الحلقة ال 26

1662 Words

#الفتي_الشرير # ________________ وقفنا الحلقه اللى فاتت فى الحفله وانا زانق عمران وحسنيه ناديت على فاتن وابويا وعمى وامى وخالى ومحمد : ايه رأيكم اعمل فيهم ايه فاتن : ماتضيعش نفسك علشان خاطرى ابويا وعمى وخالى : احبسهم وماتوديش روحك فى داهيه علشان كلاب زى دول بصيت لحسنيه وعمران : يعنى كده موته وكده موته تحبوا تموتوا ازاى بصوا عليا بس محدش فيهم نطق انا : يعنى مابتردوش .. طب ماشى وخرجت مسدسى ووجهته ناحية عمران وكل الناس فى الحفله مصدومين ابويا : بلاش يا مهيب ماتضيعش روحك انا : ولو سبتهم عايشين برضه هعيش فى خطر .. وحطيت مسدسى فى دماغ عمران وض*بت بس المسدس كان فاضى ومافيهوش رصاص انا : شوفت انا ممكن اعمل فيكم ايه عمران نزل باس رجلى : ابوس رجلك سامحنى انا : موافق بس بشرط عمران : تحت امرك انا : تلم نفسك وتبعد عنى المره دى المسدس كان فاضى لكن المره الجايه هيكون مليان وهفضيه كله فى دماغك عمران : اوعدك انى مش هتعرضلك تانى انا : وانتى ياحسنيه .. انا جيتلك قبل كده ونصحتك انك تبعدى عنى وانتى ماسمعتيش الكلام .. انا هسامحك المره دى كمان ودى اخر فرصه ليكى فهمانى حسنيه : فاهمه بس ابوس ايدك ارحمنى انا : هرحمك المره دى .. وكلامى لكل الموجودين انا المره دى هسامح وهبدأ صفحه جديده معاهم ومعاكم كلكم انا مش عاوز اعيش طول عمرى فى صراع ومشاكل كفايه عليا الشغل ومشاكله وق*فه من اولها كده اللى فى نيته حاجه يقولها من دلوقتى علشان المره الجايه مفيش سماح .. انا كنت قادر من الاول اعمل مشاريع ليا وماسالش فى حد فيكم لكن قولت ان انتوا اهلى وناسى لازم اقف معاكم وتقفوا معايا ونسند بعض ماتخلونيش احس انى كنت غلط .. ولازم تفهموا حاجه كويس مسدسى متصوب فى دماغ كل واحد فيكم يعنى اللى هيفكر مجرد تفكير فى الغدر ساعتها مش هرحمه .. يعنى اى واحد فيكم مش عاجبه كلامى يتفضل يمشى .. حد عاوز يقول حاجه كل الناس ساكته ومحدش رد انا : كده انا عدانى العيب وخلصت الحفله وكل الناس رجعت بيوتها * عندى فى البيت كنا متجمعين كلنا ابويا : انت ليه سبتهم انا : يعنى كنت عاوزنى اقتلهم ابويا : لا بس كنت سلمتهم انا : وبعد ماسلمهم ايه هيحصل هيتحبسوا ابويا : اه طبعا انا : يا ابويا انا كنت قادر اقلتهم من غير ماحد يعرف بس انا زى ماقولت عاوز ابداها بالخير والسلام علشان يبقى عدانى العيب عمى : عندك حق يا ولدى كده احسن .. بس تضمن من فين انهم مايحاولوش انا : مفيش حاجه مضمونه ياعمى .. كل شئ وارد سيبها على ربك ابويا : شركة الحراسه كلمتنى وقالوا انك عاوز تلغى الحراسه اللى عليك انا : مالهاش لازمه يابويا خلاص عرفت اللى كان عاوز يعمل كده ابويا : يابنى احنا داخلين على شغل كبير ولازم نحافظ على نفسنا انا : انا قولت هلغى الحراسه بتاعتى بس لكن انتوا لا هتبقى الحراسه بتاعتكم زى ماهى فاتن : المشكله فيك انت مش فينا انا : سيبك منى .. انا عارف بعمل ايه .. وبعدين محدش بيموت ناقص عمر ولا نسيتى اللى حصلى وبرضه قمت منها فاتن : بس لازم تاخد بالك من نفسك حياتك مهمه عندى انا : ماتخافيش فاتن : لازم اخاف انا : فى واحده بتقراء الفنجان قابلتنى قبل الحادثه وقالتلى على اللى هيحصل ده وانا ماكنتش مصدقها فاتن : قالتلك ايه انا : قالت خلى بالك من الراصد علشان انت المرصود وقالتلى ان ربنا هينجينى منها المره دى .. وقالت حاجه مطمنانى جدا فاتن : قالت ايه انا : قالت ربك حافظك وصاينك طول مانت على الخير ناويها علشان كده سبت حسنيه وعمران قولت اقفل ابواب الشر بالخير مش بالدم وخلصنا قعدتنا مع بعض وكلنا طلعنا ننام * من ناحيه تانيه بين اسامه وابراهيم اسامه : ايه اللى حصل ده ابراهيم : انا ماليش دعوه باللى حصل بس ليا دعوه باللى هيحصل اسامه : قصدك ايه ابراهيم : انا مش معاك فى اللى كنت عاوز تعمله وانك عاوز تعرف مهيب بيعمل ايه اسامه : يعنى هتسيبنى ابراهيم : لا مش هسيبك بس هنصحك نصيحه اخيره علشان مش هكمل معاك فى اللى انت بتخططله ... مهيب مش عيل هتلف عليه وتعرف منه اللى انت عاوزه ... مهيب اخطر من كده بكتير .. والنهارده انت شوفت ازاى عرف يوصل للى حاول يقتله فى عز ما خيرى النجار والشرطه قالبين الدنيا علشان يوصلوا للقاتل بس محدش عرف يوصل لحاجه وشوفت بنفسك الجبروت اللى كان فيه النهارده ومفيش حد عارف يكلمه ولا ماخدتش بالك من التهديد اللى هدده اسامه : لا ماتخافش ده تهويش ... بيقول كده علشان يخوف الناس ابراهيم : لا مش تهويش ... انت ماشوفتش قال ايه للست اللى اسمها حسنيه اسامه : قالها ايه ابراهيم : قالها انها ماسمعتش النصيحه زى جوزها وعيالها وحصلهم اللى حصل اسامه : قصدك ان مهيب قتل جوزها وعيالها ابراهيم : معرفش ومش عاوز اعرف .. انا مهيب ماشوفتش منه غير كل خير ومش عارف انت ليه بتكرهه كده اسامه : انا مش بكره مهيب ... انا بس عاوز اعرف هو بيعمل كده ازاى يمكن ينوبنى من الحب جانب ابراهيم : قولتلك لو نفسك تفتح مشروع قول لمهيب وساعتها انا متاكد ان مهيب هيساعدك اسامه : خلاص اقفل على الموضوع ده ابراهيم : انا هقفل على الموضوع ده نهائي ... تصبح على خير * تانى يوم اتفسحت انا واصحابى فى الاقصر ورجت بعد العصر لقيت فاتن مستنيانى فاتن : عايزه اقعد معاك شويه وحدنا انا : تعالى نخرج نتمشى شويه بره .. واخدت فاتن وخرجنا نتمشى قدام الفيلا فاتن : مالك يا مهيب انا : مالى يعنى فاتن : حاساك متغير .. مش انت مهيب اللى انا عارفاه انا : متغير ازاى يعنى فاتن : مش عارفه .. صوتك وطريقتك واسلوبك مختلف حاسه انك واحد تانى غير مهيب اللى اتربيت معاه وكان على طول عندنا فى البيت .. حتى بقيت مختلف عن مهيب اللى اتغير ومابيهموش حد .. انت بقيت واحد تالت انا ماعرفوش انا : ماتغيرتش ولا حاجه .... بس كل الحكايه انا بسال نفسى ليه الناس مش بتحبنى ... زمان كنت بساعد الناس وطيب معاهم بس برضه محدش حبنى كنت بسمع بودنى تريقة الناس عليا .. عارفه فى ابتدائى واعدادى اصحابى كانو مايتعدوش كنا على طول مع بعض بنلعب وبنخرج واليوم كله فى الشارع مع بعض لكن فجاه كل اصحابى سابونى ومن غير سبب فجاه بقيت وحدى ايام ماكنت فى تانيه ثانوى فى كذا مره فى الاجازه اكون بتمشى فى الشارع واقول ادخل اقعد فى الكافيه الاقى كل اصحابى قاعدين مع بعض ومفيش حد فيهم فكر انا ليه مش معاهم .. لكن بعد الفلوس اللى جاتلى كلهم بقيوا زى الكلاب تحت رجلى تليفونى اللى ماكانش بيرن غير منك انتى او اخوكى او البيت عندى بقى مابيبطلش رن .. اضطريت اسايرهم واعمل نفسى مصدقهم .. وعشت حياتى لكن ازاى اعيش حياتى طبيعيه لا يطلعلى حسين وعياله كانوا عاوزين يضيعونى لولا انى لحقت نفسى وبعد كده مديت ايدى بالخير للناس وبرضه ماعجبش حاولوا يقتلونى طب ليه ده كله .. انا فكرت كتير اسيب الفلوس واخدك ونعيش بعيد عن كل الناس بس برجع فى كلامى واقول ان الهروب مش صح فاتن : بص يا مهيب احنا اتفقنا انى هبقى فى ضهرك قصاد الناس كلها حتى لو انا متاكده انك غلط لكن بينى وبينك لما الاقيك بتغلط اواجهك بغلطك ....كلامك فى جزء صح وجزء غلط انت بس مشوش من اللى حصلك فى الفتره اللى فاتت يعنى اصحابك اللى بتقول عليهم سابوك زمان ورجعوا تحت رجلك علشان الفلوس فده كلام غلط يعنى مثلا محمد اخويا طول عمره معاك وهدير طول عمرها بتحبك وانا طول عمرى معاك .. احنا اصحابك واهلك ومحدش هيخاف عليك غيرنا احنا اللى هنفضل فى ضهرك مهما حصل .. اما بالنسبه لحسين وعياله انت اللى غلطت فى الاول مش علشان قلم تقلب الدنيا كده طبيعى انهم يردوا .. اما حسنيه انا ماقدرش الومها دى واحده انت قتلت جوزها وعيالها فطبيعى انها تنتقم منك يعنى انت اللى غلطان فى الموضوع من الاول بس دلوقتى فوقت لغلطك وصلحته لما سامحتهم ... واظن كلام جليله بتاعة الفنجان كان واضح لما قالتلك ماتلومش نفسك على حسين وعياله لو كان سمع النصيحه ماكانش شاف اللى جراله انا : انتى عرفتى ازاى بالكلام ده انا ماقلتهوش امبارح فاتن : انا عارفه كل الكلام ده من اول يوم قالتهولك فيه انا : ازاى ده فاتن : بعد ما جليله قالتلك الكلام ده انت اختفيت بس قبل ماتختفى كلمتنى .. انا وقتها قلقت عليك اتصلت باسماء وعرفت منها اللى حصل وعرفت انت خايف من ايه .. انت خايف من الفراق اللى بينى وبينك .. بس انا بقولك ماتخافش انا مش هسيبك غير بموتى انا : بعد الشر عليكى انا ماقدرش اعيش من غيرك .. واخدت فاتن فى حضنى .. واتمشينا شويه نرغى مع بعض * من ناحيه تانيه بين امانى واسماء امانى : ايه اخبارك مع ابراهيم اسماء : المفروض انه هيقابل ابويا بكره امانى : وابوكى هيوافق اسماء : مش عارفه بس انا وابراهيم قولنا لمهيب وقال انه هيجى مع ابراهيم وهيتكلم مع ابويا ويحاول يقنعه .. وابويا بيحب مهيب من زمان وبيحب تفكيره ممكن يوافق امانى : هو فى حد يعرف مهيب بجد ومايحبهوش اسماء : انا حاسه بيكى وعارفه يعنى ايه تحبى حد وانتى عارفه ان مفيش فايده من الحب ده امانى : الحب مش بايدينا .. بس انا عندى امل ان فى يوم من الايام مهيب يحس بيا اسماء : انا حاسه ان بسنت بتحب مهيب امانى : بسنت بتحب المظاهر والشكل بس اسماء : يعنى انتى عارفه امانى : سمعتها بتكلم وسام على مهيب من فتره فى الجامعه بس ماكنوش واخدين بالهم انى واقفه وراهم اسماء : بمناسبة وسام هى فين انا مش شايفاها امانى : خرجت تتمشى من شويه قبل انتى ماتيجى اسماء : تتمشى فين هى تعرف حاجه هنا امانى : قالت انها هتتمشى حوالين الفلل ومش هتروح بعيد * من ناحيه وسام بتتمشى وقابلت اسامه اسامه : ليه اتاخرتى وسام : على ماعرفت اخلع من بسنت وامانى اسامه : قولتيلهم ايه وسام : قولتلهم عاوزه اتمشى لوحدى شويه اسامه : طب يلا بينا وسام : هتودينا فين اسامه : فى فيلا فى اخر الطريق ومفيش عندها حرس ولا جاردات ومحدش هناك وبابها مفتوح تقريبا محدش اخد باله منها وسام : بس انا خايفه حد يطب علينا واحنا هناك اسامه : جمدى قلبك وماتخافيش طول مانا معاكى واخد اسامه وسام ودخلو الفيلا من غير ماحد ياخد باله وسام : بس الفيلا مش مفروشه اسامه : تعالى الاوضه دى فيها مرتبه مفروشه على الارض وسام : انت جيت هنا قبل كده اسامه : اه من شويه كنت معدى وشوفت الباب مفتوح دخلت وشوفتها وبعد كده كلمتك وسحب اسامه وسام من ايدها و جرى على الاوضة ودخل و قفل الباب ** اسامه :انا نفسي تفضلي وسام :وانا كمان .. بس نفسي تحول الجواز العرفى لرسمى اسامه : كدا كدا هتجوزك اسامه : بحبك اوووى وسام : وانا كمان بحبك اسامه : يلا قومى علشان محدش يحس بغيابنا وسام : ماشى * نرجع عندى انا وفاتن فاتن : احنا هنتجوز امتى انا : انتى ناسيه ولا ايه احنا متجوزين فاتن : قصدى هنعمل الفرح امتى انا : بعد العيد على طول .. هنعمل الفرح ونسافر نعمل شهر العسل .. بس تحبى شهر العسل يبقى فين فاتن : اى مكان طالما معاك هبقى فى الجنه انا : وبعدين فى الكلام اللى مش بعرف ارد عليه فاتن : وجودك جمبى ده اكبر رد ومش عاوزه حاجه تانى انا : طب كفايه كلام انا تعبت من كلامك فاتن : كده يعنى انا متعبه انا : اكيد طبعا متعبه . فاتن : ازاى بقى انا : يعنى لما واحده قمر زيك كده تقعد تتغزل فيا بالطريقه دى منتظره منى ايه فاتن : منتظره منك تاخدنى ف حضنك وتطمنى بوجودك معايا انا : طول عمرى معاكى ومش هسيبك فاتن : عاوزه منك طلب انا : اؤمرى وانا اجيبلك الدنيا كلها تحت رجلك فاتن : عاوزاك ماتمشيش الحراسه بتاعتك انا : مالهاش لازمه وبعدين مكتفانى ومش عارف اتحرك بيها وبعدين المكتوب مفيش منه هروب ولا الف حارس هيمنع القدر فاتن : علشان خاطرى لو ليا خاطر عندك لو مشيت الحرس انا هفضل عايشه فى قلق عليك ترضى ان ابقى قلقانه عليك انا : علشان خاطرك انا اجيب جيش يحرسنى مش كام واحد فاتن : يعنى افهم من كلامك انك هتسيب الحرس انا : انا قولتلك قبل كده انتى عليكى الامر وانا عليا انفذ اوامرك ومن غير نقاش فاتن : انا بحبك انا : حبى ليكى مايتوصفش ولا يتحكى فاتن : طب عاوزه منك حاجه تانيه انا : طلباتك كترت فاتن : معلش بس اخر حاجه انا : خير ياستى فاتن : انت من ساعة مارجعت وانت مشغول وماشوفتش الڤيلا ولا شوفت الد*كورات اللى انا عملتها ايه رائيك تيجى تتف*ج عليها معايا انا : ماشى ياستى هعديهالك ... يلا نشوف اخر افتكاساتك واخدت فاتن وروحنا الفيلا انا : ايه اللى سايب الباب مفتوح كده فاتن : انا كنت هنا امبارح وتلاقينى نسيت اقفله انا : طب خلى بالك المره الجايه وماتسبيش الباب مفتوح مره تانى فاتن : حاضر هاخد بالى بس يلا بينا ندخل * عند اسامه ووسام وسام : انا سامعه صوت بره اسامه : تلاقيه بيتهيئلك وسام : لا مش بيتهيالى .. الحق ده فاتن ومهيب داخلين الفيلا يادى المصيبه انا اتفضحت وروحت فى داهيه اسامه : طب اسكتى ليسمعونا وسام : طب هنعمل ايه دلوقتى اسامه : اخرسى انا هتصرف * نرجع عندى انا وفاتن دخلت الفيلا ونورت النور انا : يخرب بيت زوقك فاتن : ايه وحش .. لو مش عاجبك اغيره انا : بالع** ده زى الفل ومافيهوش غلطه فاتن : طب استنى لما تشوف الدور اللى فوق انا عاملاك فيه شغل هيعجبك انا : طب يلا بينا نشوف * عند اسامه ووسام اسامه : اهم طلعوا فوق ... يلا بينا نمشى بسرعه وسام : طب اخرج بالراحه علشان محدش يحس وخرج اسامه ووسام .. وبعد ماخرجوا ومشيوا بعيد شويه وسام : اياك تانى تفكر تعمل حاجه هنا تانى اسامه : لا خلاص اول مانرجع القاهره هتصرف وسام : هتتصرف ازاى اسامه : هحاول اسرق مفتاح شقتنا القديمه من امى واعمل منه نسخه وارجعها تانى من غير ماتحس وسام : لما انت معاك شقه مبهدلنا معاك ليه كده اسامه : علشان مفتاحها مع ماما بس .. حتى بابا مش معاه نسخه منها وسام : ليه كده يعنى اسامه : اصل ماما مفاتيحها اتسرقت وخافت يكون اللى سرق المفاتيح عاوز ي**قنا ساعتها غيرنا كل الكوالين وبابا مهتمش ياخد نسخه من مفتاح الشقه علشان محدش فينا بيروح هناك وسام : والشقه دى فين اسامه : فى مدينة نصر وسام : طب كويس كده احسن * نرجع عندى انا وفاتن انا : لا بصراحه زوقك حلو فاتن : انت لسه شوفت حاجه .. تعالى بس شوف .. انا هعملك هنا ركنيه عربى علشان عارفاك بتحب الركنيه العربى وبتحب انت ومحمد تقعدوا فيها واتفقت مع المهندس هيظبط التهويه فيها علشان عارفاك بتحب تشيش انت ومحمد انا : ده كده خطر فاتن : ايه اللى خطر ده انا : بقيتى عارفه دماغى ماشيه ازاى وبفكر فى ايه فاتن : ياحبيبى لو ماعرفتش دماغك ابقى مش بحبك انا : وانا بعشقك .. ايه فى حاجه تانى عايزانى اشوفها فاتن : طبعا لسه فى حاجات تانيه .. تعالى شوف التراس اللى فى اوضة النوم وكان بيبص على الجنينه والبسين واخدتنى التراس .. انا خليت المهندس يوسعوا شويه وهعمل هنا ساوند سيستم مختلف غير اللى فى باقى الفيلا وهعمل بار صغير هحطلك فيه ماكنة قهوه وكابتشينو وهجيبلك شيشه صغيره وهحط تلاجه صغيره للعصاير والشيكولاته وهجيب ماكنة فشار علشان عارفاك بتحبه وهجيب LCD علشان لو حبينا نتف*ج على فيلم ولا حاجه هنا وهجيب كرسى شيزلونج كبير ليا انا وانت علشان نقعد عليه كل يوم نشوف لحظة الغروب ونسهر مع بعض ... وبص كمان تحت فى الجنينه عملت برجوله بس ارابيسك علشان انا بحب شغل الارابيسك .. وكمان اتفقت مع المهندس يعملنا شوايه علشان لو حبينا نعمل حفلة شوى انا : انتى ازاى كده فاتن : كده ازاى يعنى انا : يعنى عملتى كل حاجه انا بفكر فيها من غير ما اقولك انا كنت ناوى فى الاجازه اقول لخالى يجى يعمل كل الشغل ده بس انتى فاجاتينى وعملتى كل اللى فدماغى بالظبط فاتن : ياحبيبى انت عليك تحلم وانا انفذ انا : يعنى اى حاجه بحلم بيها هتفذيها فاتن : من غير تفكير انا : عاوز اخدك فى حضنى جامد وابوسك فاتن : هاه انا : ايه رجعتى فى كلامك ولا ايه فاتن : خليها بعد مانتجوز انا : نتجوز ايه انتى مجنونه .... احنا اصلا متجوزين فاتن : بس انا مش هقدر ... ات**ف انا : فى واحده تت**ف من جوزها .. انتى لو مش مصدقه انك مراتى انزل اجيبلك القسيمه اللى ادهانى الماذون فاتن : طب خليها مره تانى انا : لا دلوقتى فاتن : انا م**وفه يا مهيب ومش هقدر انا : سيبيلى نفسك على الاخر وماتفكريش فاتن : بس بوسه واحده انا : انتى هتنقطينى فاتن : ياكده يابلاش انا : ماشى ياستى .. وسحبتها لحضنى وبوستها فى فجأه فاتن اترعشت جامد .. وبعد كده سبتها فاتن : انت عملت ايه فيا انا : ولا حاجه بوستك بس فاتن : لا دى مش بوسه ده احساس غريب انا : ليه كده يعنى فاتن : حسيت باحساس غريب اول مره احس بيه انا : احساس ايه ده فاتن : ولا حاجه يلا بينا احنا اتاخرنا انا : اتاخرنا ايه يابنتى انتى معايا يعنى محدش يقدر يكلمك فاتن : معلش بس انا عاوزه اروح انا : يلا بينا ... واخدت فاتن ورجعنا * فاتن اول ما وصلت البيت اتصلت بهدير فاتن : انتى فين هدير : قاعده فى البيت بذاكر يعنى هكون فين فاتن : طب تعالى دلوقتى عاوزاكى هدير : خير يابنتى فى ايه فاتن : مش هينفع فى التليفون تعالى دلوقتى هدير : طب اقفلى انا جايه .. وبعد نص ساعه كانت هدير وفاتن قاعدين مع بعض فى الاوضه هدير : ممكن افهم فى ايه وليه جايبانى دلوقتى بالطريقه دى فاتن : مش عارفه اقولك ايه هدير : يابنت انتى ماتتعبنيش معاكى انجزى وقولى فى ايه فاتن : اصل فى حاجه حصلت كده بينى انا ومهيب هدير : اوعى تقولى انك اتخانقتوا ... ده مهيب يتمنالك الرضا ترضى فاتن : لا بعد الشر ماتخنقناش ولا حاجه هدير : امال ايه حصل ياللى تتشكى فى قلبك تعبتى اعصابى معاكى فاتن : انا اخدت مهيب وروحنا الفيلا علشان يشوف الد*كورات اللى انا عملتها هدير : ايه ماعجبتهوش فاتن : لا بالع** عجبته جدا وقال انه كان ناوى يعمل اللى انا عملته ده هدير : طب كويس .. فين المشكله بقى فاتن : مانا جايه فى الكلام اهو هدير : اخلصى وهاتى من الاخر احسن اقوم امشى واسيبك فاتن : بعد مهيب ماشاف الد*كورات اخدنى فى حضنه وباسنى بس بوسه طويله شويه حركت كل مشاعرى وبقيت مش قادره اصلب طولى واترعشت جامد هدير : ايوه وبعدين فاتن : بس كده مفيش حاجه تانى هدير : يعنى جايبانى من البيت وسبت مذاكرتى وجيت علشان فاكره ان فيه مصيبه تقومى تقوليلى مهيب باسنى طب وايه فيها يعنى لما يبوسك فاتن : يعنى كل الكلام اللى قولتهولك ده وتقولى ايه فيها هدير : يابنتى افهمى مهيب ده يبقى جوزك يعنى شئ طبيعى انه يبوسك مافيهاش حاجه يعنى ده يبقى مش طبيعى لو ماعملش كده فاتن : بس احنا لسه ماتجوزناش هدير : يابنتى انتوا خلاص كتبتوا الكتاب وعملتوا حفله يعنى انتوا متجوزين رسمى يعنى لو عاوزه تلمى هدومك وتروحى تعيشى معاه محدش يقدر يكلمك فاتن : يعنى انتى ومحمد بتعملوا كده هدير : اخوكى مابيصدق نكون قاعدين وحدنا ومفيش حد معانا وعينك ما تشوف الا النور فاتن : ايه قلة الادب اللى انتو فيها دى هدير : قلة ادب ايه ياهبله ده جوزى عارفه يعنى ايه جوزى ولا مش عارفه .. امال انتى ليه مسروعه على الجواز بالطريقه ده وقدمتى الدخله وخليتيها السنه دى فاتن : عادى علشان عاوزه اعيش مع مهيب مش علشان قلة الادب دى هدير : هو فى احلى من قلة الادب بين الراجل ومراته ياللى تتشكى فى قلبك فاتن : يعنى افهم من كلامك انى اسيب مهيب يبوسنى عادى هدير : قومى يابت من جمبى بدل ما اد*كى بالجزمه فاتن : انتى متعصبه ليه دلوقتى هدير : انا مش متعصبه ولا حاجه .. بصى هجبهالك من الاخر كده مهيب دلوقتى جوزك يعنى لو عايزك تباتي معاة ف اوضة لوحدكم محدش يقدر يمنعه من ده هو بس مستنى بيتكم يجهز وتعملوا الفرح بس .. يعنى لو عايز يبوسك سبيه يبوسك ولو عاوز يعمل اى حاجه تانيه سبيه يعمل بس بحدود علشان ليلة الدخله فاتن : بحدود ازاى يعنى مش فاهمه هدير : هو انتى مش عارفه كمان ده شكله يوم مش معدى فاتن : طب ممكن اسالك سؤال محرج شويه هدير : اسالى لما اشوف اخرك النهارده فاتن : انتى ومحمد بتعملوا ايه مع بعض هدير : لا دى اسرار ماينفعش اقولهالك فاتن : علشان خاطرى انا اختك حبيبتك هدير : ماشى ياستى انا هقولك ... بصى ياستى لما بيكون عندنا فى البيت بتبقى العمليه محدوده شويه فاتن : محدوده ازاى يعنى هدير : اسمعينى للاخر وماتقاطعنيش احسن اسيبك وامشى فاتن : خلاص هسمع ومش هتكلم هدير : محدوده يعنى اخره يبوسنى ي ************""*"* بس كده هدير : كل ده ومحدوده امال لو ماكنتش محدوده كنتوا عملتوا ايه تانى هدير : بتقاطعينى تانى .. انا قايمه ماشيه فاتن : خلاص ماتبقيش بايخه بقى كملى هدير : حاضر بس اخر مره تقاطعينى .. لما بنكون واخدين راحتنا وضامنين ان محدش هيدخل علينا بنزود اللعب شويه فاتن : ايه ده كله ... كل ده يطلع منكم وانا اللى فاكراكم بتقعدوا مع بعض تقولوا كلام حب اتاريكم قالبينها مليطه هدير : ما احنا بنقول كلام حب برضه بس واحنا فى حضن بعض فاتن : يخرب بيوتكم انتوا الاتنين ... علشان كده مابتصدقوا تتقابلوا .. علشان تاخدوا راحتكم وتعملوا قلة الادب دى هدير : برضه انتى م**مه تسميها قلة ادب .. يابنتى انا واخوكى متجوزين رسمى يعنا حاجه زى دى شئ طبيعى .. يعنى من حقك انتى ومهيب تعملوا زينا كده فاتن : اخرسى انا اعمل قلة الادب دى .. انا محترمه هدير : يابنت انتى هو امك ماقعدتش معاكى لما بلغتى وفهمتك كل حاجه فاتن : لا قعدت معايا وفهمتنى اعمل ايه لما تجيلى البيريود وكده هدير : بس كده فاتن : هو فى حاجه تانى المفروض تفهمهانى هدير : ده فى كتير ..وطبعا فى المدرسه لما اخدتوا درس التكاثر الاستاذه اللى بتد*كم الدرس شرحت المجمل وماشرحتش اى حاجه يدوب قرأت الدرس زى ما مكتوب فى الكتاب فاتن : ايوه ... هو فى ايه تانى هدير : طب انتى عارفه هتخلفى ازاى فاتن : ايو طبعا عارفه هدير : طب ازاى يافالحه فاتن : عادى هروح للدكتوره مديحه قريبتنا تعملى عمليه علشان اخلف زى ما عملتها لمنال بنت عمك السنه اللى فاتت هدير : يادى المصيبه السوده اللى انت فيها يابن خالتى فاتن : مصيبة ايه بس فهمينى هدير : يابنتى منال دى عندها مشاكل تمنعها من الحمل الطبيعى علشان كده عملت عملية حقن مجهرى .. والعمليه دى بديل العلاقه الطبيعيه بين الراجل ومراته لما بيكون فى مشاكل تمنع الخلفه بالطريقه الطبيعيه فاتن : طب ايه هى الطريقه الطبيعيه دى هدير : الطريقه الطبيعيه دى ************* فاتن : اخرسى ياقلية الادب انا ومهيب محترمين مانعملش كده ... قلة الادب دى تعمليها انتى والحيوان اخويا اللى ماترباش لكن مهيب لا هدير : ماشى ياستى احنا ما اتربناش .. لكن تفتكرى ابوكى وامك خلفوكى ازاى فاتن : انتى قصدك ان بابا وماما بيعملوا قلة الادب دى هدير : ايوه طبعا .. ابوكى وامك .. وابويا وامى .. وابو مهيب ومامته .. واى اتنين متجوزين بيعملوا كده فاتن : لا انتى بتكدبى عليا علشان تبررى لنفسك اللى انتى بتعمليه ده انتى ومحمد عاوزه تقنعينى ان كل الناس زيكم كل اللى بيعملوا الراجل مع مراته انه يبوسها مش اكتر من كده هدير : لا ياستى بيعملوا حاجات كتير حلوه فاتن : انا مش هعمل كده ولو مهيب عاوز اطفال يبقى نعمل عمليه لكن انا مش هعمل قلة الادب دى هدير : طب اهدى كده وانا هكلم مامتك تقعد معاكى وتقنعك فاتن : اياكى تجيبى سيره لماما بقلة الادب دى .. دى ممكن تقول لبابا وساعتها بابا هيموتنى هدير : يابنتى مفيش حد هيموتك ولا حاجه فاتن : وحياتى عندك ماتجبيش سيره لماما .. وكانت هتعيط هدير : خلاص اسكتى مش هجيب سيره لمامتك فاتن : طب سبينى عاوزه اقعد لوحدى شويه هدير : ماشى هسيبك ولينا كلام بعدين مع بعض * خرجت هدير من عند فاتن وكانت سايباها شارده مع نفسها وراحت لمرات عمى مرات عمى: ايه فى يابنت انتى ساحبانى على الاوضه كده ليه ومال فاتن هدير : فى مشكله لازم تتصرفى انتى فيها وتحليها مرات عمى: خير يابنتى فى ايه فاتن فيها حاجه هدير : ده فى كتير ( وحكت هدير لمرات عمى كل الكلام اللى كان بينها هى وفاتن فى الاوضه بس طبعا فى حدود المعقول) مرات عمى: يادى المصيبه دى البنت ميح خالص هدير : يستحسن انك تقعدى معاها وتفهميها بس بالراحه احسن هى خايفه منك وهاتيهالها بطريقه غير مباشره ويفضل تاجلى الكلام للاسبوع اللى جاى اكون انا سافرت وهي ماتفتكرش ان انا السبب فى ده مرات عمى : حاضر يابنتى انا هتصرف .. قال هتخلف بعمليه قال دى مصيبه * نرجع عندى انا بعد ماسيبت فاتن روحت للشباب اقعد معاهم انا : اسامه فين ياخوانا مصطفى : خرج يتمشى شويه انا : طب تمام .. وخطيبتك فين انت كمان مصطفى : قاعده فى البيت بتذاكر انا : اعملوا حسابكم احنا راجعين القاهره بعد بكره بالليل ابراهيم : ماتخافش عاملين حسابنا ... بس المهم انت هتيجى معايا بكره ولا ايه الدنيا انا : ياعم ماتخافش انا جاى معاك وكمان كلمت ابويا وهيجى معانا وهو اللى هيتكلم مع والد اسماء وماتنساش ان ابويا وابو اسماء زمايل فى الشغل واصحاب يعنى هيعمل حساب لابويا وهيفكر فى الموضوع بجديه ابراهيم : بجد والدك هيجى معانا انا : ايوه ياعم انا اتكلمت معاه على اساس انه يكلم ابو اسماء بعد ما انت تتقدم لكن هو قال انه هيجى معانا ابراهيم : طب كويس .. بس انا خايف انا : خايف من ايه ابراهيم : خليك انت مكان الراجل واعتبرنى جاى اتقدم لاختك .. انت هتوافق تجوز اختك لواحد ب*روفى انا : طب تعالى معايا نتمشى بره شويه .. بعد ازنك يامصطفى انت وعمر عمر : اتفضل ياعم وحاول تظبطله دماغه لانه قارفنا بقاله يومين بسبب الموضوع ده انا : ماتقلقوش انا هصلحله ام دماغه دى ... واخدت ابراهيم ووخرجنا نتمشى بره انا : ايه فى ياعم انت عامل علينا جو دراما كده ليه ابراهيم : مانت عارف ظروفى كويس مين هيرضى يدينى بنته ب*روفى المهببه انا : قولى كده مالها ظروفك .. انت واحد معاك شقتك وفى كلية هندسه وضامن شغلك بعد ماتخلص قولى كده فين المشكله .. ابوك وامك ياما ناس اهاليها منفصله عن بعض دى مش مشكله ابراهيم : اكيد الراجل هيطلب مهر وشبكه وتغيير د*كور الشقه وفرش جديد ومصاريف فرح وحاجات كتير انا مش معايا اى حاجه انا : ومين قال ان انت مش معاك .. انت ناسى ان انا قولتلك ان انا فى ضهرك ابراهيم : يعنى عاوزنى اقول للراجل انا هتجوز ومهيب هيصرف عليا انا : انت غبى ياض ولا حاجه ابراهيم : امال ايه يعنى انا : انت ناسى ان احنا قايلين قدام الناس ان انا هشترى شقتك ب 3 مليون ... يعنى لما تروح لوالد اسماء وتقوله انت هتبيع الشقه ب 3 مليون وتشترى شقه جديده بنص مليون فى المقطم والباقى هتحطه وديعه فى البنك هتجبلك فى السنه اكتر من نص مليون فوايد تصرف منها لحد ماتتخرج من الجامعه وبعد كده تفك الوديعه علشان تعمل بيها مشروع .. يبقى ايه اللى يخليه يرفض ابراهيم : وافرض طلب يشوف حساب البنك ساعتها مش هيلاقى حاجه من الكلام ده انا : لا انا هحطلك 3 مليون فى حسابك وهنعملهم وديعه علشان تصرف على نفسك وكورساتك منها بدل ما كل شويه تقولى عاوز فلوس .. والفلوس ده هتتخ** من حسابك بعد مانبدأ شغل ابراهيم : وبعدين فيك انت عامل حساب كل حاجه كده انا : قولتلك خليك معايا هت**ب كتير لكن هتعادينى ساعتها انت بس اللى هتكون خسران ابراهيم : وانا معاك ياسطا .. وعلشان تضمن فلوسك انا هكتبلك شيكات بالفلوس اللى هاخدها منك انا : هههه انت غلبان اوووى يا ابراهيم ... انت فاكر ان واحد زيي محتاج ورق علشان اثبت بيه حقى .. انا حقى لو فى بق الاسد هعرف اجيبه .. وخليك فاكر كويس ان اللعب معايا صعب ومحتاج اللى يعرف ي**د قصادى ابراهيم : انا عارف كده كويس بس برضه محدش ضامن الحياه من الموت وعلشان خاطرى ريحنى انا : ماشى يا ابراهيم اول ماهد*ك الفلوس همضيك على شيك بالمبلغ .. ارتحت كده ابراهيم : انا كده تمام انا : طب يلا ارجع انت للجماعه وانا هرجع البيت معايا شغل هناك ابراهيم : ماشى ياسطا * رجعت القصر لقيت محمد قاعد فى المكتب ماسك ورق بيقل فيه انا : ايه يابنى بتعمل ايه محمد : براجع شوية ورق كده انا : طب فى مشاكل ولا حاجه محمد : لا بالع** فى حاجات حلوه حصلت _________________ ياترى ايه هيحصل تانى ده اللى هنعرفه الحلقه اللى جايه

Free reading for new users

Scan code to download app

App Store Google Play

Facebookexpand_more