السلسلة الملعونه ( السحر الأ**د )

2989 Words

ياساتر يارب .... _ في ايه مالك يا مريم... _ حلمت بكابوس فظيع يا احمد .... _ استهدي بالله بس .... _ لا انا بقالي كام يوم بيحصلي حاجات غريبه في حاجه غلط.... انا هقوم ادخل الحمام.. هغسل وشي واجي اكمل نوم.. احمد تعالا بسرعه _ في ايه تاني يامريم.... _ اللعبة بتاعه الولاد دي ايه الي جابها هنا انا حطاها ب ايدي فوق الدولاب ايه الي جابها قدام الحمام.... _ يمكن حد بس من الولاد نزلها... _ بقولك فوق الدولاب هينزلوها ازاي.... لا ياحمد الموضوع كده ميطمنش خالص .... _ يوووه بقي يا مريم شيلي الخرافات دي من دماغك انا زهقت.... دخلت مريم الحمام وهي متعرفش في ايه مستنيها اول ما دخلت وقفلت الباب.... كان في حد واقف ورا باب الحمام بس ملامحه مش باينه تقريبا نص وشه محرووق.... _ انت...انت ميين.... _ اخيرا يا مريم بقينا لوحدنا ... بدأت تصوط واحمد مش سامعها.... _ صوطي براحتك مفيش حد هيسمعك غيري ..... وبدأ يقرب منها راح هامس فودنها .... كتابات ل ghada saeed خلاص كده يامريم انتي بقيتي بتاعتي.... عاوزه تعرفي انا مين ..... انا سارم ومش هتعرفي تصحي من الحلم ده غير لما حد يصحيكي وساعتها هكون اتمكنت منك.... _ ايه ده انا في حلم يعني انت مش حقيقي ..... _ لا طبعا حقيقي وهتعرفي لما تصحي.... فجأة مريم سمعت صوت حد بينده عليها.... _ مريم في ايه يا مريم اصحي ..... صحيت مريم وجت تبص فالمرايا اتفزعت من الي شافته .... شافت كدمات علي كل جسمها وخرابيش في دراعها .... ايه الي في جسمي دا انا قبل ما انام كنت كويسه وحلمت ب كابوس وكان فيه واحد شكله غريب اوي وهو الي عمل فيا كده.... راحت مريم ل احمد عشان توريله الي في جسمها وتحكيله الي حصل لكن كانت المفجأه ان الي كل الي علي جسمها اختفي اول ما راحتله.... بس قررت تحكيله الي حصل فالكابوس ... وكالعادة مكنش مصدق وقالها انها اعصبها تعبانه من البيت والولاد.... _ احمد انا عاوزه اروح اعد عند ماما شوية اعد معاها هي و اختي اغير جو عشان انا في ضغط نفسي انت مش حاسس بيه... _ ماشي انا كده كده يومين وهسافر واود*كي تعدي هناك معاهم لحد ما ارجع... انا هروح الشغل دلوقتي وبليل لما ارجع نكمل كلامنا.... مريم دخلت تحضر الاكل في المطبخ سمعت ابنها حمزة بينادي عليها... _ ماما لسه كتير عالاكل... _ لا يا حبيبي قربت اخلص اهو ... _ طيب خلي عمو الي واقف جمبك دا يمشي عشان شكله وحش اوي... _ مين دا الي جنبي يا حمزة.... _ خلاص اهو مشي ياماما جهزي الاكل عشان جعان... حمزة تعالا هنا بسرعه انت بتقول ان حد كان واقف جنبي كان شكله عامل ازاي .... _ كان شكله وحش اوي يا ماما ووشه مخيف هو مين دا انتي تعرفيه.... _ لا يا حبيبي مفيش حد انت كان بيتهيألك اكيد ... سابها حمزة ومشي لانه طفل عنده ٣ سنين ومش فاهم الكلام دا معناه ايه... كملت مريم الاكل وهي بتفكر في شكل الراجل الي ابنها قالها عليه وبتقارنه بالي كان فالحلم لانه تقريبا نفس الشكل .... خلصت مريم الاكل واكلت هي والولاد ودخلت اوضتها ترتاح شوية وقعدت تفكر في الي بيحصلها .... فجأه باب الاوضه اتقفل وسارم كان واقف قدامها .... _ نمتي من كتر التعب كا عادتك ومحدش هيصحيكي ولا هياخدك مني .... _ انت عاوز مني ايه سيبني في حالي .... كتابات ل ghada saeed _ مش هسيبك في حالك غير لما تنفذي الي انا عاوزه... _ ايه الي انت عاوزه.... = ماما انتي نمتي.... ماما .. _ ايه ياحمزة في ايه ... _ عاوز اشرب .... _ حاضر يا حبيبي .... الحمد لله ان حمزه صحاني في الوقت المناسب انا هقوم اعمل كوباية قهوة كبيرة عشان منامش تاني ..... رجع احمد من الشغل لقي مريم قاعدة عالسرير علي وشها خوف واضح... _ مالك يا مريم... _ مفيش يا احمد تعبانه شويه .... _ تعبانه من ايه .... _ انا كل ما احكيلك تفتكر اني مجنونه وانا والله مش مجنونه انا بحلم ب حاجات غريبه... لو انت مش مصدقني اسأل حمزه .... _ حمزة.... ايه دخل حمزه بالموضوع... _ اسأله وانا بطبخ شاف ايه واقف جنبي ..... _ حمزة تعالا ياحمزه انت شوفت ايه جنب ماما النهاردة ... _ مش فاهم يابابا.... طبعا حمزة ولد صغير ومش هيفتكر اي حاجه.... _ انتي هتجنني العيال كمان انتي لازم تروحي ل دكتور نفسي انا ابتديت اخاف منك ومش هقدر اسيب عيالي معاكي .... _ والله انا مش مجنونه انا في واحد بيطاردني في احلامي واسمه سارم .... _ مريم استني انتي قولتي اسمه سارم.... _ انت تعرفه..... _ سارم دا يبقي..... يتبع #التائهه #معرض_الكتاب #مؤسسة_بداية السحر الاسود الجزء الثالث بقلم /غادة سعيد _ انت تعرفه..... _ سارم دا يبقي خادم اكبر دجال متخصص فالسحر الاسود... _ وانت عرفت الكلام دا منين .... _ انتي نسيتي اني من زمان بحب اقرأ كتب عن السحر والاعمال.... _ اه صحيح... طيب دا ممكن يكون ايه انا معمولي سحر اسود؟!!!!!... _ لا يا مريم مش للدرجادي دا ممكن يكون صدفه مش اكتر ودي مجرد كوابيس من الارهاق .... _ لا يا احمد انا متأكده ان في حاجه مش طبيعيه بتحصلي.... _ عالعموم انا هود*كي عند مامتك جايز اعصابك ترتاح... راحت مريم عند مامتها و اول ما دخلت.... _ مالك يا مريم وشك ماله شكلك تعبانه يابنتي. _ اه ياماما انا تعبانه اوي انا بيحصلي حاجات غريبه بقالي يومين.... اختها خرجت من اوضتها... _ مالك يا مريم ايه الي حصل.... _ تعبانه اوي يا هند ومش بنام.... وحكيتلهم عن كل الي حصل....... = ادخلي انتي دلوقتي ارتاحي يا حبيبتي وهاخدك بكرة الصبح عند شيخ جنبنا هنا وان شاء الله يعرف الي فيكي.... _ انا مش بعرف انام ياماما انا كل ما انام يجيلي فالحلم وخايفه منه.... _ طيب يا حبيبتي نامي وانا هفضل قاعده جنبك هنا.... _ بس نص ساعه وصحيني يا ماما اوعي يا ماما متصحنيش كمان نص ساعه ممكن يقتلني..... دخلت مريم عشان تنام ومامتها قعدت جنبها.... كتابات ل ghada saeed اول ما نامت لقت باب الحمام بتاع مامتها بيتفتح وطالع منه سارم..... _ انتي فاكرة هتستحملي قله النوم دي اد ايه يوم اتنين تلاته .... بس مسيرك هتنامي وهعرف اوصلك..... _ انت عايز مني ايه انت مين الي باعتك ليا.... _ في حد عاوز يأذيكي وانا عليا بنفذ الاوامر بس .... _ هتستفاد ايه انا معايا اطفال.... _ انا خادم وبنفذ الاوامر بس لكن شوفي الشخص الي عاوز يأذيكي عمل كده ليه وسيبيني اشوف شغلي..... لقيته فجأه ايده بتتحول ل سكينه وبيقرب منه وهو بيبص في عيني وبيضحك .... _ مريم....مريم اصحي يامريم مالك يا بنتي جسمك كله بيترعش ..... _ الحقيني يا ماما دا كان هيقتلني..... انتي صحتيني علي اخر لحظه.... _ لااا انا مش هستني لبكرة عشان نروح للشيخ انتي قومي معايا دلوقتي حالا.... دخلت مريم لبست هدومها بسرعه ونزلت هي ومامتها وراحوا علي بيت الشيخ محمد.... _ سلام عليكم ياشيخ محمد احنا اسفين جايين في وقت متأخر ومن غير ميعاد.... _ لا ولا يهمكم اتفضلوا انا بيتي مفتوح ل أي حد محتاج مساعدة..... دخلنا واول ما قعدنا لقينا الشيخ جاي يجري من جوة ... قوموا من هنا بسرعه.....يتبع #التائهه #معرض_الكتاب #مؤسسة_بداية السحر الاسود الجزء الرابع بقلم/ غادة سعيد دخلنا واول ما قعدنا لقينا الشيخ جاي يجري من جوة ... قوموا من هنا بسرعه... _ في ايه الي حصل ياشيخ محمد.... _ انتو مش جايين لوحدكم صح.... _ مش جايين لوحدنا ازاي .... _ انا شوفته داخل معاكم دلوقتي حالا... سارم دا يبقي اقوي خادم للدجاليين حد فيكم معموله سحر اسود ومدفون فالمقابر ومش هيطلع غير لما تلاقوا السحر وتحطوه في ميه وملح ودا لازم يبقي في اسرع وقت عشان متتأذووش... _ شوفتي يا ماما مش قولتلك .... مين الي هيكون عمل فيا كده ياماما انا كل الناس بتحبني وعمر ما حد يفكر يأذيني... _ مين قالك كده الظاهر من الناس غير الي جواهم هتلاقي حد من اهل جوزك سلفتك ولا حد من اخواته.. _ لا يا ماما انا عمر ما شوفت منهم حاجه وحشه.... _ احنا لازم نعرف مين ال عملك العمل عشان نقدر نفكه ودا مش هنعرفه غير عن طريق دجال انا هاخدك ونروح ل واحد بس اوعي تقولي لجوزك حاجه احسن يطلع هو ال عاملك العمل.... كتابات ل ghada saeed _ مين دا يا ماما دا ابو ولادي عمره ما هيفكر يأذيني في حاجه.... _ بس متقوليش كده محدش يعرف الي مستخبي.... رجعنا عالبيت ودخلت نمت وماما جنبي طبعا عشان نص ساعه وتصحيني... اول ما روحت فالنوم .... لقيت سارم ظهرلي ب شكل افظع من الي قبله..... مش عرفه ايه خلاني جريت عالمطبخ وجبت سكينه ... لكن هو متأثرش ولا اتهز حتي لما شافها..... _ انتي فكراني هخاف من السكينه الي في ايدك دي انا خالد ومستحيل اموت انا بقتل بس ..... _ طيب ممكن قبل ما تموتني تقولي مين الي عمل فيا كده.... _ انا نفسي معرفش انا بنفذ أوامر ومش بسأل ..... وخلاص انا هخلص منك دلوقتي.... لقيته بيقرب مني وعينه كلها دم جسمي اتشل في مكانه فجأه قومت من النوم مسروعه بعد ما لقيت ماما جابت جردل ميه دلقته في وشي.... _ معلش ياحبيبتي بس انا بقالي كتير بحاول اصحيكي وانتي مش راضيه تصحي وخوفت عليكي.... _ لا ياماما انتي انقذتيني علي اخر لحظه دا كان خلاص هيموتني..... _ يا حبيبتي يابنتي كان مستخبيلك فين بس دا كله..... عالعموم انا كلمت واحده جارتنا كان معمولها عمل وراحت لواحد بيفك الاعمال والسحر الاسود وادتني العنوان وهنروح انا وانتي بكرة ..... _ ماشي يا ماما بس خلي العيال مع هند وقوللها اوعي تقول ل احمد حاجه.... تاني يوم الصبح جهزنا نفسنا وروحنا علي مكان الراجل الي بيفك اعمال .... كان بعيد اوي في مكان مقطوع بس هنعمل ايه احنا متضطريين ..... اول ما دخلنا شوفت حاجه صدمتني ورعبتني اكتر من الاحلام الي بشوفها ....يتبع #التائهه #معرض_الكتاب #مؤسسة_بداية السحر الاسود الجزء الخامس بقلم/غادة سعيد لقيت واحده جارتنا قاعدة عنده اتصدمت ياترا هي بتعمل ايه عنده ..... قربت منها انا وماما عشان اسألها ايه ال جابها هنا ..... ارتبكت اول ما شاف*نا.... _ ايه الي جايبك هنا يا فاطمه.... _ ابدا يا ام مريم اصل واحده صاحبتي تعبانة بيقولو معمولها عمل وسمعت ان الراجل ده كويس قولت اجي اسألها كده.... انتو ايه ال جابكم هنا _ نفس الي جابك .... وسيبناها ومشينا..... طبعا كلامها مأقنعنيش بالمرة انا حسه انها ورا الي بيحصلي بس هتستفاد ايه لو أذتني انا عمري ما أذتها... فضلنا قاعديين لحد ما جه دورنا.... كتابات ل ghada saeed دخلت انا وماما واحنا مرعوبيين من منظر المكان ... شبه المقابر والانوار كلها حمرا والراجل شكله مخيف..... _ اهلا اهلا اتفضلوا..... _ احنا.... احنا جايين عشاان.... _ عارف من غير ما تقولوا ..... انتوا متعرفووش ...... اصل انا الي عاملك العمل دا ب ايدي وفي حد وصاني عليكي جامد عشان كده جبتلك سارم بنفسه ..... _ مين الي عمل فيا كده ارجوك قولي.... _ استني بس مش لما العمل يتفك الاول انتي كل ده ازاي ماموتيش .... شكلك مش بتنامي خالص ..... العمل موجود فالمقابر ومش هيتفك غير لما تنزلي بنفسك جوة القبر وتجبيه من تحت جثه الميت.... _ ايه الي بتقولوا ده انا اهون عليا اموت ومنزلش قبر واشوف ميت كمان..... _ انتي حرة قدامك بالكتير يوميين لو منفذتيش سارم مش بس هيجيلك في احلامك ... سارم هيظهرلك فالحقيقه وساعتها صحيانك من النوم مش هيخليه يختفي وهتموتي اكيد.... = لا بنتي ... معلش يامريم اعملي الي بيقولك عليه..... _ انا عاوزه اعرف الاول مين الي عمل فيا كده.... _ مينفعش تعرفي غير لما العمل يتفك وكله ب حسابه.... _ هد*ك كل الي انت عاوزه بس خلصني من الكابوس دا..... _ تعاليلي بكرة في نفس المعاد لو كنتي لسه عايشه وهاخدك واود*كي المقابر الي فيها العمل ولازم تنزليها بليل الساعه ١٢ وترفعي جثه الميت وتجيبي من تحته العمل..... يلا وقتكم خلص روحوا وتعالوا بكرة....... مشينا من عنده وروحنا عالبيت..... _ ماما انا خايفه اوي انا مش هقدر اعمل الي هو بيقول عليه.... _ جمدي قلبك يا حبيبتي عشان تخلصي من الكابوس دا وترتاحي بس..... وانا هكون معاكي ومش هسيبك .... _ هتكوني معايا فين مانا هنزل لوحدي قالي مينفعش حد ينزل معاكي.... _ هقف فوق واستناكي جمدي قلبك بس انتي.... _ طيب خليكي جنبي يا ماما اوعي تخليني انام ولا اغفل لو نمت همووت .... لو لقيتين نمت رشي في وشي ميه ...... اتكلمي معايا عشان منمش.... تفتكري مين عمل فيا كده يا ماما..... _ الله اعلم يا بنتي بس هيكون مين اكيد حد من اهل جوزك ..... _ انا عمري ما شوفت منهم حاجه وحشه خالص دول بيحبوني اوي.... _ هما بس بيبينولك كده .... خلاص عشان منظلمش حد كده كده هنعرف..... _ ماما انتي عارفه اكتر حاجه قهراني..... ماما .....ماما .....روحتي فين.... انتي نمتي.... فجأه الباب اتفتح وسارم دخل الاوضه..... ايه دا انا الي نمت ..... صحيني يا ماما ارجوكي ..... انا خلاص انتهيت ..... يتبع #التائهه #معرض_الكتاب #مؤسسة_بداية... السحر الاسود الجزء السادس والاخير بقلم/غادة سعيد ايه دا انا الي نمت ..... صحيني يا ماما ارجوكي ..... انا خلاص انتهيت ..... _ المرة دي مش هسيبك تصحي وهقدر انفذ مهمتي واخلص منك.... _ وهتستفاد ايه لو قتلتني انا مأذتكش في حاجه... _ بس أذيتي ناس تانيه وهما الي عملوا فيكي كده... انا خلاص عرفت مين الي عملك سحر اسود... _ بجد طيب ممكن قبل ما تقتلني تقولي مين... _ الي عملت فيكي كده تبقي..... فجأه لقيت دماغي بتنزف دم وماما عمالة تصوط.... _ انا اسفه يا بنتي انا ض*بتك بالخشبه دي ع دماغك انا بقالي كتير بصحيكي وانتي مبتصحيش خوفت يكون جرالك حاجه..... _ ياريتك كنتي سيبتيني دقيقه واحده ياماما كنت خلاص هعرف مين عمل فيا كده..... _ خوفت يابنتي يعمل فيكي حاجه..... قومي جهزي نفسك الساعه بقت ١١ عشان هنروح المقابر الساعه ١٢ ..... قومت ألبس لقيت هدومي متوسخه .... دخلت اوضة هند اختي اجيب هدوم من عندها .... فتحت الدولاب وطلعت هدوم .... بس استغربت جدا لما لقيت صورة ليا ول أحمد عندها فالدولاب وسألتها .... كتابات ل ghada saeed _ الصورة دي كانت في بيتي جت هنا ازاي.... _ دي بنتك لما كنت عندكم اخر مرة حطتها في شنطتي... مهتمتش بالكلام ولبست ونزلت انا وماما و روحنا عند الراجل .... خدنا في مقابر في مكان مقطوع ..... حارس المقابر هناك يعرفه اول ما شافه دخله علي طول ... بقيت ماشيه بسأل يا ترا المقابر دي فيها كام عمل وسحر اسود معمول لناس ابرياء .... لمجرد ان في ناس عاوزه تأذيهم .... وصلنا المقبرة الي فيها العمل وفتحهالي وطلب مني انزل لوحدي وارفع الجثه هلاقي العمل تحت الجثه اعدت اعيط وانا نازلة من المنظر عبارة عن سلم ضيق اوي والدنيا ضلمة لما نزلت لقيت جثه شكلها مدفونه من قريب ..... ازاي يتعدوا علي حرمة ميت لسه مدفون ويفتحوا عليه القبر..... شيلتها براحه ولقيت تحتها صورة ليا انا واحمد لما طلعت ابص عليها ..... جالي صاعقه لما لقيتها نفس الصورة الي لقيتها في دولاب هند..... بس لقيت الصورة عليها رموز وكلام مش مفهوم وكل الرموز علي وشي انا بس مش علي احمد..... خدت الصورة والعمل وطلب مني احطهم في مية وملح...... وبكده يكون العمل اتفك خلاص وخلصت من الكابوس دا..... بس دلوقتي في نقطه مهمه عندي اهم من العمل .... ميين الي عمل فيا كده!!!! خلصنا وروحت معاه المكان الي روحناله في اول مرة وطلبت منه يعرفني مين عمل فيا كده..... _ بصي انا مقدرش اقولك مين الي عمل كده بس انا ممكن اد*كي فرصه تديني صور الاشخاص الي شاكه فيهم وانا هقولك انهي صورة فيهم لقيت امي جمبي بتقولي .... _ اديلوا صور جوزك واهل جوزك كلهم..... مدتش اهتمام ل كلامها خالص ولقيتني بطلع صورة هند اختي وبقوله... _ هي دي الوحيدة الي شكه فيها قولي هي ولا لا.... لقيت امي بتبصلي وبتصوط.... _ انتي اتجننتي في عقلك بتشكي في اختك .... _ لا انا مش مجنونه هيكون مين غيرها نسيتي انها كانت بتحب جوزي.... كتابات ل ghada saeed قاطعنا الراجل... _ ايوة هي دي الي عملتلك العمل..... لقيت امي سكتت خالص وخدتني من ايدي ومشينا..... روحت عند ماما عشان آخد عيالي واول ما دخلنا لقيت هند طالعالنا.... _ ها عملتوا ايه.... لقيت امي بتض*بها علي وشها بالقلم..... _ اخرسي انتي خالص ...... _في ايه ياماما انا عملت ايه..... _ انتي عارفه انتي عملتي ايه كويس اختك ياهند عاوزه تأذي اختك ليه عملت فيكي ايه منك لله يابنتي منك لله..... لقيتها انهارت من العياط وبعدها هديت خالص وبقت تتكلم ب نبرة كأنها عدوتي مش اختي........ _ ايوة انا الي عملت فيها كده بعد ما اتجوزت الإنسان الي كنت بحبه ومخليتهوش يبعد عنها بعد ما عرفت اني بحبه واتخطبتله واتجوزته ..... وانا لحد دلوقتي مش عارفه اتجوز عشان هو الي في قلبي وهفضل احبه طول عمري ..... انا مش وحشه يا مريم انتي الي مقدرتيش حبي ل احمد فالاول وكنتي متخيله اني هنساه لما تتجوزيه ... انتي الي عملتي فيا كده وحولتيني من اختك ل عدوتك..... _ انتي يا هند بتعملي فيا انا كده عشان راجل دنا اختك ..... نسيتي زمان لما كنا بنعد نلعب مع بعض و نحكي ل بعض كل حاجه..... انتي متستحقيش تكوني اخت ...... = اوعي يامريم يابنتي تحكي ل جوزك حاجه خالص قوليله ان كان اعصابك تعبانه وخفيتي.... _ احكيله ايه يا ماما انا ناقصه فضايح اقوله ايه اقوله ان اختي الي من دمي بتبص ل جوزي ..... انا ماشيه ياماما بس معلش همشي بكرة الصبح عشان ورايا مشوار مهم الاول..... دخلت نمت وكنت خايفه يكون العمل ماتفكش ..... بس الحمد لله نمت وانا مرتاحه ونمت كويس جدا وصحيت بدري .... _ ماما انا نازله مشوار وخلي بالك من العيال.... _ رايحه فين.... _ هقولك بعديين.... رحت عالقسم عملت محضر في حارث المقابر والدجال الي بيعمل الاعمال ..... يا ترا في كام حد معموله عمل ومدفون وميعرفش مكانه.... وروحت ل امي خدت عيالي وروحت عالبيت...... ورجعت ل حياتي الطبيعية..... بس هند علي طول في بالي هو انا ممكن اكون ظلمتها فعلا . . ... انا كنت صغيرة ومش مدركه ان كل دا هيحصل بس كل ما افتكر الي هي عملته قلبي يوجعني منها انها كانت عوزاني اموت وتيتم عيالي.... واحمد هو كمان ملوش ذنب دا حتي ميعرفش ان هي كانت بتحبه ومش لازم يعرف ولازم انهي الموضوع دا.... عدا فترة عالموضوع وبدأنا نتكلم تاني انا وهي مهي اختي برضو ومينفعش نستغني عن بعض... فالفترة دي اختي بدأت تتكلم مع واحد كان معجب بيها وهي كانت بتصده وتقريبا دخلوا في مشروع خطوبه ... وانا وهي تقريبا مبقناش شايليين من بعض خالص.... بعد فترة وانا قاعدة عالفيس بوك لقيت خبر فرحني اوي بيقول.... * بفضل فتاه مجهولة تم العثور علي اكثر من ٣٠٠ عمل وسحر اسود مدفون فالمقابر وحاطيين صور الناس عشان لو حد اتعرف عليهم .... طبعا عرفت من عنوان المقابر ان انا الفتاه المجهوله الي بلغت عنهم وخده جزائهم ..... وكان نفسي اسيبلهم كومنت واقولهم فيه... * احترس فقد يكون من يؤذيك هو اقرب الناس ليك... النهاية ارفعوا البوست بعشر تعليقات وقولولي رأيكم ?? #التائهه #معرض_الكتاب #مؤسسة_بداية...

Free reading for new users

Scan code to download app

App Store Google Play

Facebookexpand_more