Umasim ang mukha ni Claude nang makita si Darcelle na kasama si Raven sa beach resort kung saan ang venue ng team building ng mga empleyado ng ProgVSoft, ang kumpanyang pinagtatrabahuhan ng kasintahan. Sumama siya nang sinabi nitong may out of town activity ang kumpanya at alam niyang kasama ang kaibigan. Iyon nga lang ay hindi niya inasahang may isasama pala itong lalaki at si Raven pa. Pansin pa niyang kotse ni Raven ang gamit ng mga ito papunta rito.
Humakbang na siya papalapit sa mga ito nang pigilan siya ni Sam. “Where are you going? Ipakikilala kita sa boss ko,” ang anito.
“Sandali lang. Kakausapin ko lang si Darcelle,” ang aniyang saglit lang sinulyapan ang kasintahan at saka iniwan muna ito. Hindi na niya alintana ang paglinya ng mga labi nito.
“’Di ba ang ganda rito?” anang Dar
