NANG matapos i-akyat ang mga bagahe ng pamilyang Davis ay bumaba na muli ako sa unang palapag ng bahay. At dala ng hiya, nanatili na lang ako sa salas at saka lang nagtungo ng kusina para kumain nang makita kong tapos na ang mag-asawa at si Trisha.
Nang tuluyang makapasok ng kusina ay sumalubong sa akin si Nanay Ysay na nililinis ang lamesa. Nang mapansin niya ako ay tiningnan na naman ako nito nang puno ng pag-aalala.
Pinilit ko ang sariling ngumiti at nilapitan na ang matanda para tulungan ito sa ginagawa.
"Sabayan mo na ako sa pagkain pagtapos nating maglinis," ani Nanay Ysay.
Tumango ako. "Sige po."
Nang tuluyang mailigpit ang mga pinagkainan ng pamilyang Davis ay inilagay ko na ito sa lababo at muling tinulungan si Nanay Ysay sa paghahanda ng kakainin namin. Nang pareho na kaming
