السلسلة الملعونه ( الليلة الملعونة )

2224 Words

كنت حاسس بلسعة البرد من الشباك لكن الهواء بالرغم من برودته ضروري عشان منمش في طريقي أنا مرعي سائق مقطورة لشحن البضائع لدي احدي شركات الشحن كنت في طريق الزعفرانة ماشي وغلبني النوم فكرنا العربية انا والمساعد بتاعي ونمنا وبعد ساعة لقيت حد بيخبط علي الشباك ببص لقيت واحدة ست وشها محروق وايدها محروقة ومعها عيل علي كتفها محروق بتقولي حرك العربية من فوق ولادي انا قلتلها حاضر وفعلا حركت العربية ومشيت جريت بسرعة ومنمتش تاني في الطريق ومش قادر انسي اليوم ده واليوم ده تعبني اوي يا استاذ مدبولي عندك حل دي كانت اول مشكلة معانا انهاردة علي راديو ٤٤٦٠ استنونا بعد الفاصل انا مدبولي عندي ٥٠ سنة شغلنتي عالم روحاني انا طول عمري بدور في ما وراء الطبيعة وفي حالات كتير بتجيلي بس بحب اجبها عندي في الإذاعة كل يوم ثلاثاء الساعة ٣ الفجر يحكوا هما بنفسهم ورجعنالكم تاني تاني الليلة مع مدبولي . احب اعلق علي عم مرعي طبعا هو قال قصته قبل الفاصل ان اكيد الي حصل معاك ده لأن في وقت مش بتاعنا وده طريق سفر وارد جدا تكون روح مش مرتاحة بسبب حادثة ....فحاول متركزش لأننا مش عايشين لوحدنا ونستقبل اول مكالمة معانا ومدام رنا إتفضلي ايوة استاذ مدبولي مبسوطة اني بكلم حضرتك شرف ليا يافندم اتفضلي ...انا حصل معايا حاجة غريبة اوي ملهاش اي تفسير علمي انا بشوف حجات كتير وناس يمكن معرفهاش ولا اي حاجة في احلامي وبرجع اشوفهم في الحقيقة .....ده طبيعي ....طبعا يافندم ده وارد يحصل لأننا كلنا ممكن نمر بنفس الموقف ونعيش تفاصيله وده السبب العلمي انه بيحصل اضطراب بين الفص الايمن والأيسر في المخ يخلينا نحس الموقف مرتين أو حلمنا بيه وده طبيعي خالص متقلقيش ..... ومعانا ضيف عنده موقف استنونا بعد الفاصل .... ورجعنا ....... استاذ راضي اهلا وسهلا بحضرتك ..اهلا بحضرتك قلنا يا استاذ راضي ايه موقف مش طبيعي حصل معاك يا فندم انا مهندس بترول وأغلب شغلنا في الصحراء في يوم شفت بنت زي القمر بليل ندهت عليا بأسمي افتكرت حد يعرفني وبيعمل سفاري أو حاجة روحتلها وبصراحة كانت جميلة جدا ...قالتلي انا عربيتي عطلت محتاجة حد يساعدني روحت معاها اساعدها برده الساعة ١٢ بليل ولوحدها مشيت كتير اول ما طلعت عالطريق لقيت العربية بس شكلها قديم اوي فتحت الكبوت ابص فيه وبقولها ازاي جيتي بالكهنة دي العالمين ... سمعت ضحكة وحشة اووي وصوت اجش وعاااالي اوووي بتقولي الي جابك جابني لسا ببص عليها شفت ....... راجل طويل لابس بدلة قديمة اوي طربوش وجنبه البنت وشها كله دم طبعا ...اغم عليا مكاني وصحيت علي صوت زمايلي بيفوقوني ايه يابني مالك انت ايه الي وداك هناك طبعا حكيتلهم وعرفت أن البنت دي بتظهرلهم وشكلهم كده فعلا كانوا ناس ماتوا أو عملوا حادثة بس انا كتير بحلم بنفس الي حصل ده ويتكرر معايا .....حضرتك متحاولش تفكر بس وانسي الموضوع وبكدة نكون وصلنا لنهاية حلقتنا ونتقابل الاسبوع الجاي ...... خلصت الحلقة وروحت وتاني يوم ببص في صندوق الجوابات لقيت جواب من غير عنوان أو معرفش مين بعته احضر في العنوان .....محافظة.......احتاج مساعدتك .....امضاء سماح ورقم تلفون طبعا انتو عارفين انا مش مذيع اصلا ولا حاجة كل ما في الأمر اني كرست حياتي الروحانيات وماوراء الطبيعة ولأني مؤمن بوجود كائنات من عالم اخر واني عمري ماشفتهم بس بحس وجودهم حوالينا المهم انا قررت اتصل بالرقم ... رديت أستاذة سماح مدبولي معاكي ...ايوة يافندم انا محتاجة حضرتك في أمر هام طب ممكن تشرحيلي الموضوع بأختصار لا ...افضل حضرتك تيجي بنفسك ...طبعا فضولي خلاني اروح عشان اعرف الموضوع الخطير ده ركبت القطر واتحركت لطنطا وإنا في طريقي غلبني النوم ..... وشفت طفل اسمر اوي بيبكي دم طبعا ماركزتس لانه حلم واكيد من تعب السفر وصلت البيت باين عليه بيت قديم من بيوت زمان حواليه ارض زراعية قابلت أستاذة سماح وأبوها حشمت طبعا رحبوا بيا ...وبعد الضيافة الراجل قالي في موضوع مش فاهمه خالص انا كنت مسافر برة بقالي ٣٠ سنة وبنتي اتولدت في الغربة ومعنديش غيرها وامها ماتت ولما رجعت علي بيت جدي لقيت حاجة غريبة مكتبة جدي الكبيرة دي بيطلع منها موسيقي غريبة وإول ما ادخل كل حاجة تسكت طبعا انا قلت ده بيشتغلني في ناس كتير بتعمل كده وأرحلهم ملقيش اي حاجة قررت أستني فعلا وأشوف بنفسي واحنا بنشرب القهوة سمعت موسيقي قالي اهو شفت بس موسيقي لعبد الوهاب قلت اشوف نزلت المكتبة ودخلت ملقتش صوت قررت أبات في المكتبة وقعدت استني مفيش حاجة بتحصل سمعت الموسيقي وقعدت علي كرسي هزاز حسيت بجو زمان القديم ده وغلبني النوم شفت ملكة جمال بتشغل جرامفون علي عبد الوهاب وبتقعد علي كرسي هزاز وتقرأ كتاب هيا مش شايفاني ومرة واحدة سمعت صرخة هزتني ...... يتبع لقيت الحج حشمت بيصحيني بيقولي مالك يا استاذ مدبولي انت كنت بتحلم سألته حصل ايه قالي سمعتك بتصرخ جامد ...قلتله مش أنا قالي امال مين يالا عشان نفطر ونقعد نتكلم شوية في حجات لازم اقولهالك بعد الفطار حكالي ان البيت ده زمان كان بيت فيه انجليز ويقال ان حصلت فيه حريقة وماتت بنت جميلة عشرينية والناس سعات بيشوفوها وإنا كمان شفتها مرة أو مرتين ....قلت اقولك يمكن ده يفيدك طبعا انا قلت لازم ابدأ اعمل جلسة بس محتاج اكلم الفريق بتاعي لان الموضوع شكله جد مش هزار اتصلت بالشباب مارك وياسر وبعد لما ارتاحوا قلتلهم هنبدأ الساعة ٢ الفجر طبعا رسمت الدايرة وفيها بعض الرموز وطبعا الشمع والبخور بتاع التحضير وبدأنا نتواصل مع الأرواح الي في المكان ... طبعا نبهت علي حشمت وسماح محدش يدخل المكتبة ابدا اول حاجة الشمع اطفي وولع وكده الجلسة بدأت بدأت اسأل مارك لان لازم حد اتكلم مع الأرواح وتحضر جواه قلتله انت مين ....سمعت بنت بتتكلم It's me Suzy اتكلمت معاها بالانجليزي روح بنت انجليزيةاسمها سوزي اتقتلت في مقابل قربان للجن علشان يطلعوا الكنز وروحها مش مرتاحة بسبب طريقة قتلها الب*عة حسيت مارك بيتعب اوي قررت انهي الجلسة بسرعة ...واطمنت علي مارك ياسر قالي ان في ولد أفريقي ظهرله وفي دموع دم في عينه وشاورله علي رف في المكتبة قررت اقعد اجمع الأحداث انا افتكرت اني فعلا حلمت بولد افريقي وإنا في طريقي لعم حشمت وسماح باقي ٤ أيام علي البرنامج والإعداد اتصلوا بيا عشان الحلقة الجديدة ...لازم اخلص الموضوع انهاردة عشان أجهز الحلقة الجديدة قعدت مع عم حشمت قلتله الي حصل في الجلسة وياسر كان بيدور المكتبة علي حاجة تفيدنا في الموضوع لقيته لاقي كتاب سحر قديم كنت بسمع عنه الكتاب في تعاويذ قديمة و عزايم لتعليم السحر وطبعا مش محتاج اقولكم ان لازم قرابين بتسخير ملوك الجن ذ*ح طفل أو فتاة عذراء وده الي يفسر ظهور الأرواح دي لكنها مش مؤذية بس ده مكان وجود أرواحهم وهتفضل تظهر في المكان واحنا بنتكلم لفت نظري ضوء غريب طالع من المكتبة لسا بقرب .. اول مالمستها الارض كلها أترجت...... لقيت ضوء لما قربت شفت ماسة كبيرة اول ما لمسته الارض كلها أترجت......وكلنا وقعنا في اوضة مفهاش اي حاجة غير رموز وصور واطباق وحاجات قديمة وتابوت فاضي مفيش اي حاجة تفهمنا الي حصل اتصلت بالبوليس لان كلنا كنا تحت وبعد بحث وتحقيقات كتير ...اتضح انها مقبرة فرعونية قديمة مسروقة تقريبا من ايام الإنجليز وكل الي بيحصل بسبب طقوس السحر وطبعا المكان اتحول أثر وحج حشمت وبنته تم توفير سكن ليهم من الحكومة وطلبت منه يجي معايا ....الحلقة الجديدة اما بالنسبة للكتاب فأنا اخدته ضميته للكتب الي عندي والماسة اختفت ومظهرتش تاني والمكتبة كلها تم التحفظ عليها وطبعا دي كانت قصة عم حشمت وصوت الموسيقي الغريبة وحبيت يحكيها لحضراتكم وموضوعنا الجديد شاب رفض ذكر اسمه بيحكي قصة حقيقة الفضول الي كان سبب الي حصل والي لسا بيحصل الولد ده كان بيبحث في ما وراء الطبيعة وعاوز يعيش مغامرة غريبة سمع من مجموعة من أصحابه زاروا قصر البارون وقرروا يقوموا بجولة في القصر ... طبعا في غرفة معروفة بغرفة الدم ...والمرشد قالهم ان لو حد مسح الدم هيرجع تاني دم جديد الولد عمل كده وفعلا الدم رجع ولما حكي تجربته لصديقه الي كان عنده فضول يبحث عن ما وراء الطبيعة والمخلوقات الخفية الولد اخد صديقه الي سبق زيارة القصر نهارا واتسللوا داخل القصر باليل ومعاهم كشافات طبعا اول ما دخلوا القصر كان شكله مخيف وفيه رهبة لكن عاوزين يعرفوا سبب الدم ده واول ما وصلوا امام الغرفة شافوا بنت بتبتسم ابتسامة شريرة وبتشاورلهم علي اخر الممر طبعا احتركوا في اتجاه الممر لكن المفاجأة ملقوش سلم النزول أو الطلوع وزي ما يكونوا مفيش مخرج أو مكان للصعود وبدأ يسمع ضحكات بصوت عالي وشخص بيقولهم إن من يعتد علينا ...سوف نعتد عليه والجملة فضلت تتكرر لحد ما الولد قعد في الارض يقرأ قراءن ومرة واحدة ظهرلهم شخص وقالهم ايه الي جابكم هنا انا هبلغ الشرطة طبعا افتكروه من الأمن وقعدوا يتأسفوا وإن الفضول دفعهم وهما في طريقهم للخروج الراجل ده اختفي وهو ماشي قدامهم بعد ما وصلوا مكان السلم الولد بيحكي اول ما نزلنا لقينا حفلة والأنوار منورة في عازف بيانوا وناس لابسين فساتين وبدل والي واقفين بيتكلموا والي بيضحكوا ومحدش شايفنا أو مركز معانا لحد ما سمعنا دقات الساعة ١٢ منتصف الليل واصلا الساعة وقتها كانت ٢ صباحا بصيت في تلفوني لقيت الساعة ٢ص وساعاتي وساعة صاحبي ومرة واحدة سمعنا صوت ب*ع وكل الي في القاعة حصلهم كل الي في القاعة كأنهم تماثيل صامتة مش بتتحرك والصوت من قوته حسيت الارض بتهتز تحتينا ومش مفهوم ايه الكلام الي سمعناه أو لغة ايه وبدأت الأنوار تطفئ ماعدا ضوء خفيف وكل الناس في القاعة كل تركيزهم علي السلم الطابق الثاني الي كنا فيه علي شخص مش باين ملامحه بسبب الإضاءة الخافتة و بدأنا نسمع إيقاع غريب وشفت شخصين ماسكين بنت من ايديها الاثنين لابسة فستان أبيض لما ركزت في ملامحها لقيتها نفس البنت الي شاورتلنا واحنا فوق امام الغرفة وبدأنا نسمع إيقاع عالي ومرة واحدة ذ*حوا البنت دي وسمعنا صرخاااااات عالية اوي جرينا بسرعة وخرجنا من القصر ومحدش كان شايفنا ومن ساعتها عمرنا ما حاولنا نعدي من هناك ابدا ابدا ...... طبعا انا احب اقول للشباب والبنات الي بيسمعوني بلاش نفتح ابواب مش بتاعتنا بلاش ندخل عالم مش بتاعنا لان مش كل مرة هنلحق نفسنا .... وبكده نكون وصلنا لنهاية حلقتنا .......... وانا مروح وبركب عربيتي لقيت واحدة ست كبيرة بتقولي محتاجة مساعدتك افتكرتها محتاجة فلوس لكنها رفضت تاخد الفلوس قالتلي انا في مشكلة كبيرة وفي ناس قالولي انك هتساعدني ابني بيضيع مني انا عشان الوقت متأخر اديتلها رقمي وانتظرت مكالمتها وتاني يوم كلمتني وروحت البيت عندها الوضع محزن جدا جدا ....لقيت ولد ١٧ سنة متكتف في سريره وبتجيله نوبات صرع وتشنجات الولد عايش مع امه لوحده ووالده متوفي ولما سألتها ليه مودتهوش لدكتور قالتلي مفيش حاجة نافعة كل الدكاترة بتقول التحاليل سليمة والعلاج النفسي مفيش نتيجة وحتي الشيوخ مجبوش نتيجة انا حتي وديته الكنيسة والقسيس بخره ومفيش فايدة ة سألتها ممكن اعرف ايه الي حصل وهو كده من امته هو بقاله ٣ شهور كان قبل كده كويس كنت نايمة وصحيت من النوم علي صوته وكأنه بيحلم وعمال يتشنج ومبرق في السقف وفضل كتير كده وفاق بعد ربع ساعة من الحالة دي وكان طبيعي بس مكنش فاكر أي حاجة من الي حصل والموضوع كان في الاول بيروح ويجي لحد ما وصل للحالة دي ....حضرتك تقدر تساعدنا ....والله يا حجة انا مش دكتور ولا شيخ ....لكن لو اقدر اساعده مش هتاخر .... ومشيت من عندها وإنا مش عارف افكر تاني يوم روحت ومعايا مايكل وياسر وقلتلهم نبذة عن الموضوع وإول ماروحت الولد كان طبيعي جدا وكان مفيش حاجة وبعدين امه بدأت تحس ان في امل في ابنها واحنا قاعدين لقينا الباب بيخبط جامد بس الغريب .... يتبع الولد بدأ يتوتر ويتشنج وأول ما ياسر فتح الباب لقينا قط كبير واقف بيعمل صوت غريب وكأنه بيتكلم صوت وحش جدا .....وكان باصص علي الولد والولد دخل في نوبة من نوبات الصرع والتشنجات طلبت من مارك يجيب حقنة مهدأة وبعدين قررت أبدأ اعمل جلسة نشوف المكان ده في ايه قصة القط ده... بدأت الجلسة وطلبت من امه متدخلش الاوضة مهما يحصل أو تسمع الولد بدأ يطلع صوت هممهمة مش واضحة وبدأت اتكلم معاه طلع صوت غليظ عالي انا مش هسيبه هفضل أذيه لحد ما يموت ....مش هسيب حقها حاولت ارجع اتكلم مع الشخص أو الولد لكنه ماستجبش .....رجعت من تاني ابدأ الجلسة وبدأت اتكلم سمعت نفس الشخص بيقول نفس الكلام والولد بيقول مكنش قصدي كان غصب عني ...مكنتش اعرف .....كلام مش مفهوم بس واضح ان الولد عمل حاجة دخل عالم مش بتاعه أذي حد مكنش المفروض يأذيه.......خرجت من أوضته وقعدت ادردش مع والدته مين صحابه أو قبل مايحصله كده كان بيروح فين أو مين بيزوره .....قالتلي علي أصحابه وفعلا بدأت اتصل علي أقرانهم بس الغريب أن ٣ من أصحابه بيحصل معاهم نفس الي بيحصل للولد طلبت من أهالي الأولاد لو حد لاحظ حاجة غريبة او اي حاجة تساعدني لان اكيد كل ده مش صدفة .... في بنت اخت ولد من أصحابه قالتلي انا عارفة هما عمله ايه والدها قالها قولي يا ياسمين متخافيش قالت خالد اخويا سمعته بيكلم صحابه فيديو كول وقالهم انا لقيت كتاب سحر في مكتبة جدو وممكن نحضر عفريت ونسخره ويحقق لنا كل أحلامنا واتفقوا كلهم علي اليوم الي حضرتك وماما سافرته فيه البلد زي ما بتسافروا كل شهر عشان المحصول وفضلت اراقبهم اول حاجة خالد جاب ورقة وولع شمع في الارض وحط الورقة دي علي الارض وقعدوا كلهم يقولوا كلام وبعدين ابراهيم جاب القطة ذ*حها انا شفت كل ده خفت وجريت علي أوضتي وخفت أحكيلكم الي حصل ومن ساعتها وخالد اخويا سعات بسمعه يعمل صوت زي القطط .....طبعا ابوها لما سمع الكلام ده اتصدم بس انا كده خلاص عرفت الي بيحصلهم ده سببه ايه انا احب اقولكم ان ده طقس سحر سفلي وطبعا قتل القطة غير انه حرام القطة الي اتقلت من سوء حظهم مكنتش قطة ده كان جن متشكل في قطة وبقتل القط ده معناه قتل الجن وفي دية ولازم هتدفع والاذي ده لازم هيترد ليهم ربنا يسامحمهم وهو وحده قادر ينجي أولادكم من الي هما فيه .....ده كان كلامي لاهل الولاد ....وكلامي لحضراتكم ولكل المستمعين بلاش نفتح ابواب مش بتاعتنا بلاش ندخل عالم مش بتاعنا ربنا خلق كل واحد للعالم بتاعه وآخر حاجة هختم بيها ... محدش هيقدر يغير القدر أو المكتوب أو يحقق حاجة ولا اعمال ولا جن ولا سحر السحر الحقيقي هو أن كل واحد فينا يجتهد ويعمل الي عليه وبسبب الباقي لربنا .....اشوفكم في حاجة جديدة

Free reading for new users

Scan code to download app

App Store Google Play

Facebookexpand_more