Hindi alam ni Jeziel kung ano ba ang dapat niyang gawin habang hinahalikan siya ni Dylan, kung itutulak niya ba, tutugon sa halik, o hahayaan na lang. Basta para lang siyang isang robot na nakatayo lang habang hinahalikan ng asawa. Mahigpit na nakayapos ang isang braso nito sa kanyang baywang habang nakahawak naman ang isang kamay sa kanyang batok.
Nang hindi siya tumugon ay napahinto naman ito at sandaling nakiramdam habang nakalapat pa rin ang labi sa kanya. Hanggang sa tiningnan na siya nito habang hindi pa rin inilalayo ang mukha sa kanya.
“Don't you want my kiss?” he asked.
Umiwas naman siya ng tingin dito. “H-Hindi naman sa gano'n… a-ano kasi eh…” Natameme na siya, wala nang maisip na idahilan.
Hays.. Ano ba ang dapat niyang sabihin? Na nahihiya lang siyang tumugon? O sadyang a
