“SAAN ka pupunta? Huwag mong sabihin na iiwan mo akong mag-isa rito.” Nakabusangot si Ira habang sinusundan si Xyrus na palabas ng kuwarto.
Napakamot ng kanyang ulo si Xyrus. Huminto ito sa paglalakad nang nasa gitna na sila ng sala. Hinarap siya nito.
“Papasok ako ng trabaho, baby. Kaya pasensiya na kung mag-isa ka lang muna rito.”
“Huh? Trabaho? Kung gano’n, bakit hindi ka nakasuot ng uniform?”
Napatingin si Xyrus sa suot nito. Nakasuot ito ng itim mula sa t-shirt nito, jacket, denim pants, at sapatos “Ah, hindi kasi sa presinto ang destino ko ngayon. May operation kami kaya ganito ang suot ko.”
Mabilis na nilapitan ni Ira si Xyrus. “Hindi ba’t delikado iyon?”
“Baby, wala namang trabaho na hindi delikado. Nagkataon lang na iyong pagiging pulis ay isa mga trabaho na buhay ang naka
