka-pwesto sa gilid ng kama ni Eiann. Nakatingin siya kay Eiann na hanggang ngayon ay hindi pa rin nagkakamalay.
Humugot nang malalim na hininga si Alexa. Sinabi sa kanya ng doktor na bumubuti na ang kalagayan ni Eiann ngunit bakit hindi pa rin ito nagigising? Ayaw na ba nitong gumising pa?
Sumilay ang maliit na ngiti sa labi ni Alexa. Bumaba ang tingin niya. Tiningnan ni Alexa ang kanang kamay ni Eiann. Hinawakan niya iyon at pinisil nang mahina. Sigurado siyang nararamdaman ni Eiann ngayon ang
