“I KIND of like her, mukha siyang mabait” ani Karen saka siya nakangiting tiningala.
Tumango siya. “Oo mabait si Joan, hindi ko pa siya masyadong kilala pero nararamdaman kong mabait siya” pagsasabi niya ng totoo saka ginantihan ng matamis na ngiti ang nobya.
“Kung sakaling hindi tayo ang magkatuluyan, gusto ko siya para sa’yo” taka niyang tinitigan si Karen sa sinabi nito. “I mean it, at magiging panatag ang kalooban ko pag nagkagayon. Kaya nga hinayaan kitang i-save mo siya kanina kasi I really like her” ramdam niyang totoo sa loob ni Karen ang sinasabi kaya nanahimik nalang siya.
Habang sa isip niya, pipilitin niyang hindi mahulog kay Joan hangga’t maaari. Dahil mahal niya si Karen. Pero paano kung si Karen mismo ang nagtutulak sa kanya palapit kay Joan?
