الحلقة ال _ 23 #الفنجان

3256 Words

#الفتي_الشرير #الحلقة_ال _ 23 #الفنجان ____________ وقفنا فى الحلقة اللى فاتت لما كنا فى حفلة كتب كتابى والدنيا كانت ماشيه تمام لحد مافى ظباط وجاردات دخلوا والدنيا اتكهربت فاتن : تانى يا مهيب هو مفيش غير فرحى اللى لازم يبوظ ابويا : انت عملت ايه تانى يا مهيب انا : والله ماعملت حاجه محمد : بصوا كده هناك شايفين المصيبه ابويا : لو معاك فيديوهات تانيه طلعها من دلوقتى بلاش تبوظ الحفله انا : هههههههه محدش فيكم فاهم حاجه دخل خيرى النجار وسط رجالته وكل الناس اتخضت عمر : ايه ده خيرى النجار اسامه : ربنا يستر دلوقتى هتحصل مجزره مصطفى : طب احنا هنعمل ايه دلوقتى ابراهيم : مفيش فى ايدينا حاجه نعملها اسامه : انا قلت من الاول ان خيرى النجار مش هيعدى اللى حصل هدير ومحمد وقفوا جمبى محمد : هنتصرف ازاى يافالح فى المشكله دى هدير : ياخوانا انتوا شايفين كمية الجاردات اللى معاه انا : ياخوانا ماتقلقوش مفيش حاجه تقلق ابويا : انت خلاص ضيعت نفسك وفجاه والناس كلها واقفه مرعوبه دخل عليا خيرى النجار واخدنى بالحضن وكل الناس مخضوضه ومبرقه خيرى : الف مب**ك يا مهيب ... معلش اتاخرت عليك كان عندى شغل والطياره فاتتنى اضطريت اخد الطياره اللى بعدها انا : انا كنت هزعل بجد لو ماكنتش جيت خيرى : عيب عليك هو ينفع برضه ماحضرش حفلة كتب كتابك انا : اصيل ياباشا .. اعرفك ده والدى الجاج عمر صقر خيرى : ازيك ياحج عمر .. الف مبروووك ابويا : الله يبارك فيك ياباشا انا : وده عمى الحج عبدالرحمن صقر والد العروسه ووالد محمد العريس برضه خيرى : ازيك ياحج عبدالرحمن .. ومب**ك على جوازة ابنك وبنتك عمى : الله يبارك فيك ياباشا نورت الحفله والاقصر كلها خيرى : تسلم ياحج عبدالرحمن الاقصر دايما منوره طالما فيها ناس ذيكم انا : ودى فاتن مراتى ياخيرى باشا خيرى : الف مب**ك ياعروسه وخلى بالك منه ده غالى عندى ولو فكر يعملك حاجه تعاليلى وانا هتصرف معاه انا : ليه كده ياباشا ده انا حبيبك برضه خيرى : اه انت حبيبى بس عارفك مفترى انا : ماشى ياباشا ... اعرفك بمحمد ابن عمى واخويا وشريكى فى كل حاجه ومن الناس اللى صعب تتكرر خيرى : الف مب**ك يامحمد ... مهيب حكالى عنك كتير ربنا يخليكم لبعض وبعد ماخلصت تعارف خيرى بالعيله قعد على طربيزه كنت مجهزها ليه ورجالته واقفين حواليه اسامه واقف هو وشلة الجامعه ومش فاهمين حاجه عمر : ممكن حد يفهمنى اللى بيحصل ده اسمه ايه بالظبط اسامه : مش لما افهم انا الاول ابقى افهمكم امانى : يعنى هنفضل واقفين كده مش فاهمين مصطفى : مانتوا كلكوا شوفتوا اللى حصل فى الرحله وبرضه مافهمتوش يعنى جت على دى اللى هتفهموها بسنت : يا اسامه انت مش علاقتك حلوه بخيرى النجار اسامه : لا هو بس يبقى صاحب ابويا مش اكتر مصطفى : طب روح سلم عليه وحاول تعرف اى حاجه اسامه : طب ماشى * من ناحيه تانيه واقف انا ومحمد وابويا وفاتن وهدير هدير : ممكن تفهمنا ايه اللى بيحصل ده انا : بعدين هفهمكم ابويا : بعدين امتى يعنى انا : بعد الحفله هقولكم على كل حاجه محمد : على العموم لينا قعده مع بعض لان انا عاوز افهم * من ناحيه تانيه عند خيرى واسامه اسامه : خيرى باشا ازيك خيرى : ازيك يا اسامه اخبارك ايه واخبار ابوك بقالى فتره ماشوفتهوش اسامه : تمام كويس بس شادد انا وهو مع بعض خيرى : ليه كده بس اسامه : بسبب موضوع الكليه خيرى : هو لسه ابوك ماشالش الموضوع ده من دماغه اسامه : ابدا .. ده حتى لما ظهرت نتيجة التيرم ماحستهوش فرح بنتيجتى خيرى : ماتقولش كده ابوك بيحبك بس كان نفسه انك تدخل حقوق وتمسك المكتب بتاعه ماتنساش انك ابنه الوحيد اسامه : ماهو عنده اختى بتحب الحقوق والسنه الجايه هتدخل الجامعه يعنى المكتب مش هيتقفل ولا حاجه خيري : ماتخافش انا هقعد مع ابوك واتكلم معاه اخليه يخف عنك شويه وبعدين ابوك بيحبك والدليل على كده انك لما ماجبتش مجموع هندسه حكومى دخلك جامعه خاصه مع انه كان قادر يقولك طالما ماجبتش مجموع هندسه يبقى تدخل حقوق .. لكن ابوك كان نفسه تدخل حقوق بمزاجك مش غصب عنك ... اهو عندك انا مثلا كان نفسى باسم يدخل شرطه بس باسم ابنى فلاتى وفاسد ومش هيستحمل يقعد فى شرطه اسبوع واحد وهيخرج منها بفضيحه حتى لما قدم فى شرطه كلمت حبايبى وخليتهم مايقبلهوش ويسقطوه فى الاختبارات علشان مش عاوز بعد السن ده يعملى فضايح فى الوزاره اسامه : انا اول مره اعرف الموضوع ده ... لما سالت باسم انت ليه ماتقبلتش فى شرطه قالى بسبب الحساسيه اللى فى عينه خيرى : انا كنت اقدر اعديه منها بس مارضيتش ... يلا خليه كده احسن يخلص كليه ويفتحله مشروع وساعتها انا هعرف احميه لكن لو كان بقى ظابط ساعتها مش هعرف احميه لانى هبقى بضيع نفسى معاه اسامه : يلا مش مشكله ... بس حضرتك ايه اللى جابك الحفله خيرى : صاحبك اللى جابنى اسامه : جابك ازاى ده انتو بينكم مشكله كبيره خيرى : ولا مشكله كبيره ولا حاجه مش علشان مشكله هايفه باسم عملها اخسر واحد زى مهيب ... ولا مهيب يخسرنى باسم غلط ومهيب اخد حقه يبقى مفيش داعى للمشاكل اسامه : طب تمام احسن انا كنت زعلان بسبب المشكله دى خيرى : ياسيدى ماتدقش طالما الزفت اللى اسمه باسم طايح فى كل حاجه انا هعيش فى مشاكل اسامه : بكره يعقل ويعرف مصلحته خيرى : ولا هيعقل طول عمره طالما مابيفكرش غير فى البنات والسهر والفلوس اللى بيبعزق فيها من غير حساب اسامه : طب قلل الفلوس اللى بتديهاله خيرى : كل مابقلل عنه الفلوس امه بتديله فلوس من ورايا اسامه : اقعد معاه وعقله ولو عاوزنى اقعد انا معاه انا ماعنديش مانع خيرى : ياريت يابنى تقعد معاه وتعقله اسامه : حاضر من عينى ... طب استاذن انا هروح لصحابى خيرى : طب تمام روح انت * راح اسامة للشله عمر : قالك ايه اسامه : بيقول انهم قعدوا مع بعض وحلو الخلاف اللى بينهم مصطفى : ازاى يعنى اسامه : معرفش ازاى .. ده الكلام اللى قاله * طبعا انتوا عاوزين تعرفوا ده حصل ازاى انا بقى هقولكم ده حصل ازاى فاكرين ف الحلقة الاخيرة من المرحلة اول ما كنت بكلم مى فى التليفون وجرس الباب رن ساعتها فتحت وكان خيرى على الباب * فلاش باك اول مافتحت الباب ولقيت خيرى بعد ماقفلت مع مى قمت افتح الباب وبعد مافتحت لقيت قدامى خيرى النجار ومعاه الجاردات بتوعه انا : خيرى باشا .. اتفضل خيرى زقنى جوه الشقه : انا هعرفك مقامك كويس واحد من الرجاله : يافندم الناس كده ممكن تتلم خيرى : اخرجوا كلكوا بره ومحدش يدخل ولا يخرج من العماره وبعد مادخل خيرى خيرى : انا تعمل فيا كده انا : انا كنت بدافع على شرفى ياباشا خيرى : انا جيت احذرك واقولك تبعد عنى لانى مش عاوز ازعل منك اكتر من كده انا : طب اقعد ياباشا نتفاهم خيرى : اللهم ماطولك ياروح انا : اقعد ياباشا وانا هفهمك كل حاجه وساعتها هتعذرنى انا : خيرى باشا .. اتفضل خيرى بص لرجالته : محدش يدخل علينا مهما حصل ومحدش يدخل العماره ولايخرج منها نهائى واحد من الرجاله : تمام يافندم ودخل خيرى وقفل الباب وراه خيرى : عاوز ايه يا مهيب .. انا مش جاى اتضايف عندك ... قولى انت عاوز منى ايه وليه خلتنى اعمل الحركه دى قدام رجالتى انا : ياخيرى باشا الموضوع اللى عاوزك فيه طويل ومش هينفع نتكلم فيه على الواقف ولا ينفع نتكلم قدام حد لان لازم رجالتك مايعرفوش انت جاى هنا ليه .. لازم يفهموا انك جاى تهددنى انى ابعد عنك خيرى : ليه ده كله احنا كان بينا سوء تفاهم وخلص وكل واحد راح لحاله انا : طب اقعد وارتاح كده وانا هفهمك كل حاجه بس تشرب ايه الاول خيرى : قهوه مظبوط انا : ماشى وعملت اتنين قهوه ليا وليه خيرى : ايه الموضوع المهم اللى خلاك تكلمنى وتطلب انك تقابلنى هنا فى شقتك مش بره انا : اول حاجه عاوز ندوب الخلافات اللى بينى وبينك خيرى : مفيش اى خلاف بينى وبينك ابنى غلط وكان لازم يتربى وبعدين كفايه عندى انك مادخلتش بيتى ولا اتعرضت لمراتى وبنتى انا : بص ياخيرى باشا انا صعيدى وابويا علمنى ان البيوت ليها حرمه وعلمنى انى ماتعرضش لست مهما كان يعنى مهما كان الخلاف اللى بينى وبينك ماينفعش اتعرض لحريمك اللى يتعرض لست مايبقاش راجل ولا ايه خيرى : عندك حق ... طب افرض ان وقت المشكله ماصدقتش المكالمه اللى جاتلى وواحد بيقولى انك خ*فت مراتى وبنتى وكنت اتصلت بيهم علشان اتطمن وطلعوا تمام ساعتها كان ايه هيحصل انا : ساعتها كان زمانك بتقرا على روحى الفاتحه خيرى : طب وانت ماخوفتش انا : انا مش بخاف على حياتى طالما هموت رافع راسى لكن اللى من حقه يخاف اللى باقى على الدنيا .. وبعدين خلينا نتكلم بالمنطق فى واحد قاعد قدامك وماسك عليك مصايب ويعرف حاجات مفيش حد يعرفها هيصعب عليه ان يخ*ف مراتك وبنتك اكيد عقلك وقتها هيقف ومش هيجى فى بالك تتاكد من الكلام ده صح ولا غلط انا بقى لعبت على النقطه دى خيرى : ده انت دماغك سم انا : هذا من بعض ماعندكم خيرى : عاوز ايه تانى غير ان احنا نشيل الخلافات اللى بينا انا : عايز نشتغل مع بعض خيرى : نشتغل مع بعض ازاى انا : قبل ماقولك هنشتغل مع بعض ازاى لازم نتعاهد مع بعض على اللى هيخون خيرى : انا اكتر حاجه بكرهها فى حياتى الغدر انا : كده تمام يبقى اللى هي**ن نهايته ايه خيرى : يستاهل اللى هيحصل فيه ودمه حلال انا : كده اقدر اقولك انا عاوزك فى ايه .. وماتخافش كل اللى عاوزك فيه قانونى ومفيهوش اى حاجه شمال خيرى : طالما مفيهاش حاجه شمال يبقى ايه لازمة الخيانه انا : ياما ناس غدرت ببعض من غير مايبقى فيها حاجه شمال خيرى : عندك حق انا : اللى انا عاوزك فيه بقى ... فى حتة ارض انا اشتريتها وسلمتها لشركة مقاولات بتبنى عليها كام عماره سكنيه ونادى وملعب علشان هلم فيها كل اولاد العيله واعلمهم واربيهم على ايدى علشان يبقوا رجالتى هعلمهم فيها كل حاجه من مناهج دراسيه عاديه لسباحه ورمايه وركوب خيل وفنون قتاليه ويتعلموا فيها كل انواع الاسلحه يستخدموها ازاى ويتعاملوا مع اى حاجه فيها ازاى كل اللى محتاجه منك تخلصلى التراخيص بتاعتها وتجيب السلاح وترخصه علشان يبقى كل شئ قانونى وتجيب الرجاله اللى هتدربهم وهتوفر حراسه كامله للمكان وعاوزك كمان تعمل مراقبه كامله على اى حد هد*ك بيانته وشغل معاك كل اللى انت هتحتاجه خيرى : ده كلام كبير قووووى .. انت عاوز تعمل جيش خاص كده انا : هو ده اللى انا عاوزه بالظبط وشوف الرجاله اللى انت هتحتاجها واتفق معاها بنفسك وكل المصاريف اللى هتحتاجها وانا هوفرلك كل ده خيرى : بس ده هيكلف كتير انا : مش مشكله الفلوس .. خد دول مليون دولار مبدئيا اصرف منه وقبل مايخلصوا بلغنى وانا هوفرلك اللى انت محتاجه .. واعتبر نفسك من النهارده بتشتغل معايا وخد دول كمان مليون دولار تانيين منى ليك عربون اتفاق وليك كل شهر مرتب 100 الف دولار ومكافئه سنويه مليون دولار خيرى : ايه الفلوس دى كلها انا : الفلوس دى ولاحاجه بالنسبه للى هت**به من ورايا خيرى : خلاص اتفقنا .. بس انا محتاج ورق الارض علشان اخلص التراخيص ومحتاج كمان اعاين الارض انا : الورق اهو بس هناجل المعاينه لاجازة نص السنه خيرى : اشمعنا الاجازه انا : علشان اكون موجود فى الاقصر وتعاين براحتك خيرى : هى الارض فى الاقصر انا : ايوه فى مشكله خيرى : بالع** مكان هايل بعيد عن العيون اللى هنا فى القاهره ... مش بقولك دماغك سم خيرى : طب شركة المقاولات هتخلص الارض امتى انا : فى شهر 6 ... يعنى عاوز ابتدى الشغل فى شهر 7 خيرى : كويس قوووى معانا وقت كبير علشان اكون جهزت الرجاله وعملت التحريات الازمه عن كل واحد فيهم انا : ده شغلك وخلصه بالطريقه اللى تريحك وليك عندى انى مش هتدخل فى شغلك ولا هتعمله ازاى ... زى ما انت كمان ملزم انك تنفزلى اى طلب هطلبه من غير نقاش خيرى : تمام انا : التراخيص هتخلص امتى خيرى : بعد اسبوع تراخيص المكان هتكون خلصت لكن الاسلحه وتراخيصها مش قبل شهر من دلوقتى ... بس محتاجين مكان نخزن فيه الاسلحه انا : هى مش الاسلحه مرخصه خيرى : اكيد طبعا انا : ياعنى مفيش منها اى خطر لو اتحطت فى اى مكان خيرى : لا طبعا حتى لو عاوز تمشى بيها فى الشارع محدش هيكلمك انا : خلاص يبقى المكان سهل مفيش اكتر من البيوت المقفوله يبقى نفضيلها مكان وقتها خيرى : كده تمام ... امشى انا بقى انا : قبل ماتمشى عايزك تزعقلى وتهددنى قدام رجالتك وتحذرنى انى ابعد عنك خيرى : ماشى ياسيدى * نرجع بقا من الفلاش باك خلصت الحفله وكل حاجه تمام وبعد كده قعدت مع ا****عه وفهمتهم انا وخيرى اتصالحنا لانى محتاجه فى التصاريح والتراخيص للمشاريع مش اكتر من كده وبعدين الراجل ماتعرضليش باذى واعتذر لهدير والمشكله خلصت وانى مش كل شويه هعادى واحد شكل انا مش فاضى يعنى هركز فى الشغل ولا مين عاوز ينتقم منى المهم خلصت الاجازه ورجعت القاهره انا وهدير وانتظمنا فى الجامعه والدنيا ماشيه تمام * فى يوم فى الجامعه قبل المحاضره كنا قاعدين فى المحاضره عمر : ايه ياخوانا اسامه ليه اتاخر النهارده انا : سبته فى الشقه عندى وقال انه مش هيحضر المحاضره الاولى وهيجى فى اللى بعدها عمر : ايه جابوا عندك انا : لا عادى جانى امبارح وسهر معايا شويه ولما الوقت اتاخر قولتله يبات عندى ولما صحيته الصبح قالى ان المحاضره الاولى مش مهمه عمر : طب يلا بينا نلحق المحاضره انا : طب فين الباقى عمر : ابراهيم بيصور ورق فى المكتبه وهيحصلنا واسماء معاه فى المكتبه ومصطفى فى المدرج بيحجزلنا اماكن مع بعض اما بسنت وامانى ووسام معرفش انا : طب يلا بينا * من ناحيه تانيه عند اسامه فى الشقه بيتكلم فى الموبايل اسامه : اخلصى انتى فين .. طب بسرعه علشان الجامعه .. لا البواب مش موجود .. يلا مستنيكى .. سلام بعدها بربع ساعه الباب بيخبط قام اسامه فتح الباب وكانت وسام على الباب اسامه : ادخلى بسرعه .. وبعد ماوسام دخلت وسام : احنا هنفضل متبهدلين كده على طول اسامه : مفيش وقت للكلام ده عايزين نقضيانا ساعه مع بعض قبل مانروح الجامعه وسام : طب استنى اغير هدومى . ودخلت وسام الحمام تغير وخرجت واول ماخرجت اسامه شافها وصفر وسحبها من ايدها و جرى على الاوضة ودخل و قفل الباب بعد شوية اسامه :انا بحبك وسام :وانا كمان وسام : ايه اخرتها يا اسامه اسامه : كل خير وسام : امتى هتتقدملى اسامه : بعد مانخلص السنه الجايه هفاتح ابويا واتقدملك على طول وسام : وهنقعد نتقابل كده زى الحراميه فى شقة مهيب لحد امتى اسامه : لحد مالاقى مكان ناخد راحتنا فيه وسام : بس ازاى مهيب سايب معاك نسخه من مفتاح الشقه اسامه : لا هو مش سايب معايا نسخه ولا حاجه انا لما كنت قاعد معاه فى التيرم الاول كان مدينى نسخه بس انا طلعت عليها نسخه احتياطى وخليتها معايا علشان لما ارجعله المفتاح يبقى معايا نسخه وسام : يخرب بيتك شيطان اسامه : طب يلا قومى علشان نلحق الجامعه فاضل نص ساعه على المحاضره وسام : يلا بينا ... وقام الاتنين غيروا هدومهم راحوا الجامعه وفى يوم كنت قاعد انا والشله كلها فى الكافيه اللى فى وش الجامعه وبنرغى مع بعض ودخلت علينا ست عجوزه بتشحت كل واحد حط ايده فى جيبه واداها اللى فى النصيب واخدت الفلوس حطتها فى شنطه ماسكاها وبصت علينا كلنا الست : انا بقرا الفنجان مين يحب اقراله اسامه : اقرايلى انا .. وقرأت الفنجان لاسامه وللعيال كلها بس انا مش بقتنع بالحاجات دي وبعد كده بصتلى الست : وانت يا مهيب مش عايز ... كلنا اتخضينا لان محدش فى العيال قال اسمى انا : انتى عرفتى اسمى من فين ياست انتى الست : انا بقرا الفنجان والكف والعين وعينك بتقول حاجات كتير انا : بس انا اسمع ان قرايه الفنجان حرام الست : واللى حصل مع حسين وعياله مش حرام ... كل العيال بصت وانا بصيت عليها بخضه انا مسكتها من ايدها جامد : انتى تعرفى حسين من فين ياست انتى الست : انا اسمى جليله ... اطلب قهوه واشربها وانا هقولك كل اللى يريحك انا : حاضر ياجليله ... وطلبت فنجان قهوه وشربت منها لحد ماقالتلى كفايه واخدت منى الفنجان وقلبته وسابته شويه وبعدين فتحته وبرقت انا : برقتى كده ليه جليله : درويش عاشق غرقان فى الحب مسكينه حاباك وعشقاك هى كمان هتفضل تحميك ومحافظه عليك بس الفراق بينك وبينها قريب الحق فرحها وافرح بيها انا : فاتن هتسينى ولا انا اللى هسيبها جليله : الفنجان مش مبين كل اللى واضح انه فراق انا : وايه تانى جليله : شغلتك صعبه بس انت غاويها كلها غدر وجروح مفيش طبيب يداويها ربك حافظك وصاينك طول مانت على الخير ناويها ماتلومش نفسك على حسين وعياله لوكان سمع النصيحه ماكانش شاف اللى جراله انا : طب وشغلى اعمل فيه ايه جليله : زى مانت ماشى خليك بس حاسب من اللى ليك مش من كل حبيب تقرب ومش من كل غريب تحرس اوعاك يابنى تظلم الظلم نهايته وحشه وستر ربك يرفع انا : فى حاجه تانيه جليله : حاسب من الراصد لان انت اللى مرصود انا : مرصود ازاى ومين راصدنى جليله : فنجانك مش مبين بس ماتخافش ربك المره دى هينجيك انا : فى حاجه تانى جليله : لا انا كده خلصت انا : طب تمام .. وطلعت من جيبى 1000 جنيه وادتهالها جليه : ده كتير انا : ولا كتير ولا حاجه .. خديهم وادعيلى جليله : ربنا يكفيك نار الراصد وخوف المرصود وسابتنى ومشيت وانا بقيت قاعد سرحان مش فاهم حاجه عمر : ايه يابنى الست دى قلبتلك دماغك ولا ايه انا : بصراحه قلبتها اسامه : مين حسين ده يا مهيب اللى انت قلقت اول ما سمعت اسمه ده انا : لا ده واحد معرفه قديمه اسامه : وانت عملت ايه فيه انا : لا ولا حاجه سيبكم من الكلام ده انا قايم ماشى عمر : يابنى فى محاضره كمان ساعه انا : لا مش هقدر احضرها ... سلام وسبتهم ومشيت وطول الطريق بفكر فى كلام جليله ومش عارف اعمل ايه وقعدت فى شقه تانيه من شققى وقفلت كل تليفوناتى بس قبل ماقفلها كلمت فاتن وطمنتها عليا علشان ماتعملش مشاكل فى البلد واخدت 3 ايام حابس نفسى بفكر فى الكلام اللى قالته جليله * من ناحيه تانيه فى الكليه عمر : ياخوانا احنا بقالنا 3 ايام محدش عارف يوصل لمهيب اسماء : اللى مطمنى انه اخر حاجه اتصل بفاتن وقالها انه هيختفى يومين مصطفى : انا حاسس ان الكلام اللى قالته الست اللى اسمها جليله هو اللى قلب حاله كده اسامه : عندك حق يامصطفى مهيب ساعتها اتغير وقام مشى حتى ماكملش محاضرات امانى : ايه ده مهيب داخل من باب الكافتريا كلهم بصوا لقيونى داخل عليهم .. وقعدنا مع بعض اسامه : فينك يابنى مختفى بقالك كام يوم ... انا روحتلك الشقه والبواب بيقول انك نزلت ومارجعتش بعدها انا : معلش بس كنت عاوز اقعد مع نفسى شويه اسماء : خير يا مهيب انت من ساعة الست بتاعة الفنجان دى وانت اختفيت اوعى يكون كلامها على فاتن دايقك انا : انا خايف على فاتن ... خايف تسيبنى .. عارفه لو هتسيبنى وهى مبسوطه انا ماعنديش مانع اهم حاجه سعادتها بس دايما الفراق بيبقى بجرح .. وفاتن مش هتستحمل اى جرح منى .. ولو حصلها حاجه بسببى انا مش هستحمل وممكن اموت نفسى لو هى اتجرحت بسببى اسماء : ياعم ماتقولش كده دى وليه خرفانه انا : لا مش خرفانه .. دى قالت حاجات محدش يعرفها غيرى عمر : ياعم شيل من دماغك واتحسبهاش انا : على رائيك.. يلا مش مهم وعدى كام يوم بعد كده والدنيا تمام كنت بتابع الشغل مع محمد وانشغلت فى الكليه ونسيت الكلام اللى قالته جليله * فى يوم كنت خلصت الجامعه وخرجت انا والشله واقفين قدام بوابة الجامعه عمر : يلا ياشباب نمشى ونتقابل بكره انا : اليوم النهارده كان طويل انا يدوب اروح عاوز انام اسامه : طب يلا بينا اسماء : طب ذاكروا كويس علشان امتحان بكره انا : ماشى ياستى ... يلا سلام وفجاه الدنيا اتقلبت وض*ب النار اشتغل ومحدش عارف الض*ب ده من فين والناس بقيت تجرى فى كل اتجاه وانا اتسمرت مكانى ببص اشوف ض*ب النار ده جاى من اى اتجاه وفجاه شوفت واحد مصوب مسدس ناحيتى وض*ب نار عليا اخدت 3 طلقات ووقعت فى الارض ______________ ياترى ايه هيحصل ده اللى هنعرفه الحلقه الجايه

Free reading for new users

Scan code to download app

App Store Google Play

Facebookexpand_more