Chapter 16: Ang Pagitan Sa Ating Dalawa
MAY MGA SANDALI sa buhay mo, na hindi ka nag-iisip. May mga bagay kang gagawin na hindi mo alam kung bakit mo ginagawa. Ngunit hindi ka na makakaatras pa. At dahil ayaw mo na din talagang humakbang pa pabalik. Dahil may mga taong bubulagin ka. Pagkabulag na hindi mo na makikita pa ang iba. Tanging siya lamang. Tanging siya, ang nais mong puntahan.
Kahibangan.
Kabaliwan.
Kagaguhan.
Kalokohan.
Hindi mo man pinag-isipan. Hindi mo man inalam ang kahihinatnan. Ngunit buo ang loob mo, dahil para sa taong binulag ka ang gagawin mo.
Siya ang madilim kong lugar na aking hahagkan. Papasukin ko, hindi ko man alam kung ano ang naghihintay na kapalaran.
Lumuhod ako sa harap ni Tres. Iaalay ko sa kanya ang aking sarili. Luhaan kong hinawakan ang
