Ready ka na sa date n’yo ni Raven? Anong suot mo, hippo? Binasa ni Darcelle ang text ni Claude mga pasado alas sais ng gabi. Alam niyang nagtatrabaho ito kahit weekend dahil sa kontrobersiyal nitong kaso.
“Inay ko po!” Halos mabitiwan pa niya ang gadget nang biglang tumawag ang lalaki. Sinagot na lang niya ito. “O, ano ba? Nagbibihis ako, eh!” reklamo niya bilang pambungad dito.
“Hindi mo ‘ko ni-reply-an, hippo.” Halatang nababanas ang binata sa tono lang ng boses nito.
“Hindi ba dapat busy ka sa halip na tanungin ako sa suot ko? Tch!” Sinusuklay niya ang mahabang buhok na medyo basa pa dahil kaliligo lang niya at nakatapis lang siya ng tuwalya habang hinahanap sa cabinet ang isusuot na damit. Alam niyang de aircon sa venue kaya hindi puwedeng manipis ang isusuot niya.
Itinabi niya ang
