BUONG byahe, naging topic namin ni Curse ang mga tungkol sa kotse. Namamangha naman ako sa tuwing ikukuwento niya sa akin ang mga naging karanasan niya sa car racing. Sa sobrang pagkawiling ko sa mga kwento niya ay hindi ko namalayang nakarating na pala kami sa destinasyon namin.
Mabilis akong sumunod kay Curse nang bumaba na siya ng kotse. Sinenyasan niya akong sumunod sa kanya nang maglakad na siya palayo sa parking space.
Nang malapit na kami ni Curse sa entrance ng lugar na pinuntahan, doon ko lang natanto kung nasaan kami—sa isang bar!
"This is Red Room, Chaos' bar," usal ni Curse nang papasok na kami ng bar. Tinanguan niya pa ang guard na nakabantay sa labas nito.
"Wala bang medya rito?" naninigurado kong tanong. Mahirap na kung mamataan na naman kaning magkasama, iingay na naman
