PAGOD kong inupo ang sarili sa malambot na couch at malalim na bumuntong hininga. Ramdam ko ang matinding pagod ko nang matapos linisan ang buong bahay ni Curse. Sa laki nito, inabot ako ng ilang oras bago tuluyang natapos.
Dalawang araw na rin ang nakakaraan simula nang manatili ako rito sa bahay ni Curse sa Antipolo. Ako lang mag-isang nananatili rito dahil si Curse ay nasa Marikina. Kaya ramdam ko ang matinding pag-iisa sa malawak na bahay na 'to. Pero bago ako tuluyang iniwanan ni Curse, binigyan niya pa ako ng panggastos ko sa araw-araw na mas lalong dumadagdag sa hiya ko. Kaya para suklian ang kabutihan niya, napagpasyahan kong alagaan nang maayos ang bahay niya. Para sa paraan man lang na 'yon ay makabawi ako sa kanya.
Nang magkaroon na ng sapat na pahinga, tumayo ako mula sa kina
