WEDNESDAY, 10:45 AM
Nasa may swimming pool si Jeziel at nakahiga lang sa white sun lounger habang nakatitig sa kanyang hawak na cell phone. Mula kanina pa niya tinatawagan ang number ni Dylan pero hindi naman ito makontak. Gusto niya sanang magpaalam dahil ngayong araw na ang welcome party kina Tanya, at mula kanina pa siya nito tinatawagan at pinapapapunta na sa bahay nito, kaya lang hindi pa siya nakapagpaalam kay Dylan. Tinatanong na nga ni Tanya kung saan ang address niya para sunduin na lang siya, pero siyempre hindi niya sinabi. Nagkataon namang holiday ngayong araw kaya walang pasok, wala tuloy siyang dahilan para umalis ng mansyon.
“Ehmm!”
Napalingon siya nang may biglang tumikhim. Si Alex na naupo sa katabi niyang sun lounger.
“Alex, bakit palagi ka na lang naka-black suit kah
