CHAPTER 61
AERON's POV:
SA PAG-ALIS ni Annie ay muli kong kinuha ang aking cellphone para subukan ulit na tawagan ang mga tauhan ko.
Hindi talaga makampante ang dibdib ko sa oras na ito. Halos kanina pa akong naghihintay na sagutin nila ang tawag ko, pero hindi nila magawa.
Tila may nangyari na yatang masama sa mga tauhan ko. Kilala ko sila, kahit anong oras ko gustuhin na tumawag ay mabilis nila itong sinasagot dahil sa takot nilang magalit ako. Pero ngayon, halos naka-singkwentang beses na ako sa kakatawag ay wala pa ring may sumasagot.
Tuluyan ko na ngang ibinato sa dingding ang cellphone na siyang hawak ko. Basag ang screen at sirang-sira na nang mahulog ito sa mismong sahig.
Ganito talaga ako kapag nagagalit. Lahat ng bagay na hawak ko ay nagagawa kong itapon kapag hindi ko na
