“Hmm...”
Mas hinigpitan ko ang pagyakap sa unan ko. Napakunot ang noo ko nang mapansin na lumaki yata ang unan ko, matigas din ito. Sa pagkakaalala ko malambot ang unan ko eh.
Dahan dahan kong idinilat ang mga mata ko, bakit amoy lalaki ang unan ko? Pero mabango siya ah, hindi sobrang tapang, pero bakit parang pamilyar sa akin ang amoy na 'yon?
“Do you still have feelings for me?”
Napapitlag ako sa pamilyar na boses na 'yon. Agad akong napabangon at gulat na napatingin sa katabi ko. Napalunok ako nang makita si Ridge na prenteng nakahiga sa tabi ko, malamig ang mga mata nito na nakatingin sa 'kin.
Agad akong napatingin sa sarili ko, napakagat ako sa ibabang labi ko nang mapansin na iba na ang suot kong damit. Hindi ito ang suot ko kagabi.
“B-bakit ako nandito? Diba pinalayas mo na
