السلسلة الملعونه ( المستشفي )

1439 Words

طبعا كلكم عارفين الفايروس المنتشر اليومين دول ... انا بقي هحكيلكم قصتي انا اسمي ادم وعندي ٢٥ سنه كنت من اوائل الناس الي اتصابت بالفايرس ..... حالتي كانت متدهورة وكنت بين الحياه والموت.... اهلي رفضوا يدخلوني مستشفي حكومي بحكم ان والدي راجل مركز مرموق فالمجتمع ومينفعش يدخل ابنه مستشفي حكومي وهو معاه كل الفلوس دي... فضل يدور علي مستشفي خاصة لحد ما لقي مستشفي واحدة بس خاصه تعتبرر عزل ... بس المشكلة ان مكانها بعيد عالطريق الصحراوي في مكان مفيهوش بيوت ولا ناس .... كلمهم يبعتولي الاسعاف في اسرع وقت وخدوني هناك... وقالوا لوالدي ووالدتي انهم مش هينفع يشوفوني ولازم اقعد هناك ١٤ يوم .... كتابات ل ghada saeed خدوني في اسعاف مجهزة وفي خلال ٣ ساعات وصلت المستشفي.... اول ما دخلت من باب المستشفي قلبي اتقبض ازاي هي باين عليها انها قديمة كده وليه بابا جابني هنا اصلا الحيطان مشققه والدكاترة شكلهم غريب علي وشهم غضب ربنا.... دخلوني اوضتي ووصلوني بأجهزة التنفس والدكتور قالي... _ هند*ك حقنة مهدئة عشان ترتاح.... خدت الحقنه ومحستش بنفسي ونمت نوم عميق... صحيت علي صوت حد بيخبط علي كتفي ويقولي ... _ ادم اصحي... _ انت مين _ انا دكتور عمر بتابع حالات هنا... _ طب ازاي انت مش لابس بدلة الوقاية ولا الماسك وانت بتتعامل معايا.. _ دي حاجه خاصه بيا انا هبقي اقولك عليها بعدين انا همشي دلوقتي .... _ استني رايح فين... فجأه لقيته اختفي وممرضه دخلت عليا جيبالي اكل وبتسلم عليا وكانت طبيعية جدا ولابسه بدلة الوقاية والماسك... _ لو سمحتي كنت عاوز اسألك سؤال _ خير اتفضل _ هو اشمعنا دكتور عمر الوحيد الي مش لابس زيكم _ دكتور عمر مين _ الي لسه خارج من عندي دلوقتي فجأه لقيت وشها اتغير وقالتلي انا لازم امشي دلوقتي حالا ... ومشيت وقفلت الباب محطتش حاجه في دماغي وبدأت آكل ..... وانا باكل فجأه الباب اتفتح ولقيت قدامي..... يتبع المستشفي الجزء الاول بقلم/غادة سعيد المستشفي الجزء الثاني بقلم/غادة سعيد وانا باكل فجأة الباب اتفتح ولقيت قدامي نفس الشخص الي قالي انا دكتور عمر وبرضه مش لابس كمامه حتي بدأت اقلق منه وحسيت انه مش طبيعي _ ممكن اعرف انت مين بظبط وعاوز ايه مني. ... = منا قولتلك انا مين انا دكتور عمر وبشتغل هنا فالمستشفي... _ ايوة انت مش لابس زيهم ليه بما انك دكتور... = مش لابس زيهم لأني مريض زيك بظبط والمفروض اني اتعالج... _ المفروض !!!! طيب سايب الاوضه بتاعتك ليه وجايلي واول ما الممرضه دخلت اختفيت.... = تقدر تقول كده زهقت من القعدة لوحدي الدنيا ضلمه اوي وانا مش متعود عالضلمة والقعدة لوحدي ... _ ضلمة!! طيب متشغل النور انت غريب جدا ... = ان معنديش نور في اوضتي ينفع اجي اقعد معاك هنا كل شوية ونتعرف علي بعض .... _ ماشي مفيش مشكله... = طيب انا همشي دلوقتي عشان الدكتور والممرضه داخلين يشوفوا حالتك عاملة ايه.... _ طيب وانت عرفت منين ... فجأه لقيته خرج من الاوضه بسرعه واختفي ..... وبالفعل لقيت الدكتور والممرضه داخلين... _ ها يا بطل يا ترا عامل ايه النهاردة... = الحمد لله كويس بقيت احسن عالتنفس الصناعي... _ بتشتكي من اي حاجه... = لا ابدا بس انا كنت عاوز اسأل حضرتك علي دكتور عمر هو كان بيقول ان الاوضه بتاعته ضلمه ممكن تركبوله نور فيها.... فجأه لقيته وشه اتخ*ف وبيبص للممرضه بخوف وبيقولي.... _ اه طبعا هنروح نركبله حالا بس انت تعرف دكتور عمر... = لا معرفوش هو بس بيجي يقعد معايا هنا شوية وكان هنا ولما جيتوا مشي _ طيب هنسيبك ترتاح .. وخرجوا وعلي وشهم علامات الارتباك والخوف انا نفسي خوفت من شكلهم... وبعدها قولت فدماغي يلا وانا مالي انا هقعد هنا ١٤ يوم هقضيهم بالطول والعرض واخرج وارجع لأهلي عدا يومين ودكتور عمر مظهرش خالص بقي بالي مشغول عليه وبعدين رجعت قولت اكيد بقي كويس وركبولة نور فالاوضه بتاعته عشان كده مبقاش يجي... وانا قاعد افكر لقيت الممرضه داخلة بالاكل عليا قولت اما اسألها... _ لو سمحتي انا تعبت من القاعدة كده ممكن اقوم اتمشي شوية... _ ايوة طبعا ... _ طيب ممكن تقوليلي رقم اوضه دكتور عمر اروح اتطمن عليه... _ ايه الي انت بتقوله ده ازاي تطمن عليه .... _ وايه المشكله مهو كان بيجيلي هنا... _ انت عارف دكتور عمر دا يبقي مين دكتور عمر دا يبقي....... يتبع المستشفي الجزء الثالث بقلم/ غادة سعيد دكتور عمر دا كان اشطر دكتور هنا مسؤول عن معظم الحالات لحد ما تعب وجه علي نفسه... _ طيب وفين المشكله انا عاوز ازوره _ عاوز تروح تزور واحد ميت واتدفن من شهر... _ انتي بتقولي ايه مين ده الي ميت دا جالي هنا كذا مرة والله وكان بيتكلم معايا _ والله دكتور عمر ميت _ طيب معاكي صورة ليه انا عاوز اعرف هو نفس الشخص الي بيجيلي ولا لا _ طيب هطلب منك طلب اوعدني متجبش سيرة للدكتور بالكلام ده كله احسن مممن يطردني من الشغل _ حاضر والله بس هاتيلي صورته _ ماشي خرجت بره وسابت اسئله كتير في دماغي مين الدكتور ده وجايلي هنا ليه وليه لما سألت الدكتور عليه قالي انه موجود اكيد فيه حاجه غلط فالموضوع ده فضلت افكر كتير لحد ما دماغي لفت من كتر التفكير فجأه لقيت الباب خبط والدكتور دخل عليا _ ها يا بطل عامل ايه النهاردة = الحمد لله كويس.. _ لو انت حابب تقوم تتمشي شوية بدل ما تزهق ممكن تنزل فالجاردن تحت... = لا انا مرتاح هنا انا بس عاوز الممرضه تيجي تجبلي حاجه اشربها _ تمام هبعتهالك دلوقتي بعد خمس دقايق لقيتها بتخبط وتدخل _ انتي اتأخرتي كده ليه .. جبتي الصورة ولا لا _ ايوة ايوة جبتها اوعي تكون جبت سيرة للدكتور بحاجه _ لا متقلقيش... _ هي دي صورة دكتور عمر بصيت فلصورة ... ايه دا ... ايوة هو والله هو دا الي جالي مرتين انتي ازاي بتقولي ميت.. _ والله دكتور عمر دا ميت بقاله ٣ اسابيع وكل المستشفي عارفه انت اكيد بتهلوس _ بهلوس! وانا اعرفه منين اصلا عشان اهلوس بيه ولا انا عمري شوفته فين ... لو سمحتي سيبيني لوحدي دلوقتي ... خرجت برة ودماغي هتنفجر من التفكير.... انا مكنتش بحلم انا متأكد ان انا شوفته واتكلمت معاه واتكلم معايا طول الليل اكلم في نفسي ... ايوة انا مش مجنون ... لقيت حد بيرد عليا... _ لا يا ادم انت مش مجنون وانا اهو قدامك... ببص لقيت نفس الشخص الي كان فالصورة... _ دكتور عمر انت عايش ولا ميت... = خلاص يا ادم عرفت الي كنت عاوز تعرفه ايوة يا ادم انا مش عايش ... _ طيب ليه اختارتني انا وعاوز مني ايه... = انا فعلا عاوز من حاجه _ حاجه !!! وانت هتعوز مني ايه ... = تعالا ورايا .. _ فين ... = شششششششش وطي صوتك تعالا وهتفهم كل حاجة هوريك الي عمرك ما شوفته ... يتبع المستشفي الجزء الرابع والاخير بقلم / غادة سعيد مشيت ورا الدكتور وانا عمال اقول لنفسي هو انا اللي بعمله ده وليه انا مش خايف منه وماشي وراه ولا كأني عارف انه ميت... نزل من المبني اللي كنا فيه ومشي في الجاردن لحد ماوصل لمبني قديم في اخر الجاردن مقفول بقفل حديد كبير ومكتوب علي الباب خطر مميت دخل من الباب وهو مقفول وخلاص بقي مابقتش اتفاجيء ما هو ميت اساسا... وشاورلي علشان ادخل وراه _ معلش هو حضرتك وميت انما انا هعدي من الباب الحديد ده ازاي وهو مقفول كتابات ل ghada saeed _ ادخل الباب هيتفتح لوحده وفعلا دخلت وراه وقعد يلف في المبني ويطلع وينزل سلالم لحد ما وصلنا لثلاجه الموتي... _ ممكن اعرف انت جايبني هنا ليه _ مسالتش نفسك ليه هنا في جثث مع ان المفروض اللي بيموت بالفايرس ده بيدفن علطول وباجراءات مشدده _ انت عاوز تقول ايه _ للاسف في ناس بتيجي هنا مش بيكونوا تعبانين ولا حاجه بيبقوا مجرد اشتباه زيك كده لسه نتيجه الماسحه مظهرتش ولما تظهر حتي لو سلبيه هيقولوا اجابيه وبعدين بيخدوا المريض ويخدروه ويخدوا اعضائه وبيقولوا انه مات... في ناس هنا معندهمش ضمير وكل همهم ياخدوا فلوس وخلاص... وفي ناس كتير زيي بس ميعرفوش حاجه عن الي بيتم هنا وطبعا محدش بيشوف الجثه وبتتدفن وسرها معاها وانا علشان شكيت في الموضوع مصيري بقي زيهم _ معقول في ناس كده ممكن تستغل موقف صعب زي اللي احنا فيه ده وتعمل كده ايه مش خايفين من ربنا _ المهم انت لازم تهرب وانا هقولك علي مكان الاوراق اللي انا كنت شايلها علشان افضحهم بيها... لازم تكمل اللي انا معرفتش اعمله خرجت من المبنى ورجعت غرفتي بعد ما عرفت مكان الورق واللي كان مدفون تحت شجره كبيره في الجاردن تاني يوم جه الدكتور اللي بيتابعني واستاذنت منه اني اتمشي في الجاردن ووافق بس بعد ما البس بدله الوقايه ... ونزلت.... واستغليت وقت الغدا عامل الامن مشغول وخدت الورق ونطيت من فوق السور... الغريب اني فعلا مطلعتش مصاب بالفايرس وممكن يكون الدكتور عمر اختارني لاني علي معرفه بالنائب العام.... حددت معاه معاد ورحت اديته الاوراق وقلتله كل التفاصيل ولما سألني علي مص*ري.... . . . . . . . معرفتش اقوله حاجه غير ان زي ما في عدد قليل من الاطباء معندهمش ضمير في الاف الاطباء الشرفاء اللي كل هدفهم انهم يوصلوا البلد لبر الامان

Free reading for new users

Scan code to download app

App Store Google Play

Facebookexpand_more