"تحقيق في جريمة قتل" الجزء السابع

1322 Words

نضال في المكان اللي بيسهر فيه مع زكريا .. كان هو بيلعب بلياردو و عم زكريا بيضحك عشان نضال يعدل نفسه و يبصله و يقوله .. نضال : ايه كل ده الحكاية متضحكش اوي كده زكريا : متأخذنيش يا عميد بس انا بضحك على طريقة وصفك للموقف نضال : سن مراهقة بقى و لغبطة هرمونات مش اكتر زكريا : مراهقة ايه بس ..ده انت كل الستات هيموتوا عليك و من كل الأجيال و الاعمار كمان نضال بيلعب : اممم و اكبر دليل على كده اني لغاية دلوقتي متجوزتش ولا حتى مرتبط زكريا : انت هتشتغلني ولا ايه ما اكيد هو ده السبب .. من كتر ما عرفتهم و فقستهم قررت تبقى لوحدك نضال : سيبك من الستات و الكلام الفارغ ده و خلينا نتكلم جد .. انت لاقيتلي سواق ولا لأ ؟ زكريا : لا والله لسه نضال : الله يسامحك يا ابو كمال سوحتني زكريا : يعني هو موضوع السواق اللي مخليك عامل كده ! نضال : عامل ازاي ! زكريا : انت فيك حاجة مش مظبوطة بس مش عارف ايه هي .. قولي مالك ؟ نضال : لا لا ابدا زكريا : هو انا مش عارف يعني بس حاسس انك متوتر و بالك مشغول .. شكلك مش عاجبني كده ده حتى لعبك مش هو .. معقول يعني ولا كورة نزلت ده انت ب مجرد ما بتمسك العصاية كل كورة بتروح مكانها من غير ما تلمسها حتى نضال بيقلع نضارته : والله !! طب اتف*ج بقى مسك نضال العصاية و بدأ يلعب و نزل كل الكور و بقى زكريا باصص له و هو مبتسم كده و برضه مقتنع أن نضال مخبي حاجة .. نضال بعد ما خلص .. خبط ب العصاية على الأرض و هو بيبص ل زكريا ب تحدي و بيقوله نضال : ايه رأيك ؟ زكريا ب فخر : بروفيسور في القرية .. مدبولي بيدخل اوضة كده و كانت فيه واحدة اسمها "جليلة" رايحة جاية ب قلق و شكلها مستنية حد .. و اول ما مدبولي دخل انفعلت عليه .. جليلة : انا بتصل بيك مبتردش عليا ليه ؟؟ مدبولي ببرود اعصاب : التليفون فاصل جليلة : فاصل ازاي و هو بيرن و بعدين ما هو في ايدك اهو مدبولي و هو بيقعد : ما خلاص بقى ابلعي ريقك ده شوية انا مش ناقصك جليلة و هي بتقعد قدامه : انت مالك في ايه .. مش على بعضك كده بقالك كذا يوم مدبولي : خايف على الواد عباس من يوم ما خد البت المزغودة و العيل الصغير و نزل بيهم على البلد و هو لا حس ولا خبر و انا مش عارف اعمل ايه او أوصله ازاي .. محدش فينا يعرفله طريق جليلة : يعني عايز تفهمني أن الخوف ده كله طالع منك انت على المخفي اللي اسمه عباس ده بس !! مدبولي : يا بت ده من ساعت ما مشي من هنا و حتى تليفونه مقفول و دي اول مرة يعملها جليلة : طب و اخوه ميعرفش مكانه ؟ مدبولي : اخوه !! ده نطع .. هو حاسس ب حاجة في الدنيا ده عايش كده عشان ياكل و يشرب و يتعلف زي البهايم بس مش فالحلي غير في ماسكة التليفون بس .. و بعدين لو كان يعرف عن عباس حاجة مكانش سكت كل ده و كان زمانه قالي جليلة : يبقى خلاص بقى يتفلقوا كلهم في قلب بعض انت مالك و مالهم ما يتحرقوا ب جاز بعيد عننا مدبولي : يعني ايه مالي و مالهم .. افرضي الراجل واقع في مصيبة ولا جراله حاجة جليلة : اهو تكون ارتحت منه و من ق*فه مدبولي : لا ده انتي هبلة بقى .. انتي متعرفيش أن أنا دراع فتحي اليمين .. انتي عارفة ان ده معناه لو فتحي جراله حاجة انا ممكن يحصل فيا ايه ؟ جليلة : فتحي لو كان حصله حاجة أو اتقبض عليه انت مكانش زمانك قاعد قدامي كده صاخ سليم .. كان ايه اللي هيسكتهم كله ده ما كان زمانهم قافشينك من ساعتها مدبولي : تصدقي عندك حق .. براڤو عليكي يا ولية .. و عشان الكلمتين الحلوين دول قومي اعمليلنا كوبايتين شاي جليلة : من عنيا في مكان تاني كانت "علية" موظفة الفندق بتشوف شقة تانية عشان تأجرها و كانت بتتف*ج عليها و اتفقت مع الراجل أنها هتأجرها ل مدة سنة كاملة و اتفقوا على المبلغ و أنهم هيكتبوا ال*قد بكرة و يسجلوه و الدفع عند التسجيل و خلصت مع الراجل و سابها في الشقة و مشي .. و بعدها هي قعدت على الكرسي و طلعت تليفونها من الشنطة بتاعتها عشان تتصل ب حد .. و اثناء كده حصل فلاش باك .. موظف الاستقبال بيتكلم في تليفون الفندق و بيحجز مع نازيل غرفة 601 و بعد ما قفل معاه كانت علية واقفة قدامه و بتسأله علية : ها قولت ايه الموظف : والله مش محتاجين موظفين حاليا علية : طب شوفلي اي حاجة اشتغلها والله صدقني هشرفك الموظف : قولتلك مفيش شغل اعملك ايه يعني .. اخترعلك ؟! علية : ممكن اطبخ أو اكوي أو اكنس حتى .. اي حاجة .. جربني بس اسبوع و شوف بنفسك والله ما هتندم و كمان الاسبوع ده هشتغله من غير فلوس لغاية ما تشوف شغلي ب عينك و انت اللي تقرر الموظف : مش عارف اقولك ايه .. بصي خدي اكتبي بياناتك هنا و احنا لو احتاجنا حد هنكلمك اخدت منه الورقة و ابتدت تكتب بياناتها و فجأة حصلت حاجة لفتت انتباهها و بصت لها ب تركيز .. نروح ل نضال اللي كان في بيته و قاعد على مكتبه بيكمل قراية كتاب "ملاكي الحارس" .. و تدخل عليه ام مجدي و هي بتستأذنه ام مجدي : معلش هقاطعك دقيقتين بس نضال بيقلع نضارته و بيركز معاها : اؤمريني يا ام مجدي ام مجدي بتلف تروح تقف جنبه : والله مهما لفيت محلات الدنيا بحالها برضه عمري ما هلاقي الحاجة اللي تليق ب قيمتك ف قررت اعملك الچاكيت ده ب ايديا انا نضال بيقوم يقف قدامها و هو مبتسم و بياخد من ايديها الچاكيت : الله .. تسلملي ايد*كي .. دي احلى و اغلى هدية على قلبي ام مجدي ب فرحة بسبب رد فعل نضال : هحطهملك مع لبسك الشتوي نضال : لأ .. حطيهم في الرف الفوقاني .. اللي كانت امي الله يرحمها بتحطلي فيهم الحاجات اللي بتعملهالي ب ايديها ام مجدي ب ابتسامة خجل : الله يرحمها نضال بيبوس راسها : تعيشيلي يارب .. تسلم ايد*كي و خدت ام مجدي الچاكيت و طلعت من المكتب و هو قعد مكانه و لبس نضارته و كمل قراية الكتاب في بيت نادين و في اوضة نومها .. كانت نايمة و صحت على صوت التليفون و هو بيرن عشان تقوم ترد .. نادين : الو .. انا نادين .. ازيك عاملة ايه .. حياتك الباقية حبيبتي تسلميلي .. لا والله لسه موصلوش ل حاجة .. امم شكلها هتاخد وقت شوية .. اه اكيد طبعا اكيد لو وصلنا ل حاجة هقولك .. ربنا يخليكي ليا .. مع السلامة كانت ريم فتحت باب الاوضة و دخلتلها و استنت لغاية ما نادين خلصت مكالمتها .. و بصتلها نادين و قالتلها نادين : مها ريم : مها ! مش دي أخت عمرو اللي حكتيلي عنها المرة اللي فاتت نادين : هي .. بتعزيني و بتسألني إذا كان حصل حاجة جديدة في القضية ريم : مين قالها ؟ نادين : الرائد كريم راح لها النهارده .. مش عارفة بس حاساها مش بتحبني ريم : هي متعرفكيش يا نادين عشان تحبك أو تكرهك .. سيبك من كل ده انتي طمنيني عليكي عاملة ايه دلوقتي ؟ نادين : راسي هتنفجر ريم : طيب انا هروح اعمل لنا فنجانين قهوة و نشربهم برة ماشي ؟ نادين : اهلي مشوا ؟ ريم : لأ موجودين و اخوكي روح البيت امبارح بالليل نادين : مفهمتيش منه الرائد كريم كان عايزه في ايه ريم : يعني اكيد كان عايز يسأله كام سؤال زي اللي سألهم ليا و سألهم ليكي انتي كمان نادين : طيب انا هغير هدومي و انزل وراكي ريم ب ابتسامة : ماشي متطوليش و قفلت الباب و نزلت .. مسكت نادين الموبايل بتاعها و اتصلت ب نضال اللي كان وصل الجامعة و نزل من عربيته عشان يلاقي قدامه سالي نضال : خير يا سالي فيه ايه ؟ سالي : ممكن اتكلم مع حضرتك شوية قبل ما الحاضرة تبدأ نضال : اتفضلي و ساعتها تليفونه رن ب رقم نادين ..

Free reading for new users

Scan code to download app

App Store Google Play

Facebookexpand_more