KABANATA 22
Back
“YES po, Na, ayos na po…Bukas po agad ang balik ko para ako ang kasama ni Ash sa check-up niya sa makalawa, kakausapin ko lang po ang Nanay para kumbinsihin siya sa gusto ko.”
Malalim akong napabuntonghininga nang maalalang malaki ang posibilidad na wala akong mabalikan na trabaho sa Seams. Ayon kay Janice ay tuloy na tuloy na nga raw ang pag-close ng account namin. Tulalang napaupo ako sa papag at iniisip ang mga kailangan kong bayaran sa mga susunod na buwan.
Kung ganitong mababawasan ang kita ko, kailangan kong mag-full-time nang magtrabaho sa club. Wala na rin akong choice siguro kung hindi bumalik sa isa ko pang trabaho dalawang taon na ang nakakalipas.
“Meredith?”
Agad ang baling ko kay Nanay na hindi ko napansing nakapasok na pala sa kuwarto ko. Kitang-kita
