CHAPTER 28
AERON's POV:
MARAMI akong napagtanto kay Annie. Sa isang araw na nakasama ko siya ay marami akong nalaman sa dalaga.
At sa buong buhay ko, ngayon lang ako nakatagpo ng babaeng magpapatino sa mga salita at kilos ko. Hindi ko magawang bastusin siya at hindi ko rin magawang hawakan siya na walang permiso. Tila ba nagkaroon ako ng respeto na sobrang kakaiba sa pag-uugali ko.
Pagbabago yata ang matatawag dito. Hindi ko rin alam kung bakit... Basta ang tanging alam ko lang ay meron akong nakikita kay Annie na hindi ko makita sa iba. Kaya pala maging si Tristan ay malaki ang pinagbago dahil na rin siguro sa epekto ni Annie sa kanya.
"Aeron oh, tubig... Alam kong napagod ka dahil sa pagsama mo sa akin na pumasyal. Kaya uminom ka muna," wika ni Annie nang bigyan niya ako ng maiinom.
