PASULYAP-SULYAP si Xyrus kay Ira habang kumakain sila. Tahimik lang ang dalaga habang nakatutok ang tingin sa plato nito. Ni hindi siya nito nililingon man lang. Ngayon niya nararamdaman kung gaano kasakit ang epekto ng pambabalewala niya rito.
Kasalanan naman niya ang lahat ng ito. Nananahimik kasi si Ira sa eskuwelahan kung saan ito nagtuturo pero kinulit-kulit niya dahil inisip niyang ito si Miss Right na matagal na niyang hinhintay. Si Miss Right nga ito pero siya naman pala si Mister Wrong sa buhay nito kaya hindi rin sila nag-match.
Ang malala pa nito, pinilit niya ang dalagang magpakasal sa kanya. Mas lalaong naging magulo ang sitwasyon nila. Ang maganda lang sa ginawa niya, kung sakaling mabuntis ito, hindi bastardo ang kanilang magiging anak. Pero hindi pa rin iyon magandang d
