Tulalang nakatayo sa gilid si Eiann. Nasa labas siya ng delivery room kung saan kasalukuyang nagle-labor si Alexa.
Puno ng kaba ang dibdib ni Eiann. Mag-iisang oras ng nasa loob si Alexa at wala pang kahit isang doktor ang lumalabas mula sa loob para kausapin siya.
Naalis sa pagkakatulala si Eiann. Napabuntong-hininga siya ng malalim.
“Wala naman sanang mangyaring hindi maganda sa kanya,” bulong ni Eiann sa hangin. Hinihiling niya ngayon na sana ay maging ligtas si Alexa at ang… baby nilang dalawa.
Sa ngayon ay unti-unti nang tinatanggap ni Eiann ang sitwasyon. Sinabi sa kanya ni Alexa na siya ang ama ng dinadala nito. Hindi man niya maalala ang nangyari sa kanilang dalawa at kung paano niya ito nabuntis, masasabi niyang hindi naman nagsisingungaling sa kanya si Alexa. Nakita niya sa m
