CHAPTER 53
TRISTAN's POV:
"BOSSING, kalat na naman ang pangalan niyo sa Manila. Maging sa radyo at T.V ay pangalan niyo ang binibigkas ng mga reporter," saad ng tao ko na kakarating lamang dito sa safehouse.
Sila ang mga tauhan kong nagpaiwan sa Manila dahil nais sana nilang maglibang at makatikim ng babae sa Manila. Pero pawisan silang umuwi ngayon at animo'y mas inuna nilang ibalita sa akin ang nakalap nilang impormasyon kaysa unahin ang kanilang kaligayahan.
Napatigil naman ako paglalagok ng alak dahil sa narinig ko. Nagawa ko ring ipudpod ang sigarilyong hinihithit ko para lamang mapagtuunan ng pansin ang kanilang sinabi.
Pagtataka naman ang siyang umapaw sa reaksyon ng aking mukha. Alam kong tinutugis na ako ng mga pulis dahil matagal na akong wanted dahil sa mga sunud-sunuran na
