Tipid akong ngumiti sa mga kasama ko sa mesa.
"Nakadepende naman kay Lawrence ang magiging kahihinatnan ng relasyon namin," malumanay kong sagot sa pahayag ni Yuzef. "Hindi naman siguro magbabago ang isip ko kung wala siyang ginagawang maaaring maging dahilan niyon."
Nang tumuon ang tingin ko kay Lawrence ay hindi na ito mapakali sa kinauupuan habang sinasalubong ang titig ko. Iyong ngiti nito ay parang papunta nang ngiwi.
"Wala naman 'di ba, Babe?" malambing ko pang pahabol na tanong upang kahit papaano ay madagdagan ang nararamdaman nitong guilt.
Iyon nga kung nagi-guilty pa ba ang mga katulad nito!
"O-of course wala, Babe," mabilis niyang sagot. "Alam mo naman kung gaano kita kamahal." Parang totoong-totoo ang sinabi niya at walang halong kasinungalingan.
Kaya niya ako napapaniw
