السلسلة الملعونه (خيالات حقيقية )

1100 Words

زي كل يوم متعودة انضف بيتي بس النهاردة الجمعه لازم اشيل السجاد وامسح الارض ..... لكن في حاجه غريبه اوي حصلت انا نفسي مش مستوعباها... انا لقيت صورة واحده علي البلاط .... مرسومه جوة البلاطة .... حاولت اشيلها مش بتتشال..... جبت جردل فيه ميه وصابون لكن مفيش اي فايدة.... قررت اني هسكت ومش هقول لجوزي وعيالي عشان ميخافوش.... بقيت اتابع الصورة دي كل يوم اوقات تظهر واوقات تختفي.... قلبي مبقاش متطمن خالص قررت اني احكي لجوزي لكن لما جيت اوريهاله كانت الصورة للاسف اختفت وقال عليا مجنونه..... اه صحيح نسيت اعرفكم بنفسي.... انا ماجدة وعندي ٤٢ سنه ... عايشه فالبيت دا بقالي ١٥ سنه.... عمري ما حسيت فيه بحاجه غريبه.... لحد ماشفت الصورة دي .... الموضوع بدأ يتطور معايا وبقت الصورة الي فالارض تظهر وتختفي وكمان تطلع صوت وتقول كلام انا مش فهماه.... لحد ما فيوم ظهرت ونديت جوزي بسرعه جه اخيرا وشافها وصدقني وعرف اني مش مجنونه... = معناه ايه يا ماجدة مين صاحبة الصورة دي... _ مش عارفه يا باسم احنا لازم نكلم شيخ او حد يجي يعرف ايه حكايتها انا بدأت اخاف من البيت.... = عندك حق... بدأنا نحكي لجيرانا عن الصورة دي ومكانوش مقتنعيين ... كانوا بيقولوا علينا دجالين وان احنا الي بنرسم الصور دي عشان نتشهر والناس تيجي بيتنا..... كتابات ل ghada saeed قررنا اننا نسكت ومنحكيش لحد تاني... عشان نبعد عن وجع الدماغ الناس مش بتبطل كلام... وفيوم حد من جيرانا طلب مننا يشوف الصورة دي دخلناه شافها لكن استغرب جدا ... مين الست الي فالصورة وازاي موجودة علي البلاطه بالدقه دي دا لا يمكن يكون رسم... هو الوحيد الي كان مصدقنا... وفي يوم كنت قايمه ادخل الحمام بليل وكالعادة سمعت صوت خارج من صورة الست بس الصوت المرة دي كان متغير عن كل مرة رفعت السجادة ابص عالصورة وكانت الصدمه..... يتبع.. خيالات حقيقية الجزء الاول بقلم / غادة سعيد مأخوذ من قصه حقيقيه حدثت في القرن ال ١٩ خيالات حقيقية الجزء الثاني بقلم/غادة سعيد لقيت صورة تانيه جمب الاولي لشخص تاني واحد باصص للصوره الاولي وكنت سامعه صوتهم زي ميكونوا بيكلموا بعض لاا الموضوع دا شكلوا ميطمنش خالص انا لازم اقول لجوزي يشوف حل عشان انا كده بدأت اخاف... صحيته من النوم وريته الصورة التانيه الي ظهرت ... استغرب جدا وقالي... _ صورة تانيه ازاي بس يا ماجده البيت كده مبقاش امان خالص = انت لازم تشوفلي حل فالصور دي.... كلم اي حد او اي خبير.... الموضوع وصل للجيران ان فيه صورة تانيه ظهرت ... بدأو يصدقونا وبقوا كل يوم يزورونا يتف*جوا عالصور دي... دول كمان افتكروا اننا اولياء صالحيين عشان الصور دي ظهرت عندنا بس.... بقوا يجوا بيتنا عشان يتمنوا امنيه ظنآ منهم انها هتتحقق لو جم دعوا عندنا فالبيت... كتابات ل ghada saeed والي بنته مريضه يجي عشان يدعي ان ربنا يشفيها... الموضوع بدأ يتطور والناس بقت تيجي من بعيد تدينا فلوس عشان تدخل البيت... فالاول الموضوع كان مزعج عشان بيتنا طول اليوم في ناس... لكن بعد كده بقي دا مص*ر رزقنا ... جالنا من وراه فلوس كتير... كان ممكن نشتري بيها بيت تاني احسن من دا الف مرة لكن انا رفضت اسيب البيت دا... اتشهرنا في كل مكان ..... لكن الموضوع وصل لمديريه الامن وقررت تيجي بنفسها وقالت اننا دجاليين ونصابيين... لكن استدعت خبير مشهور جدا عشان يعرف ان كان الي فالارض دا رسم ولا دجل ولا فعلا احنا ملناش دخل فيه وقالولنا لو طلعنا فعلا دجاليين هيحكم علينا بالسجن مدا الحياه.... انا بصراحه كنت خايفه مع اني معملتش حاجه بس خفت ليكون حد عاملي عمل ويفتكروا اني فعلا دجاله.... عدا يومين ومديريه الامن جت وجه معاها الخبير ... ومعاه اقوي ماده كميائيه عشان لو كان رسم يتشال فورا... دخلوا البيت والخبير جهز نفسه وحط المادة الكميائيه... وهو بيشيلها كانت المفجأه..... يتبع خيالات حقيقية الجزء الثالث بقلم/غادة سعيد ...الخبير وهو بيشيل اقوي مادة كميائية الصورة متأثرتش بيها نهائي... كأنها جزء منها ... وأكد اننا ملناش اي دخل بالصور دي وانها فعلا ظهرت لوحدها...... وطلعنا من المصيبه دي لأننا كانوا هيحكموا علينا بالسجن مدي الحياه.. بس لسه في علامات استفهام كتيرة احنا عاوزيين نفهمها .... هي مين الناس دي وليه ظهروا عندنا احنا ومظهروش عند حد من جيرانا... فضلنا عالوضع دا حوالي شهر.... لكن الموضوع بدأ يتطور وبدأت تظهر صور جديده رجاله وستات واطفال كمان.... وطول الليل اصوات وصوت عيال صغيرة بتعيط ... الموضوع بقي مزعج جدا مبقناش نعرف ننام خالص... طلبت من جوزي يجيب شيخ وقسيس يحاولوا يعرفوا الي بيحصل.... اول ما دخلوا بدأوا يقروا بعض الايات من القرآن والإنجيل ولكن الصور مختفتش ولا فيه حاجه حصلت.... لكن طلبوا مننا انهم يحفروا في البيت عشان يقدروا يوصلوا لحاجه.... كتابات ل ghada saeed وافقنا طبعا وبالفعل جابوا ناس معاهم وبدأوا فالحفر.... وهما بيحفروا بدأت تظهر حاجات غريبه حشرات وسوس و دود... ازاي الحشرات دي عايشه تحت الأرض وسط كوم تراب... كملوا حفر لكن واحد من العمال وهو بيحفر حس ب ايد بتشدوا لتحت وخاف يكمل حفر وسابنا ومشي.... التاني بقي جالوا خبر وفاة ابنه وهو بيحفر وبرضوا سابنا ومشي.... كدا مفيش غير واحد و الشيخ والقسيس... بدأوا يساعدووه فالحفر ... وهما بيحفروا بقي يحصل حاجات غريبة... الصور الي علي البلاط الي خلعناه من مكانه وابتدينا نحفر بقت تظهر وتختفي كل ثانيتين... وانوار البيت عماله تنور وتطفي والبيت بقي مخيف لدرجه تخلي الواحد قلبه يقف ... واثناء الحفر الناس لقت اول حاجه ممكن توصلنا للي بيحصل... يتبع... خيالات حقيقية الجزء الرابع والاخير بقلم/غادة سعيد لقوا كوم شعر شعر انسان... الريحه ابتدت تظهر كل ما يحفروا كانت ريحه بتظهر.... حفروا علي عمق كبير انا نفسي مش فكراه من الي شوفته تحت.... احنا لقينا جثث لناس تحت بيتنا .... مش دي المشكله ...المشكله انهم كلهم مقطعوين الرأس هياكل عظميه ورؤوس لوحدها.... الظاهر ان الناس دي كانت بتتعذب واتقطع راسهم واتدفنوا فالارض بتاعه البيت بتاعنا من غير ما حد ياخد بالوا... وبنوا فوقيهم البيت.... طلعوا كل الهياكل العظميه واتفقنا اننا نروح ندفنهم في ترب .... كفايه الي حصلهم كل السنين دي .... وكفايه الموته الي ماتوها الب*عه ستات ورجاله واطفال... كلهم راسهم مقطوعه.... اخدناهم ودفناهم بعد ما الشرطه طلعتلنا التصريح..... وبعدها غيرنا كل بلاط البيت وجبنا رمل نضيف نردم بيه الحفرة.... جوزي طلب مني اننا نسيب البيت بس انا رفضت لأني متعلقه بالبيت ده.... وخلاص انا متأكده ان مفيش حاجه تاني هتظهر احنا شيلنا كل الجثث.... لكن الغريب ان الصور ظهرت تاني واكتر من الاول.... وبتطلع اصوات... بقيت محتارة انا متأكده اننا طلعنا كل الجثث الي فالبيت ايه سبب ظهورهم هنا تاني.... جبنا شيوخ وعلماء ارواح وكلهم اجمعوا ان الصور مش هتبطل تظهر لأن روحهم هنا فالبيت واتقتلوا في نفس المكان دا ومعندهمش تفسير ليه ظهروا فالوقت دا بذات.... خلاص قررنا اننا نسيب البيت.... ولحد الان بيتنا محدش سكنوا .... بس انا كل الي شاغل تفكيري مين الناس دي.... ومين الي عمل فيهم كده.... اد ايه اتعذبوا قبل ما يموتوا.... اكيد دول كانوا عيلة وحد قريب منهم الي عمل فيهم كده.... والسؤال الي شاغل تفكيري هو ممكن حد يجيلوا قلب يقتل ابرياء بالطريقه دي؟!!!!! النهاية

Free reading for new users

Scan code to download app

App Store Google Play

Facebookexpand_more