Ano iyon, Anton?” Ang tanong ko.
“Halika, samahan mo ako.”
Kinuha muna ni Anton ang flashlight at hinila niya na ako patungo sa may harapan ng bahay, may mga 60 metro ang layo galing sa bungad nito.
“Heto, kagabi itinanim ni Kuya James itong punla ng mangga at ang sabi niya, ipakita ko daw sa iyo. Tinulungan ko nga siyang maghukay d’yan dahil groggy na siya noon e, halos hindi na makayanan ang sarili. Pinayuhan ko nga na magpahinga na lang muna dahil naduduwal siya at nagsusuka pa. Kaso, ayaw paawat. Dapat daw niyang magawa muna ito saka na siya magpahinga. Kaya, tinulungan ko na para matapos agad. Awang-awa nga ako sa kanya, e. Pagkatapos naming maghukay, may inilagay siyang kahon atsaka itinanim na yang mangga. Ipakita ko lang daw sa iyo ‘to at alam mo na ang gagawin.”
“Salamat An
