“Thanks for everything, Raven,” ang sabi ni Darcelle pagkahatid sa kanya ng binata sa kanyang apartment. Unang hinatid nito si Feliz sa apartment nito.
Kumaway siya sa lalaki bago ito umalis.
Naalala niya pang magkasunod lang din silang umalis nina Claude at Sam sakay sa sports car ng binata. Halos buong magdamag siyang hindi makatulog dahil pabiling-biling lang siya sa higaan niya. Sila ni Feliz ang magkatabi sa kama at nakabukas lamang ang pinto ng silid habang nasa sofa naman si Raven natulog.
Naisip niya kasi si Claude na kasama si Sam at hindi mawala iyong nakita niyang hinalikan ni Sam ang nobyo sa punong-tainga. Para siyang sinaksak ng napakatalim na kutsilyo sa puso. Paulit-ulit.
Naligo muna siya pagkapasok ng apartment niya at mabilis na nagbihis para gawin ang kanyang entry
