CHARLIE
MAKALIPAS ang mahigit isang oras ay natapos na rin akong maligo. Dahil wala namang akong baong damit na pamalit kaya lakas-loob akong lumabas ng banyo na walang ibang suot maliban sa puting tuwalya na nakatapis sa aking katawan.
Natagpuan ko si Kaleb na nakahiga sa malaking kama habang nanunood ng telebisyon. Nakabihis na ito ng puting t-shirt at kulay asul na boardshort.
Agad na dumako ang kanyang mga mata sa aking gawi nang lumabas ako mula sa banyo. Ramdam ko ang init ng kanyang mga titig ngunit nagpanggap akong tila hindi ito napapansin. Agad akong dumiretso sa kanyang cabinet upang humanap ng isusuot.
"You won't mind if I borrow one of your clothes?" tanong ko sa kanya. Ngunit hindi ko na hinintay ang kanyang pag sang-ayon dahil agad ko na ring binulatlat ang laman ng kan
