CHARLIE
NAGISING ako dahil sa masuyong halik sa aking pisngi. Marahan kong idinilat ang aking mga mata at tumambad sa akin ang guwapong mukha ni Kaleb na may ngiti sa kanyang mga labi.
"Nasa langit na ba ako?" biro ko rito.
Ngunit sa halip na ngumuti ay sumimangot ito. Tila hindi nito nagustuhan ang aking biro.
"Don't say that," nakangusong saad nito habang lukot ang mukha.
Mahina akong natawa. Upang makabawi ay mahigpit ko itong niyakap at isiniksik ko ang aking mukha sa puwang sa kanyang leeg. Narinig ko ang pagbuga niya nang malakas na hangin bago dinampian ng masuyong halik ang aking buhok. Napangiti ako sa aking sarili dahil sigurado akong absuwelto na ako.
"Come on, let's get up," aya nito.
"Hmmm..." tugon ko saka mas lalong isiniksik ang aking mukha sa kanyang leeg.
"As much
