"AYOS na ba ang lahat?"
Mabilis akong tumango bilang tugon sa tanong na 'yon ni Nanay Ysay.
"Malinis na po ang lahat ng kwartong uukupahin nila," tugon ko.
Ngumiti si Nanay Ysay at tumango na lang sa sinabi ko. Ibinalik na niya ang atensiyon sa niluluto.
"Sige na, ako na ang bahala rito. Umakyat ka na sa kwarto mo at magpahinga."
"Sigurado ka po?"
Muli ay tumango siya. "Sige na. Ako na ang bahala rito. Pagkain na lang naman ang ihahanda ko."
Bumuntong hininga na lang ako at tumango. Kahit may pagdadalawang-isip sa akin kung iiwan ko ba si Nanay Ysay o hindi, sa huli ay napagpasyahan kong magtungo na lang ng kwarto ko at maligo na lang upang maalis ang dumi sa katawan ko dahil sa ginawa kong paglilinis ng bahay.
Dahil sa nangyaring isyu tungkol sa amin ni Curse ay pansamantala muna
