DINALA ni Nanay Salome si Xyrus sa likod ng bahay. Pumuwesto sila sa lugar kung saan hindi sila nakikita sa CCTV.
“Dito na lang tayo. Hindi tayo dapat makita ng mga kapataid mo na nag-uusap.”
Napakunot ang noo ni Xyrus sa sinabi ng matanda.
“Bakit ‘nay? Ano naman ang problema kung makikita nila tayong nag-uusap?”
Hinawakan ng matanda ang kamay niya at pinisil ang kanyang palad.
“Patawarin mo ako sa sasabihin ko. Hindi ko sinasadyang mangyari ito.”
Lalong nadagdagan ang gatla sa noo ni Xyrus nang marinig ang katagang iyon mula kay Nanay Salome.
“Sabihin n’yo na lang po kung ano ang nalalaman ninyo tungkol sa pagkatao ko. Kinakabahan ako sa sinasabi ninyo.”
Napa-buntunghininga ang matanda. “Makinig kang mabuti sa sabihin ko. Alam kong mahirap itong tanggapin. Pero sana magkaroon ng
