“SERIOUSLY speaking, Xyrus, saan tayo pupunta? Hindi puwedeng ikutin na lang natin ang buong Laguna. Kung gusto mong makarating pa ng Metro Manila, bababa na ako at magpapasundo kay wifey. Ipapahiram ko na lang sa iyo ang sasakyan ko,” ani Raizer pagkatapos ng mahigit isang oras nilang pagbibiyahe.
Kaninang palabas sila ng St. Andrew Village, sinusundan sila ng ilang sasakyan. Kabisado yata ng kaibigan niya ang mapa ng Laguna kaya sung saan-saan ito sumuot hanggang sa mailigaw nito ang mga sumusunod sa kanila. Ngayon nasa bukana na sila ng Sta. Rosa. Mukhang pagod na ang kaibigan niya sa pagmamaneho.
“Iiwan mo talaga sa akin ang sasakyan mo?”
Nilingon siya ni Raizer. “Sure, bro. Ingatan mo na lang. Gamitin mo hanggang gusto mo. Ibalik mo na lang sa akin kapag hindi mo na kailangan.”
“
