Nagpaalam si Yvonne kay Kelvin na magc-cr na muna siya. Pumasok ito sa loob ng bahay.
Naiwan naman si Kelvin na mag-isa. Naisipan niyang maglakad-lakad na muna sa labas ng bahay.
Mabagal ang hakbang ng mga paa ni Kelvin. Nakapamulsa ang kanyang mga kamay habang nililibot nang tingin ang paligid.
Napapangiti si Kelvin. Napakaganda ng paligid dagdagan pa ang presko ng simoy ng malamig na hangin na kanyang nalalanghap.
Ilang minuto ang lumipas. Nagpatuloy sa paglalakad si Kelvin. Nakarating siya sa harapan ng bahay.
Napahinto na lamang sa paglalakad si Kelvin nang makita niya si Eiann na lumabas naman sa bahay. Kumunot ang noo ni Kelvin.
‘Hindi pa pala siya umaalis,’ sa isip-isip ni Kelvin.
Matapos lumanghap ng sariwang hangin ni Eiann ay napatingin siya sa kinaroroonan ni Kelvin. Nagt
