Nakakabingi ang katahimikan sa loob ng kwarto. Malalim na ang gabi. Nakatagilid sa pagkakahiga si Yvonne sa king’s size bed na kama nila ni Eiann. Nakadilat ang kanyang mga mata at nakatitig sa cellphone na nakapatong sa may bedside table.
Ang tinitingnan ni Yvonne ay ang cellphone ni Eiann. Wala si Eiann sa tabi niya ngayon dahil naliligo ito sa banyo na nasa loob din ng kwarto nila.
May nag-uudyok kay Yvonne na kunin ang cellphone ni Eiann at tingnan ang nilalaman nito. Simula ng may maamoy siyang pabango ng babae sa polo ni Eiann ay hindi na siya matahimik. Lagi na siyang nag-iisip ng kung ano-ano at naghihinala.
Pinipigilan ni Yvonne ang sarili na magpadala sa udyok ng kanyang isipan. Pilit niyang isinasantabi ang kanyang mga kakaibang iniisip at paghihinala. Ayaw niyang pag-ugatan
