"Mister, kaibigan ka bang talaga ni Athena?" naninigurong tanong ni Berta sa kaharap na binata. Waring sinusuri niya ang pagkatao nito sa kanyang mga tingin.
"O-opo," maagap na sagot naman ni Rafa. May pagtataka sa mukha niya habang tinitingnan ang matanda.
Lumingon si Berta sa paligid, sinigurado niyang hindi sila nakikita ng mag-inang Emilia at Stephanie.
"Maari bang alisin mo ang sasakyan mo sa harap ng gate at iparada mo lang sa gilid, bumalik ka agad pagkatapos dahil may ipapakiusap ako sa 'yo," sabi ni Berta.
Nangunot ang noo ni Rafa, hindi n'ya alam kung ano ang gustong mangyari ng matanda. Seryoso ang itsura nito at para bang natataranta.
"Ano po ba ang ipapakiusap ninyo sa akin?" tanong niya rito.
"Gawin mo muna ang ipinag uutos ko, itago mo ang sasakyan mo, siguraduhin mong
