"SAGLIT lang, Curse. Pagod na ako."
Nang marinig ang sinabi ko, tumigil siya sa pagtakbo at nangingiting bumaling sa akin. Napailing pa siya nang makita ang paghahabol ko ng hininga.
"Come on, Aki. Wala pa tayo sa tuktok," aniya.
Hindi ko pinansin ang sinabi niyang 'yon. Humawak ako sa aking mga tuhod at sunod-sunod na naghabol ng hininga.
Kumunot ang noo ko nang habang nakatingin sa sahig ay may nakita akong isang pares ng sapatos na lumapit sa akin. Nang umayos ako ng pagkakatayo ay nakita ko si Curse sa harapan ko.
Natigilan ako sa kinatatayuan nang bigla ko na lang naramdamang may bimpo ang dumampi sa noo ko, marahang pinupunasan ang pawis ko. Naging sunod-sunod ang paglunok ko at mabilis na nag-iwas ng tingin sa kanya.
Kahit na ramdam ko ang pagkailang ko at hiya sa ginagawa niy
