الحلقة ال _ 15

3386 Words

#الفتي_الشرير #الحلقة_ال15 __________________ بعد ما اتفقنا على الرحله ودفعنا المصاريف وظبطنا كل حاجه كنت قاعد فى شقتى ومانزلتش الجامعه لان مفيش حاجه مهمه واسامه راح الجامعه والدنيا تمام فجاه تليفونى رن ببص لقيته بواب العماره اللى فيها شقتى التانيه رديت انا : ايه ياعم حسين حسين : تعالى بسرعه يابشمهندس انا : خير ياعم حسين حسين : الشقه عندك الظاهر فى حنفيه بايظه ومسربه وغرقت الشقه وطلعت بره انا اضطريت اقفل محبس المياه عن العماره كلها ياريت تيجى بسرعه انا : حاضر ياعم حسين ربع ساعه واكون عندك وقفلت مع البواب ونزلت بسرعه اخدت العربيه وروحت الشقه التانيه وفتحتها لقيت حنفية الحمام م**وره والمياه مغرقه الشقه انا : ياعم حسين فى سباك قريب هنا حسين : اه فى واحد فى الشارع اللى بعدنا على طول انا : معاك رقمه حسين : ايوه انا : طب اتصل بيه خليه يجى دلوقتى حسين : حاضر يابشمهندس واتصل حسين بالسباك وجيه وصلح الحنفيه البايظه وشيك على كل الحنفيات والمحابس وكان فى كذا حاجه محتاجه تتصلح وظبطها وحاسبته ومشى انا : ياعم حسين عاوز منك خدمه حسين : خير يابشمهندس انا : كنت محتاجك تاخد كل السجاد اللى اتغرق فى الشقه وتوديه مغسله ... وعاوز واحده تيجى تمسح الشقه لانها زى مانت شايف حسين : مايهمكش يابشمهندس انا هاخد السجاد انزله المغسله بعد مايصفى المياه اللى فيه وهنزل دلوقتى ابعتلك مراتى وبنتى يظبطولك الشقه انا : طب بسرعه ياعم حسين وخد ال 200 جنيه دى وهبقى اشوفك تانى وانا نازل حسين : ده كتير قووووى يابشمهندس انا : ولا كتير ولا حاجه حسين : طب انا هدخل السجاد البلكونه علشان يصفى المياه لانى مش هينفع انزل بيه كده وهنزل ابعتلك مراتى انا : طب استنى هدخل معاك السجاد حسين : مايصحش يابيه انا : ايه هو اللى مايصحش ده يلا ياراجل اخلص ودخلنا السجاد البلكونه ونزل بعتلى مراته ومعاها بنته ومراته شكلها ست عاديه زى اغلب ستات الفلاحين والارياف اللى بيخدموا فى البيوت بس جميله جدا لكن باين عليها الفقر والضعف اما بنته كانت قمر بالمعنى الحرفى عيون واسعه ولونها ازرق وطويله بس مش قوى تشبه لحد كبير البنت اللى بتمثل فى مسلسل الاب الروحى اللى اسمها كارولين عزمى سبتلهم الشقه علشان ياخدوا راحتهم وقولت انزل اقعد فى كافيه لحد مايخلصوا وانا نازل لقيت حسين قاعد قدام العماره قولت اقعد معاه بدل ما اقعد فى الكافيه لوحدى حسين : ايه اللى نزلك يابشمهندس محتاج حاجه انا : لا قولت انزل اقعد معاك علشان ا****عه ياخدوا راحتهم فى الشقه ومازعجهمش حسين : تشرف ياباشا انا : بص يا عم حسين انا لا بحب الالقاب والكلام الفاضى ده اعتبرنى زى ابنك وقولى يا مهيب على طول حسين : مايصحش يابيه العين ماتعلاش عن الحاجب انا : ايه الهبل ده ياراجل انت ... احنا كلنا زى بعض ولا انت مش عاوزنى اقعد معاك حسين : لا ازاى تقول كده يابيه انت تنور انا : خلاص يبقى تقولى يا مهيب على طول حسين : ماشى يا مهيب زى ماتحب انا : ايوه كده حسين : فى حاجه كنت عاوز افاتحك فيها انا : خير ياعم حسين محتاج حاجه حسين : لا خيرك مغرقنى ... انا بتكلم عن الشقه انت من يوم ماشتريتها وانت قافلها مابتجيش غير كل فين تباتلك ليله وبعد كده تمشى انا بقول بدل ماهى ماقفوله كده ايه رائيك تاجرها مفروش وتجبلك مبلغ حلو كل شهر انا : ياعم حسين انا الحمد لله معايا فلوس ومش محتاج والشقه دى انا مشتريها علشان لما احب ابعد عن الناس اقعد فيها من غير ماحد يزعجنى حسين : اللى انت شايفه صح اعمله انا : ايه هو انت اشتغلت فى السمسره ولا ايه ياعم حسين حسين : اهو بقلب رزقى احسن العيشه بقيت غاليه والقرشين اللى بيطلعولى من العماره كل شهر مابيكفوش .. انا لولا الكام عربيه اللى بمسحها والشقق اللى بخلى مراتى وبنتى ينضفوها كنت اشحت من زمان انا : ياعم حسين انا زى ابنك لو محتاج قولى حسين : كتر خيرك ياولدى انا : وبعدين بنتك صغيره على الخدمه فى البيوت حسين : اعمل ايه يا بيه انا لو عليا عاوزها تكمل تعليمها هى واخوها بس العين بصيره والايد قصيره انا : هى فى سنه كام هى وابنك حسين : بنتى فى اولى ثانوى والواد فى اولى اعدادى وشكلى كده هطلعهم من المدارس .. اهو الواد يتعلمله صنعه والبنت تشتغل فى كوافير ولا اى حاجه انا : ايه الكلام اللى بتقوله ياراجل ياخرفان ده حسين : اعمل ايه يابيه التعليم عاوز فلوس وانا زى مانت شايف كده ماحلتيش حاجه انا : ماتشيلش هم الفلوس تعليمهم لحد مايخلصوا جامعه عليا انا وبعد مايخلصوا انا كمان هشغلهم بمعرفتى وخد دول 4000 جنيه وهد*ك زيهم كل شهر ولو احتاجوا اى حاجه كلمنى بس اهم حاجه يركزوا فى المذاكره وماتخليش بنتك تخدم فى البيوت تانى خليها بس تركز فى مذاكرتها وبس حسين : دى كتير قوووى يابيه انا : ولا كتير ولا حاجه انا مش قولتلك اعتبرنى زى ابنك يعنى عيالك دول اخواتى وهما ملزومين منى فاهم ولا مش فاهم حسين : ربنا يسترك ياولدى زى ماسترتنى انا : اهى الدعوه دى عندى بالدنيا ... طب اسيبك هروح مشوار وارجع تانى حسين : روح ياولدى ربنا يستر طريقك وسبت حسين وروحت اشتريت هدوم ليه ولمراته واولاده واخترت المقاسات بالشبه واشتريت هدوم وجزم كتير للبنت والواد علشان مايحسوش بحاجه نقصاهم واشتريت تليفونين لعياله * بعد ماسبت حسين طلع جرى على مراته حسين : الحقى ياعزه شوفتى اللى حصل عزه : سيبنى ياحسين انا مش فضيالك خليني اخلص وانزل انا تعبانه ومش قادره حسين : خلاص مفيش تعب تانى من النهارده هترتاحى عزه : ايه اللى حصل ياخويا يكون ورثت حسين : اكتر من كده عزه : ايه حصل حسين : حكى لمراته كل اللى حصل بينى وبينه وبنته كانت واقفه وسامعه كل حاجه وفرحانه عزه : انا مش مصدقه حسين : صدقى وخدى كمان دول 4000 جنيه ادهانى وقالى هيدينى زيهم كل شهر بس اخلى العيال تركز فى مذاكرتها ومايشتغلوش تانى عزه : ربنا يكرمه يارب ... بس هو بيعمل كده ليه حسين : راجل ابن اصول مهنش عليه لما قولتله انى هخرج العيال من المدرسه علشان مش عارف اصرف عليهم عزه : ربنا يستره زى ماسترنا ويحميه لشبابه .. شوف ربك علم بينا ازاى وبعتلنا الخير لحد عندنا حسين : الحمد لله ... بس عاوزك تلمى ايدك شويه فى المصاريف عاوزين نشيل قرشين للزمن محدش برضه ضامن الظروف عزه : حاضر انا هفتح دفتر توفير فى البوسطه واى فلوس هحوشها هحطها فيه حسين : كده احسن برضه .. طب اسيبك وانزل انا سايب البوابه من غير اى حد هناك * بعد حسين مانزل بصت عزه لبنتها زينب عزه : خلاص يابنتى ربنا ف*جها ومش هتسيبى المدرسه زينت : انا كنت زعلانه قوى انى هسيب المدرسه عزه : ربك كان عالم وبعتلنا ابن الحلال اللى فك زنقتنا زينب : بس هو بيعمل كده ليه عزه : ماعرفش يابنتى بس هو باين عليه شاب محترم وابن ناس زينب : عندك حق ياماما .. ده حتى اول مادخلنا الشقه مابصش عليا وسابنا براحتنا فى الشقه علشان مايضايقناش مع ان واحد غيره كان قعد واتف*ج علينا ... ده انا ياما شوفت معاكى فى البيوت لما بطلع اساعدك كل واحد عينه تدب فيها رصاصه من بجاحته وبيستحلى القعده فى الحته اللى احنا شغالين فيها عزه : ربك كان عالم وبعتلنا اللى ينجدنا من الهم ده * نرجع عندى انا بعد ما اشتريت كل حاجه رجعت العماره وكانت الساعه 2 بعد الضهر وكانت مراته وبنته خلصوا الشقه ونزلوا وابنه رجع من المدرسه وحسين بعت السجاد المغسله واول مانزلت من العربيه وطلعت الشنط جرى عليا حسين وشالها وكان هيطلعها شقتى انا : رايح فين ياعم حسين حسين : هطلع الشنط فوق انا : لا ياعم حسين الشنط دى ليكم حسين : لينا ازاى يعنى انا : ممكن طب تدخلنى جوه عندك علشان مش هينفع الوقفه فى الشارع كده حسين : اتفضل ياولدى ودخلنا جوه وكان قاعد مراته وبنته اسمها زينب وابنه اسمه على ومراته اسمها عزه كانوا قاعدين والبيت عباره عن بدروم عباره عن اوضه ومطبخ صغير وحمام صغير الواحد يقف فيه بالعافيه .. اول مادخلت قامت مراته جريت عليا ومسكت ايدى علشان تبوسها انا : شلت ايدى بسرعه .. ايه اللى بتعمليه ده ياست انتى عزه : انا مش عارفه اودى جمايلك فين يابيه انا : ولاجمايل ولاحاجه انا بعتبركم زى اهلى عزه : ربنا يخليك يابيه ويسترك انا : فى واحده كده تقول لولدها يابيه عزه : تسلم ياولدى... ايه الشنط اللى معاك دى ياحسين حسين : دى شنط مهيب ادهالى انا : الشنط دى فيها هدوم ليكم ولزينب وعلى حسين : بس دى هدوم جديده ياولدى انا : يعني عاوزنى اجبلك هدوم مقطعه صحصح كده ياحسين عزه والعيال فتحوا الشنط وشافوا الهدوم وفرحوا اوووى وزينب بالذات حسيت فيها فرحه مش عاديه انا : يازينب انتى وعلى خدوا ده كمان ليكم زينب فتحت الشنطه وشافت تليفونين جداد بكرتونتهم وفرحت جدا هى وعلى وفتحوا التليفونات حسين : ده كتير قووووى يابيه انا : ولا كتير ولاحاجه ... انتوا ازاى عايشين فى البدروم ده حسين : اهو على قد ادينا يابيه انا : بس ده صغير عليكم ... خد ده مفتاح شقه بتاعتى فى اخر الشارع هنا فى عماره 7 فى الدور الثالث الشقه اللى فوش السلم من بكره تاخد عيالك وتعيشوا فيها وهى مفروشه من مجاميعه زى شقتى فوق يعنى تلم هدومكم وتطلع على هناك على طول عزه : ليه ده كله يابيه ده كتير قوووى انا : ولا كتير ولا حاجه المكان ده مش كويس علشانك وعلشان كمان على وزينب يبقى لكل واحد فيهم اوضه ويذاكر كويس انا بقولهم قدامكم كل ماتعملوا اللى عليكم وتذاكروا كويس وتجيبوا درجات عاليه فى المدرسه انا مستعد احققلكم كل اللى انتوا عاوزينه بس اهم حاجه ماتخذولنيش وتخلونى اندم زينب : ماتخافش يابيه احنا هناكل الكتب اكل انا : هو فى بنت بتقول لاخوها يابيه برضه .. انا اسمى مهيب وبس مش عايز اسمع كلمة بيه تانى فاهمين زينب : حاضر يا مهيب انا : كده تمام وانتى وعلى كل شهر ليكم منى مصروف شخصى ليكم علشان لو احتجتوا اى حاجه حسين : ربنا يباركلك يابنى انا : طب اسيبكم انا هطلع فوق شقتى ولو احتجتوا حاجه كلمونى عزه : ربنا يسترك يابنى ويحميك لشبابك ومايحوجك لحد انا : تسلمى يا امى ... يلا اسيبكم وسبتهم وطلعت شقتى وطلبت دليفرى ليا وليهم واتغديت وبعد الغدا عملتلى كوباية شاى وطلعت فى البلكونه وبشرب الشاى والسجاره وانا واقف سرحان كده شفت خالى بيركن عربيته تحت العماره فاستخبيت علشان مايشوفنيش ويعرف ان انا معايا شقه هنا وانا واقف كده مع نفسى قولت ايه اللى جاب خالى ففكرت انه ممكن يكون معاه شغل هنا فى العماره وجاى يعاين ولا حاجه وسرحت شويه وفجأة وقفت عربيه تانيه ونزل منها اتنين ستات ماكانوش يخطروا على بالى نهائى ودخلوا العماره ودول كانوا اميره وانجى امهات ساره ونسمه .. بقى كده هى دى المعاينه اللى انت جاى تعاينها ياخالى .. وبعد ماطلعوا اتصلت بحسين كان قاعد قدام العماره قولتله يطلعلى حسين : خير يا مهيب فى ايه انا : فى واحد دخل العماره من شويه انا اول مره اشوفه هنا مين ده حسين : ده واحد كده اسغفر الله واخد الشقه اللى تحتك على طول بس واخدها لمزاجه وكل يومين يجى ومعاه واحده شمال يقضولهم ساعتين ويمشوا انا : طب والسكان ساكتين عليه ازاى حسين : محدش يقدر يقربله انا : ليه يعنى حسين : اصل الراجل ده صحابه تقال اووى ده فى لواء شرطه احيانا بيجى معاه ويسهر عنده انا : اه قولتلى ... طب فى اتنين ستات دخلوا بعدوا دول ساكنين هنا ولا ايه كمان حسين : لا دول اتنين شمال بيجوله من وقت للتانى وتلاقيهم عنده دلوقتى انا : طب تمام ياعم حسين روح انت دلوقتى * من ناحيه تانيه عند خالى خالى : كويس ان انتوا ماتاخرتوش انجى : هو احنا نقدر نتاخر عليك برضه خالى : طب يلا ادخلوا اجهزوا على ما الف السجارتين بعد ساعتين وقالهم يلا كدا كفايهقوموا بينا نمشى اميره : طب خلينا شويه كمان خالى : يلا اخلصي انتي وهي كفايه كده النهارده انا عاوز امشى اميره : طب هنيجى تانى امتى خالى : استنى يومين علشان معايا شغل مش فاضى اميره : ياخساره نفسى اقضى معاك ليله كامله خالى : صعب الفتره دى خليها شويه قدام اميره : ماشى ياسعد بس فى حاجه عازه اسالك عليها خالى : خير عاوزه ايه اميره : مهيب ابن اختك خالى : ابعدى عن مهيب انتى مش قده وبعدين الواد خاطب وبيحب خطيبته اميره : بصراحه عاجبنى اووووى فى الكام مره اللى شوفته فيهم لقيته تقيل وراكز ع** سنه شكل الواد طالعلك وانا نفسى فيه خالى : اتلمى وابعدى عن مهيب .. مهيب مش ساهل وصعب عليكى اميره : يعنى هيكون اصعب منك خالى : اصعب منى بكتير ... انتى معايا علشان مزاجى جابنى ليكى وانا بحب التغيير ... لكن مهيب ماتعرفيلهوش مزاج عمرى ماشوفته بيحب حاجه او قال انه عاوز حاجه .. البنت الوحيده اللى حبها بجد هى خطيبته اميره : انا عارفه الكلام ده كويس ... بس اعذرنى مفيش شاب فى سنه مابيعطش وخصوصا انه عايش فى شقه لوحده والفلوس معاه كتير زى ما انا شايفه خالى : اه هو عايش وحده ومعاه فلوس بس بيحب خطيبته ومش ممكن ي**نها ابدا .. وبعدين انا بسال عليه البواب بتاع عمارته بيقول انه من يوم ماسكن مفيش اى واحده طلعت عنده اميره : ممكن يكون البواب بيكدب عليك خالى : لا مابيكدبش انا متاكد من المعلومه دى وبعدين مهيب مش محتاج يظبط البواب علشان يشتغلنى مهيب لو عاوز يعمل حاجه هيعمله ومش هيعمل حساب لحد ده ابن اختى وانا عارفه كويس اميره : طب سبنى احاول معاه خالى : اهو عندك اتصرفى معاه بس بعيد عنى اميره : طب هات رقم موبايله خالى : خدى رقمه ▪︎▪︎▪︎▪︎▪︎▪︎▪︎▪︎▪︎▪︎▪︎ وطمنينى بالاخبار اميره : كده تمام خالى : طب اسبقونى وانزلول وانا هلم الدنيا هنا وهنزل بعدكم اميره : طب سلام ونتقابل بعد ماتخلص شغلك ومشيت اميره وانجى وقعد خالى فى الشقه لم الدنيا ونزل * نرجع عندى انا كنت قاعد فى البلكونه وشوفت انجى واميره خارجين وبعدهم بشويه خالى خرج فطلعت تليفونى واتصلت بيه خالى : ازيك يا مهيب انا : ازيك ياخال ... فينك خالى : معايا شغل بره انا : طب بص فوقيك فى بلكونة الدور التالت خالى : ايه اللى جابك هنا انا : انا برضه ايه اللى جابنى هنا ... اطلع اطلع شكل اليوم طويل خالى : جايلك طلع خالى وفتحتله ودخل خالى : ايه الشقه دى انا : دى شقه كده بحب اقعد فيا لما ابعد عن الناس خالى : طب تمام انا : انت ايه اللى جابك هنا خالى : لا فى شقه هنا فيها شغل بس جيت اعاينها انا : واميره وانجى كانوا بيعاينوا معاك ولا ايه خالى : هو انت هنا من بدرى انا : انا هنا من الصبح خالى : طب لم نفسك انا : مالقيتش غير الاتنين دول خالى : ايه مالهم انا : ابدا يبقوا صحاب مراتك وبناتهم صحاب بنتك .. يعنى لو الموضوع اتفضح هتبقى مصيبه مش هنعرف نلمها خالى : لا ماتخافش انا بعرف ادارى كويس انا : انا خايف عليك لحد يشوفك صدفه زى مانا شوفتك خالى : ياعم سيبك ... بس انت ايه حكاية الشقه دى انا : عادى لما بقفل من الناس بحب اجى اريح دماغى خالى : وايه اللى جابك فيها فى حد مدايقك انا : لا بس السباكه كان فيها مشكله والشقه غرقت والبواب كلمنى جيت علشان اشوفها خالى : من حظى الاسود انا : ههههه مايهمكش انا برضه ستر وغطا عليك خالى : وياترى عندك شقق تانى غير الشقه دى انا : اه عندى اربع شقق غير دى خالى : ليه ده كله انا : عادى الشقق مابتخسرش خالى : مابتخسرش ولا علشان تعط براحتك انا : ياخالى انا لو عاوز اعط اقدر اعط فى شقتى من غير ماحد يقدر يمنعنى وانت عارف كده كويس بس اللى مانعنى حبى لفاتن خالى : يعنى واحد فى سنك وعايش وحده والبنات ماليه الدنيا حواليه وعاوز تقنعنى ان مافيش عطايه كدا ولا كدا انا : انا ولاعاوز اقنعك ولا تقنعنى بس هى دى الحقيقه انا مركز فى كليتى وشغلى خالى : فين شغلك ده انا : انا شغلى محدش يقدر يحس بيه ولا يشوفه غيرى خالى : هو احنا مش هنخلص من الغازك ... انا نفسى اعرف بتقدر تعمل كل حاجه كدا ازاى .. يعنى رجعك الارض وطلعت نفسك من قضية م**رات ودفعت اللى عمل فيك التمن والدكتور عندك فى الجامعه بعد ماكان عاوز يرفدك رجع يبوس ايدك فى يومين اتنين .. انت بتعمل كل ده ازاى وامتى انا : ده سر المهنه خالى : ماشى يا مهيب انا : عاوزك تخف عط شويه مش عاوزين مشاكل خالى : حاضر ياسيدى ... بس بمناسبة العط اميره هتموت عليك انا : يبقى هتموت قبل ماتوصلى خالى : للدرجه دى انا : ياخالى اميره دى ****** كبيره هى وانجى وانا اعرفهم من زمان واعرف حاجات كتير عنهم ومش من دلوقتى لا من ساعة ماكانوا عندنا فى خطوبة اخويا وبنتك خالى : ازاى يعنى انا : الاتنين كانوا علي علاقة ب اتنين اصحابى فى الغردقه منهم واحد بيشتغل فى الفندق اللى بنصيف فيه هناك والاتنين كانوا معزومين فى الخطوبه واول ماشافوهم قالولى عنهم خالى : علشان كده فى الحفله فجأه الاتنين وشهم قلب انا : اه اول ماشفوهم واقفين معايا اترعبوا ووشهم اتغير وانا لما لقيت كده سالت العيال ايه فيه قالولى على اللى حصل خالى : بقى كده انا يا ****** بتستكردونى انا : يعنى ياخالى هما كانوا عندك بيعملوا حلقة ذكر مانتوا قالبينها مليطه خالى : على رائيك... يعنى انت عارف كل ده وساكت انا : انا كده احب اعرف واسكت خالى : وياترى تعرف ايه تانى انا : انا اعرف كتير ... بس الشطاره انك تعرف ومايبانش عليك انك عارف حاجه خالى : ايه دماغك السم دى انا : ايه ياخال هتحسدنى ولا ايه ده انا ماحلتيش غير دماغى خالى : طب هتعمل ايه مع اميره انا : ولا حاجه سيبها زى ماهى ولا هتعرف تاخد معايا حق ولا باطل ... انا هقولك على حاجه مهمه انا عمرى ماهعمل حاجه زى دى مع اى واحده مهما كانت مين لسببين ... السبب الاول حبى لفاتن وانى عمرى ما هخونها ولا هجرحها فى يوم من الايام ولو على رقبتى ... اما السبب التانى انى عمرى ما هسلم نفسى لاى واحده ولا هسمح ابدا ان حد يمسك عليا غلطه او اسيب نقطة ضعف ورايا غيرى يستغلها فى يوم من الايام لازم دايما ابقى رافع راسى ومفيش فى دماغى اى بطحه تأثر فيا .. فهمتنى ياخالى خالى : خالك ايه ده انت اللى خالى مش عارف ليه لما بتكلم معاك بحس انى قاعد مع راجل كبير مش شاب عنده 19 سنه اللى فى سنك كلهم تفكيرهم مابين واحده يمشى معاها او فسحه حلوه او سفريه لكن انت عمرك ما اهتميت بالحاجات دى بس فى الاول كنت بقول انك علشان مش معاك فلوس فعايش على قد حالك لكن بعد مابقى معاك فلوس لقيتك بتقرطها على نفسك اكتر ومش عايش سنك انا : اللى انت بتتكلم عنهم دول الناس العاديين اللى بيعيشوا ويموتوا من غير ماحد يعرفهم ولا يفتكرهم لكن انا قررت ان ابقى انسان مش عادى لازم اسم مهيب صقر يكبر ويكبر ويفضل عايش حتى بعد ما اموت انا واحفادى لازم اسمى يعيش ويكمل لسنين طويله مالهاش اخر ... وبعدين مين قالك انى مقرطها على نفسى بالع** انا باكل احسن اكل وبلبس اغلى لبس وراكب احسن عربيه وبتفسح واعمل كل اللى نفسى فيه بس كل حاجه بال*قل الواحد لو عاش علشان شهوته ويبقى كل همه الاكل والستات يبقى لامؤاخذه حيوان والحيوان اخره بيتدبح علشان يتاكل او يعيش علشان يستخدموه لكن لما مبيبقلهوش لازمه بيتقتل عشان بيبقى خساره فيه الاكل اللى بياكله خالى : ايه يابنى ده كله انا : والله دى نظريتى وكل واحد حر فى حياته يعشها زى مايحب خالى : طب انا عاوز اسالك سؤال وتجاوبنى بصراحه انا : اسال ولو هقدر اجاوب عليه هجاوبك خالى : انت **بت اكتر من 10 مليون دولار فى موضوع الاثار انا : انا هجاوبك ياخالى ال 10 مليون دول شويه فكه مالهاش لازمه بالنسبه للى **بته ومحدش يعرف انا **بت كام ولا حتى محمد شخصيا يعرف .. ومفيش حد هيعرف يوصل للفلوس غيرى طالما انا عايش لكن لو حصلى حاجه هتظهرلكم وحدها خالى : انا قولت كده برضه ... بس هتظهر ازاى يعنى انا : لا دى لعبتى انا وليا طريقتى خالى : انا عارف انى مش هطلع منك بحق ولا باطل يلا اسيبك وامشى انا : رايح فين خليك قاعد معايا خالى : لا رايح معاينة شقه وبعدين هروح البيت انا : معاينه برضه خالى : لا المره دى معاينه بجد انا : طب كنت عازك تعاين الشقه دى لانى عاوز اغير د*كوراتها خالى : ليه كده ماهى كويسه انا : كويسه فين دى السباكه هنا خربانه وجبت الراجل النهارده غير شوية حاجات فيها ... وانا من اول ما اشتريتها وانا ناوى اغير د*كوراتها بس كنت م**ل منها لكن طالما انت هنا يبقى عاينها بالمره وهسيبلك مفتاحها علشان تشتغل فيها براحتك خالى : طب تمام وقام خالى عاين الشقه واتفقنا هنعمل ايه فيها وبعد كده مشى وانا كمان نمت فى الشقه وتانى يوم رجعت شقتى التانيه بس قبل مارجع اطمنت ان حسين وعيتله راحوا الشقه اللى ادتهالهم _________________ ##################

Free reading for new users

Scan code to download app

App Store Google Play

Facebookexpand_more