الفتي الشرير

الحلقة ال _ 14

#الفتي_الشرير

#الحلقة_ال14

_______________

وقفنا الحلقة اللى فاتت على المشكله اللى حصلت فى الجامعه وانا اختفيت وا****عه حاولو يوصلولى ومعرفوش وكلموا البواب وقالهم انى رجعت الشقه ومشيت تانى بعد ماسبت نسخة المفتاح لاسامه

عمر : خير يا اسماء

اسماء : مهيب رجع الشقه وادى نسخة المفتاح للبواب علشان اسامه واخد عربيته ومشى

اسامه : يعنى ايه الكلام ده

اسماء : يعني مهيب اختفى ... واختفاء مهيب ده بيدل على ان مهيب بيرتب لمصيبه وانا خايفه عليه

امانى : تلاقيه هيختفى يومين ويفكر هيرجع الجامعه ازاى يعنى كبيره هيروح يتاسف للدكتور علشان يلم الموضوع

اسماء : يبقى ماتعرفيش مهيب .... مهيب الموت اهونله من انه يعتذر ... ثم انتوا ماسمعتوش لما قال للدكتور الرد هيوصلك اسرع مما تتصور ... مهيب هيعمل مصيبه

عمر : طب نروح لخاله مش هو ساكن هنا يمكن يعرف يوصله ويحل المشكله

اسماء : فكره يلا بينا نروحله البيت

عمر : انتى معاكى رقمه

اسماء : لا بس عارفه البيت ومعايا رقم هدير بنت خالته وعايشه عنده

عمر : طب اتصلى بيها

اتصلت اسماء بهدير وفتحت الاسبيكر

اسماء : انت فين ياهدير

هدير : انا فى الجامعه ليه

اسماء : خالك فين

هدير : ليه فى ايه

اسماء : مهيب اتخانق مع دكتور فى الجامعه و مهيب من بعدها اختفى ومش عارفين نوصله وقبل مايمشى هدد الدكتور وانا خايفه ليعمل حاجه يضيع بيها نفسه علشان كده قولنا نكلم خالك يمكن يلحق يتصرف

هدير : يادى المصيبه مهيب مش هيبطل البلاوى اللى بيعملها دى ... طب هو اتخانق ليه مع الدكتور

اسماء : مش وقته الكلام ده خالك فين

هدير : مش عارفه .... ادينى دقيقتين هتصل بيه واكلمك تانى

وقفلت اسماء مع هدير وفجاه دخل عليهم مصطفى وابراهيم وبسنت

مصطفى : ايه اللى احنا سمعناه ده

عمر : سمعتوا ايه

ابراهيم : سمعنا ان مهيب ض*ب الدكتور خالد

عمر : ايوه حصل

ابراهيم : طب مهيب فين

عمر : مش عارفين من بعد اللى حصل و مهيب اختفى

بسنت : طب حد يروحله الشقه يمكن هناك

اسامه : اتصلنا بالبواب قالنا انه سابلى نسخه من مفتاح الشقه ومشى

ابراهيم : طب والحل ايه دلوقتى

عمر : اتصلنا ببنت خالته علشان نروح لخاله يمكن يعرف يعمل حاجه

مصطفى : طب وقالتلكم ايه

عمر : قالت انها فى الجامعه بس هتتصل بخالها وتبلغه

وهما قاعدين مستنيين يشوفوا ايه هيحصل تليفون اسماء رن

اسماء : ده رقم غريب

امانى : طب ردى ليكون مهيب

اسماء : حاضر ... الووووو مين معايا

المتصل : انا سعد خال مهيب يا اسماء

اسماء : ازيك يا انكل

خالى : ايه اللى حصل

اسماء : مهيب اتخانق مع الدكتور وحصلت مشكله كبيره

خالى : طب ايه السبب

اسماء : حكت مجمل الموضوع لخالى

خالى : طب استنونى عندك وانا ربع ساعه واكون عندك

قفلت اسماء مع خالى

عمر : قالك ايه

اسماء : قال استنونى هو جاى فى الطريق

اسامه : طب كويس خاله اكيد هيعرف يتصرف

وبعد نص ساعه خالى جيه وفهم الموضوع كويس وراح لمكتب العميد وقعد معاه ساعه وخرج وا****عه كانوا مستنين خالى من بره

اسماء : خير ياعمو عملت ايه

خالى : الدكتور رافض اى ترضيه وحالف انه يرفد مهيب

عمر : طب والحل

خالى : ماتقلقوش حبايبنا كتير ولو وصلت هنروح للوزير

بس اهم حاجه نوصل ل مهيب قبل مايعمل حاجه تعقد الموضوع

اسامه : طب هنوصله ازاى

خالى : هى دى المصيبه ... مهيب قافل تليفونه وعلى كلام البواب انه ساب نسخه المفتاح لاسامه ومشى ... معنى كده انه هيعمل مصيبه ده اذا مكانش بيعملها دلوقتى ... انا فاكر من سنه حصل موقف مشابه فى البلد ساعتها مهيب عيش البلد فى رعب

عمر : عمل ايه يعني

خالى : مش وقت الكلام ده دلوقتى .. تعالوا معايا الشقه وانا هكلم ابوه يمكن يعرف يعمل حاجه ونستنى الساعات الجايه هيحصل ايه

واخد خالى معاه عمر واسامه ومصطفى وابراهيم واسماء وامانى لكن بسنت ووسام استاذنوا علشان اتاخروا على البيت

وفى الطريق خالى اتصل بابويا وحكاله الموقف وابويا كان عاوز يجى بس خالى قاله مالهاش لازمه وهو هيتصرف وقعدوا عند خالى شويه وكانت فاتن عرفت واتصلت بخالى وخربت الدنيا

خالى : اهدى يافاتن شويه وانا هتصرف

فاتن : اهدى ايه ياعمى انت مش عارف ابن اختك ولا ايه

خالى : المصيبه انى عارفه وانا خايف عليه زيك وكلمت لواء صاحبى هيدور عليه فى الفنادق وكل حته وهنحاول نلحقه قبل مايتهور

فاتن : ارجوك ياعمى طمنى اول باول باللى بيحصل وعلى العموم انا مستنيه محمد يجى من المكتب وهاجى انا وهو فى طيارة بالليل

خالى : مالوش لازمه تيجو دلوقتى

فاتن : مش هرتاح وانا هنا لازم اكون عندك انا خلاص كلمت محمد وهو جاى فى الطريق

خالى : طب كلمونى اول ماتركبو الطياره علشان اخدكم من المطار

فاتن : مالهاش لازمه ياعمى محمد عارف الطريق وهنجيلك على الشقه على طول

وقفل خالى مع فاتن

اسماء : قالتلك ايه

خالى : قالت انها هتيجى فى طيارة بالليل هى واخوها

امانى : طب وهى هتعمل ايه لما هتيجى

خالى : لا دى بالذات تعمل كتير

امانى : ازاى يعنى

خالى : دى الوحيده اللى مهيب مايقدرش يرفضلها طلب مهما حصل ... مهيب ممكن يعصانى انا وابوه وامه والعيله كلها لكن فاتن مايقدرش يرفضلها اى طلب مهما كان

امانى : للدرجه دى

خالى : امال انتوا فاكرين مهيب قفل تليفونه ليه ... علشان هى ماتوصلش ليه

امانى : للدرجه دى مهيب بيحبها

خالى : مهيب عدى مرحلة الحب لفاتن ... مهيب بيعشقها

عمر : طب يلا بينا احنا نمشى ولو حد عرف يوصل ل مهيب يبلغ الباقى

اسماء : ماشى يلا بينا

وقاموا مشيوا وهما عند مدخل العماره قابلو هدير نازله من عربيتها واسماء راحتلها

هدير : ايه حصل يا اسماء

اسماء : اطلعى فوق وخالك هيفهمك

هدير : شكلها مشكله كبيره ... فاتن كلمتنى وخاربه الدنيا

اسماء : ايوه هى جايه النهارده بالليل هى واخوها

هدير : طب كويس طالما محمد جاى اكيد هيتصرف هو كان عايش هنا وليه اصحابه وهيعرف يوصل لحاجه

اسماء : على العموم انا هرجع الشقه ولو وصلتو لحاجه كلمونى

هدير : حاضر يا اسماء .... وسابتهم وطلعت الشقه

وبعد ماطلعت

عمر : مين دى يا اسماء

اسماء : دى هدير بنت خالة مهيب

عمر : انا ماشوفتهاش قبل كده

اسماء : علشان مش معانا فى الجامعه

عمر : امال فين

اسماء : فى كلية طب فى الجامعه الامريكيه

عمر : علشان كده ... بس ايه شكلها جميله جدا

اسماء : حاسب عندك دى مخطوبه وبتحب خطيبها جدا

عمر : مخطوبه لمين

اسماء : مخطوبه لاخو فاتن خطيبة مهيب

عمر : طب كويس انك قولتيلى

* عدى يومين ومحدش عارف يوصلى خالص والجامعه كلها مقلوبه ومحمد وخالى مش عارفين يعملو ايه كلموا كل اللى يقدروا عليه ومحدش فايدهم بحاجه

يوم الاربع الصبح فى المحاضره وكل الطلبه موجوده دخل الدكتور خالد والرعب ماليه

الدكتور : مهيب فين ياعمر

عمر : مش عارف يادكتور بقاله كام يوم مختفى ومحدش عارف يوصله

الدكتور : ارجوكم بلغوه ان انا سحبت الشكوه ومش عاوز منه حاجه بس يسبنى فى حالى ولو عاوزنى اسيب الجامعه انا مستعد بس يرحمنى

( الطلبه كلها مندهشه )

اسامه : يادكتور صدقنا احنا بقالنا يومين قالبين عليه الدنيا

الدكتور : طب حد يعرف عنوانه

اسامه : انا قاعد معاه فى الشقه ومارجعش من بعد اللى حصل

الدكتور : طب حد يعرف طريق خاله .... هو جالى وكان عاوز يحل الموضوع

اسامه : ايوه رقمه مع اسماء

الدكتور : ابوس ايدك ادينى رقمه

اسماء : اتفضل يادكتور الرقم

واخد رقم خالى وخرج بسرعه واتصل بيه

الدكتور : باشمهندس سعد معايا

خالى : ايوه مين حضرتك

الدكتور : انا الدكتور خالد بتاع المشكله

خالى : خير يادكتور

الدكتور : ابوس ايدك خلى مهيب يسامحنى ويبعد عنى واللى هو عاوزه هنفذه حتى لو عاوزنى اسيب الكليه بس هو يسامحنى

خالى : ايه اللى حصل يادكتور

الدكتور : مش مهم اللى حصل بس ابوس ايدك خلى مهيب يسامحنى

خالى : ماتخافش يادكتور انا هتصرف

* نرجع للكليه بعد المحاضره اتجمع اسماء وامانى ووسام وبسنت وعمر ومصطفى وابراهيم واسامه فى الكافتريا

عمر : ايه اللى حصل

اسامه : انا مش فاهم حاجه ... امبارح بس الدكتور كان فارد عضلاته وبيقول انه هيفصل مهيب والنهارده يجى بالشكل ده

مصطفى : مهيب عمل ايه

امانى : هو حد فينا عارف يوصله لما هنعرف هو عمل ايه

ابراهيم : لازم نوصله

اسماء : خلاص مهيب عمل اللى هو عاوزه وكده هيظهر لوحده

عمر : انتى عارفه حاجه

اسماء : انا ماعرفش حاجه بس ببساطه مهيب خلاص عمل اللى محتاجه يبقى اختفاءه مالهوش لازمه

امانى : انتى و مهيب اصحاب من وانتوا صغيريين اكيد عارفاه كويس

اسماء : انا اعرف مهيب من واحنا صغيرين كان انسان طيب جدا وحنين جدا عمره ماشاف حد فى ضيقه الا ووقف جمبه على طول بيهزر ويضحك لكن اكتر حاجه مايستحملهاش ان حد يهينه او يهين اهله ساعتها بيتحول زى ما انتو شايفين وعلى فكره مهيب كان بيتصرف بال*قل فى كل مشكله بتواجهه لكن التصرفات دى جديده عليه لحد ماحصله مشكله من اكتر من سنه حولته بالطريقه الفظيعه فى رد فعله دى

عمر : ايه حصل

اسماء : مهيب قبل مايخطب بنت عمه كان تخين جدا وشكله مش حلو زى دلوقتى وكان كل مايحس بحب ناحيه واحده كان يروح يقولها وكان الرد دايما انت زى اخويا طبعا بسبب شكله لحد ماجات الض*به القاضيه وحب واحده وراحلها وهى مش بس رفضته لا دى اهانته علشان شكله ساعتها مهيب اكتئب وقفل على نفسه لولا ابن عمه اخده وحبسه عنده فى البيت وعمله معسكر تدريب فى خلال شهرين بقى زى ما انتو شايفين كدا

امانى : وبعدين ايه حصل

اسماء : رجعلنا بشكله الجديد والبنت دى اول ماشافته كانت هتتشل

بسنت : و مهيب عملها ايه

اسماء : ماعملهاش حاجه لانه بعدها بمده بسيطه كان خطب بنت عمه وهى لما حاولت ترجعله هزئها وقالها احسنلك تبعدى عنى علشان ماتندميش

بسنت : بس كده

اسماء : ما انا بعد ماسالته كان ممكن تعمل اكتر ... قالى انا ماتعودتش اتعرض لواحده وهى باللى عملته فادتنى ماضرتنيش

عمر : بس ده مش سبب كافى انه يحوله بالطريقه دى

اسماء : اصل بعدها بكام شهر يوم خطوبة مهيب اتقبض عليه فى الفرح

اسامه : ليه

اسماء : واحد ابن حرام حطله م**رات فى بيته علشان يتحبس

امانى : وايه اللى حصل بعد كده

اسماء : خرج تانى يوم لانه كان حاطط كاميرات فى البيت بس للاسف محدش عرف مين اللى حط الحاجه لانه كان مغطى وشه ومن بعدها مهيب مش بيثق فى حد

بسنت : فى حاجه مش فاهماها ... ازاى مهيب كان بيحب بنت عمه وحاول يرتبط بغيرها

اسماء : لانه كان فاكرها بتحبه زى اخوها ... و مهيب وابن عمه اكتر من اخوات وكان شايف انه مجرد التفكير فى بنت عمه كده يعتبر خيانه فكان بيحاول يتجنبها

بسنت : اه علشان كده .... بس ايه رائيك فى ابن عمه واد مز اووووى بس ياخساره خاطب

اسماء : لا ابعدى عنه ده خشن جدا ومالوش فى المياعه وبيعشق خطيبته دى هدير بتحكيلى عنه مصايب

بسنت : بس باين عليه بيحب مهيب جدا انت ماشوفتيش مجرد ماسمع اللى حصل جيه وقتى هو واخته ومن ساعة ماجيه وهو قالب الدنيا

اسماء : طبعا ... مهيب ومحمد بالرغم من فرق السن بينهم لكن هما صحاب جدا ومالهمش غير بعض ومحدش بيعرف يدخل بينهم ابدا

عمر : والله علاقه حلوه ع** علاقتى مع اولاد عمى

اسامه : المهم مهيب هيظهر امتى

اسماء : النهارده او بكره بالكتير

وسام : ايه الثقه دى كلها

اسماء : بقولك عشره اكتر من 12 سنه

وهما قاعدين مع بعض فاتن اتصلت با اسماء

اسماء : اهو فاتن اتصلت يبقى فى اخبار ... ايوا يافاتن

فاتن : ايه اللى حصل يا اسماء

اسماء : انا قولت انت اللى عندك الاخبار

فاتن : الدكتور اتصل بعمى سعد وسنه وكان هيعيط هو مهيب عمل ايه

اسماء : محدش فينا عارف مهيب عمل ايه والدكتور جيه الجامعه ومنهار على الاخر ومحدش فاهم حاجه

فاتن : طب والحل

اسماء : يعنى انتى مش عارفه ابن عمك خلاص اختفى وعمل اللى عمله واكيد هيظهر اذا ماكانش النهارده يبقى بكره بالكتير

فاتن : عندك حق ... طب لو وصلتى لحاجه كلمينى

اسماء : حاضر

قفلت اسماء مع فاتن وبعد كده قعدوا شويه وقاموا علشان المحاضره هتبدا وبعد مالدكتور دخل والمحاضره بدات

امانى : الحق ياعمر مهيب على الباب اهو

( كل المحاضره بصت على الباب )

انا : بعد اظنك يا دكتور ممكن ادخل

الدكتوره : اتفضل يا مهيب وماتتاخرش تانى

( والدكتوره دى من رابع المتسحيلات حد يدخل بعدها )

دخلت المدرج فى وسط دهشه من الطلبه وقعدت فى الصف الاخير على غير العاده وكنت قاعد وحدى فى الصف وطول المحاضره العيال بتبص عليا والدكتوره دى كانت كل محاضره توقفنى علشان تسالنى المره دى بتتجنبنى وكانها مش شايفانى وبعد المحاضره ماخلصت كان فى ساعتين فاصل قبل المحاضره الاخيره خرجت قعدت فى الكافتريا وكلهم ورايا

عمر : انت عملت ايه فى الدكتور خالد

انا : عادى عرفته غلطه

اسامه : ازاى ده مرعوب وسنه وكان هيعملها على روحه

انا : اللى يغلط لازم يستحمل نتيجة غلطه

امانى : ايوه يعنى انت عملتله ايه

انا : لا ده سر المهنه دى لعبتى انا

بسنت : احنا عاوزين نعرف عملت ايه

انا : ماتحاوليش لانك لو عشتى عمرك كله تحاولى مش هتوصلى واقفلوا على الموضوع ده هو غلط ودفع التمن وخلاص خلصنا

اسماء : انت هتفضل طول عمرك كده مش ناوى تتغير

انا : بلاش انتى بالذات تقولى الكلام ده

اسماء : ليه يعنى

انا : لانك اكتر واحده عارفانى وعارفه انا كنت ازاى بس الناس لما كنت حنين استضعف*نى وكنت هروح فى داهيه بدل المره عشره لكن لما اورى الوش الوحش كله بيخاف وادى انتى شوفتى بنفسك الدكتوره ناهد اللى مش بتسمح لحد ماهما كان يدخل بعدها دخلتنى وبدل ماكانت كل شويه تسالنى عملت نفسها مش شايفانى

امانى : ايوه صحيح ازاى دخلتك بسهوله دى مابتسمحش لاى حد يدخل بعدها مهما كان

انا : كله بيخاف من العين الحمره واكيد كله شاف اللى حصل من الدكتور خالد وشافوه النهارده وهو الخوف ماليه اكيد كل الجامعه مالهاش سيره غير الموضوع ده ومفيش حد يحب يبقى مكانوا ومن النهارده هتلاقى تعامل تانى خالص فى الكليه

اسماء : طب استلقى وعدك من فاتن

انا : مالها فاتن

اسماء : قالبه الدنيا عليك

انا : مش مشكله هتصل بيها واصالحها

اسماء : تتصل ايه دى هنا عند خالك

انا : انتى بتقولى ايه

اسماء : زى مابقولك فاتن عند خالك

انا : جت امت

اسماء: جت فى نفس يوم المشكله هى واخوها

انا : ومين اللى قالها

اسماء : احنا كلمنا خالك علشان يلحق يحل المشكله قبل ماتوسع لان الدكتور كان حالف يفصلك

انا : مهما حصل ماكانش لازم تكبروا الموضوع كده .. دلوقتى اكيد الدنيا مقلوبه عليا هنا وفى البلد .... انا ماشى

اسماء : هتعمل ايه

انا : رايح اهدى الدنيا اللى والعه

وسبتهم ومشيت روحت شقة خالى وكان كلهم موجودين

خالى : ايه اللى انت عملته ده

انا : كلب وغلط وكان لازم يتربى

خالى : وبعدين يا مهيب معاك انت كل شويه بمشاكلك مش ناوى تهدى

انا : اسمعنى كويس ياخالى انا قدرى فى اى مكان اروحه الاقى مشاكل وعلشان كده قررت اعيش لوحدى علشان مادخلش حد فى مشاكلى لانى بحلها وحدى فا ارجوك لو حد جالك يشتكى منى قوله انك مش مسئول عنى

خالى : يابنى انا خايف عليك

انا : ماتخافش عليا انا بعرف اخد حقى كويس وحقى مابيباتش بره

خالى : طب انت كنت فين اليومين اللى فاتوا دول

انا : كنت فى شقتى التانيه

خالى : انت معاك شقه تانى

انا : اكيد طبعا علشان لما احب ابعد عن الناس اعرف ابعد

خالى : فين الشقه دى

انا : اعذرنى ياخالى مش هقدر اقولك

وفجاه دخلت علينا فاتن

فاتن : تقدر تقولى ايه اللى انت عملته ده

انا : لو سمحت ياخالى انت ومحمد ممكن تسيبونا لوحدنا شويه

قام خالى ومحمد وسابونى انا وفاتن

انا : تقدرى تقوليلى ايه اللى جابك انتى هنا

فاتن : جيت اطمن عليك

انا : ومين اداكى الاذن انك تيجى هنا

فاتن : انا استاذنت من ابويا ومحمد اخويا معايا

انا : طب وفين اذنى انا ولا ماليش لازمه

فاتن : انا اسفه سامحنى ماقصدش والله

انا : اخر مره تخرجى من غير اذنى ... مش معنى انى بحبك وما قدرش ازعلك يبقى تخرجى وتسافرى من غير اذنى حتى لو مع اخوكى فاهمانى

فاتن : انا اسفه مش هتتكرر تانى اوعدك

انا : خلاص هسامحك المره دى بس ياريت ماتتكررش

فاتن : خلاص اخر مره ... بس ممكن تقولى ايه اللى انت عملته ده

انا : واحد اهاننى ماينفعش اسكتله كان لازم يشوف العين الحمرا

فاتن : بس ده الدكتور بتاعك

انا : ده مايديهوش الحق ... ثم انى عملت كده كارت ارهاب للكل طلبه ودكاتره علشان محدش يتجراء عليا والا النهايه مش هتبقى حلوه

فاتن : ابوس ايدك ماتقلقنيش عليك

انا : انا كل اللى بعمله ده علشان محدش يتجراء عليا ولا عليكى ولا عيالنا بعدين لازم كل الناس تعرف ان ليكم ضهر

فاتن : اعمل اللى يريحك بس انا مش عاوزه اعيش قلقانه عليك

انا : طب انا قايم ماشى

فاتن : رايح فين

انا : معايا محاضره بعد نص ساعه

فاتن : طب انا ليا طلب عندك

انا : قولتلك 100 مره انتى تؤمرى على طول من غير استاذان

فاتن : ممكن اروح معاك الجامعه

انا : قومى اجهزى بس فى 10 دقايق

فاتن : اقل من كده

ونزلت انا وفاتن روحنا الجامعه ولقينا العيال لسه فى الكافتريا

اسماء قامت سلمت على فاتن وعرفتها على الباقى

انا : ليه قاعدين لحد دلوقتى مش فى محاضره دلوقتى

عمر : المحاضره اتلغت علشان الدكتور تعب شويه

انا : طب تمام ... ايه يافاتن مش يلا بينا نمشى

فاتن : ممكن نطلع نتغدى بره

انا : طب عاوزه تاكلى ايه

فاتن : عاوزه بيتزا

انا : ماشى ياستى زى ماتحبى ... طب سلام يجماعه ونتقابل بكره

واخدت فاتن ومشينا

بسنت : يا خوانا هى صحيح البنت دى خطيبة مهيب

اسامه : مش هو قال خطيبته

اسماء : وفيها ايه يعنى

بسنت : البنت حلوه قوووووى

امانى : عندك حق البنت تحسيها مش مصريه

اسماء : ههههههه كل اللى شافها قال كده

امانى : ليه حق خاله لما قال مهيب بيعشقها ومايقدرش ي**رلها كلمه

اسماء : على قد مابيحبها ومش بي**ر كلامها على قد ما مربيلها الرعب ... كفايه انه يبصلها بصه واحده تموت فى جلدها

وسام : احنا كلنا اتخدعنا فى مهيب

عمر : ازاى يعنى

وسام : احنا نعرف مهيب بقالنا شهر وطول الشهر ده شايفينه مهيب الطيب اللى بيهزر ويضحك لكن اليومين اللى فاتوا شوفنا منه وش تانى خالص ... ولما قالنا انه خاطب بنت عمه كلنا قولنا تلاقيه مغصوب عليها وممكن ماتكونش حلوه بس انهارده اكتشفنا الع** اكتشفنا ان الاتنين بيحبوا بعض والبنت زى ما انتوا شايفين لو قلنا عليها قمر يبقى بنشتمها لانى بصراحه ماشوفتش فى حلاوتها

ابراهيم : هى بصراحه تدى اى بنت بالجزمه

اسماء : لا هنا وحاسب مهيب مش بيستحمل حد يبصلها وبيغير عليها جدا انتو شوفتوا عمل ايه مع الدكتور خالد علشانى مابالكم بخطيبته اللى بيحبها ده اللى يتعرضلها ممكن يدفنه صاحى

عمر : عندك حق مهيب على قد ماهو طيب على قد ماهو غيار

* نرجع عندى انا وفاتن فى المطعم

فاتن : مش ناوى تهدى يا مهيب

انا : مابقاش مهيب لو هديت

فاتن : طول عمرك بتدور على المشاكل فين وتروحلها

انا : تفتكرى لو كنت هادى وفى حالى كنتى هتحبينى

فاتن : بصراحه لا .. اكتر حاجه بحبها فيك انك مختلف عن اى حد وبتجرى ترمى نفسك فى المشاكل مش جبان

انا : شوفتى اهو انتى بنفسك اللى بتقولى كده

فاتن : عايزه منك طلب

انا : طلباتك كترت

فاتن : اخر حاجه

انا : خير

فاتن : عاوزه اطلع كورنيش المقطم وقت الغروب واتصور هناك

انا : ماشى ياستى ونتصل بمحمد وهدير يحصلونا على هناك ونسهر مع بعض

فاتن : طب تمام

انا : طب خلصى اكل بسرعه علشان نلحق الشمس قبل ماتمشى

* وخلصنا فسحه وروحنا هدير وفاتن شقة خالى ومحمد رجع معايا شقتى وكان اسامه هناك وقعدنا شويه مع بعض وبعد كده دخلنا الاوضه مع بعض

محمد : انا سايبك من اول اليوم براحتك تقدر تفهمنى ايه اللى حصل بالظبط

انا : حاضر هحكيلك كل حاجه

* فلاش باك يوم المشكله

بعد ماخرجت من الجامعه ركبت العربيه ورجعت شقتى وطلعت خط خاص مش مع حد وشغلته واتصلت برقم

انا : الووووو ... ناصر معايا

ناصر : مين معايا

انا : انا مهيب صقر من طرف سيف الهوارى بتاع الاقصر

ناصر : اهلا ياباشا امرنى

انا : مش هينفع فى التليفون لازم اشوفك

ناصر : تحب نتقابل فين

انا : تعالى المقطم

ناصر : فين فى المقطم

انا : كافيه السبكى فى النافوره

ناصر : ساعه بالكتير واكون عندك

بعد ماقفلت مع ناصر نزلت اديت البواب نسخه من مفتاح الشقه للبواب علشان اسامه واديته رقم اسامه علشان يكلمه وروحت الكافيه وقابلت ناصر ... وناصر ده سيف ادانى رقمه قبل ما اسافر وقالى لو احتجت اى حاجه او وقعت فى مشكله كلمه وقوله انك من طرفى وهو هيخلصهالك مهما كانت

وانا قاعد فى الكافيه ناصر كلمنى وعرفنى وقعدنا مع بعض

ناصر : ازيك ياباشا ... انا كلمت سيف باشا وقالى انى اخدمك فى اى حاجه ... خير ياباشا

انا : فى واحد مدايقنى ياناصر

ناصر : اعتبره مات ياباشا

انا : مش عايزه يموت ... عايزه يعيش م**ور

ناصر ببسمه : ين**ر ياباشا

انا : هتعملها ازاى

ناصر : دى بتاعتى انا ... انت ليك انه يجيلك مذلول ويبوس تراب رجليك علشان ترحمه كل اللى عليك تقولنا اسمه ونوصله ازاى

انا : لا يا ناصر لازم اعرف هتعمل ايه

ناصر : بص ياباشا علشان انت من طرف سيف انا هقولك

مفيش حاجه ت**ر الراجل غير انه مايبقاش راجل ودى ليها ناسها وكله بتمنه

انا : فهمتك ياناصر بس انا عايز اللى هيحصل يتصور فيديو والفيديو يكون عندى

ناصر : حاضر ياباشا بكره بكتير فيديو الدخله هيكون عندك بس انت ادينى بيانات العروسه

انا : اسمه دكتور خالد فى كليه هندسه فى mti اللى فى الهضبه الوسطى ودى صورته من على الايميل بتاعه

ناصر : كده تمام هخلص واكلمك

انا : تمام ... خد دول 20 الف وليك زيهم بعد الفيديو مايوصل

ناصر : ده كتير ياباشا

انا : دى بداية تعارف ومعايا هتشوف فلوس ماتتعدش

ناصر : ونعم التعارف ياباشا

وقام ناصر وكلم رجالته وراحو الجامعه وعرفو الدكتور وراقبوه يوم كامل وتانى يوم بالليل خ*فوه من قدام شقته وخدروه وطلعوا بيه فى هنجر قديم مهجور

ودخلوه فى اوضه وهجم واحد من رجالة ناصر اسمه سعيد على خالد وثبته و هو لسه متخدر بطريقه خلت جسمه يسيب بس فايق وحاسس بكل اللى بيحصل فيه

سعيد : بقى كده تزعل الباشا منك

خالد : باشا مين ده

سعيد : هههههههه مهيب باشا صقر يا **** عارف عقاب اللى يزعل الباشا ايه . انا ها**ر عينك النهاردة .

وبعد ماخلصو تصوير الفيلم فوقوه واول ماقام ناصر رفع سلاحه وثبته فدماغ خالد وقاله

ناصر : قدامك 24 ساعه تستسمح فيها مهيب باشا ولو عدت المهله من غير ما الباشا يكلمنى ويقولى انه سامحك هنشر الفيلم ده فى الجامعه عندك وهوزعه على كل الطلبه حتى جيرانك ومراتك هبعتلهم نسخه

خالد : حاضر حاضر

ناصر : يلا غور

* نرجع تانى من الفلاش باك

انا : والباقى انته عارفه

محمد : انت مش هتبطل جنانك ده

انا : سيبك من جنانى خلينا فى المهم

محمد : ايه هو المهم ده

انا : المهندسين اللى شغالين فى الارض عملوا ايه

محمد : قدامهم شهر ويخلصوا الانشائات وبعد كده هيشتغلو فى التشطيبات والفرش يعنى قدامهم 6 شهور ويخلصوا

انا : طب تمام ... انت باقى معاك كام من ال 100 مليون دولار

محمد : باقى معايا 85 مليون دولار

انا : كده كويس ... اسمعنى بقى فى اللى عايزه منك

محمد : خير ياسيدى

انا : عايزك اول ماتنزل البلد تشترى اكبر كمية اراضى تقدر عليها بالفلوس اللى معاك وفى كل قريه ومركز وابتدى من اسوان وخدها بالترتيب وتكتب الارض دى باسمى انا وانت .. انت الربع وانا التلات اربع واول ماتخلص الفلوس تبلغنى

محمد : ماشى هعمل كده

انا : فى حاجه تانيه عاوزها منك

محمد : خير

انا : عاوزك تعمل من كل عقد 5 نسخ موثقين تخلى نسخه معاك وتجبلى الاربعه

محمد : ليه النسخ دى كلها

انا : مش مهم ليه النسخ دى بس اسمع كلامى

محمد : ماشى ... طب بعد ماتخلص الفلوس هنعمل ايه

انا : هنسحب فلوس من اللى احنا دافنينها ونشترى ارض تانى لحد ماقولك كفايه وعايزك كمان كل حتة ارض تشتريها تعملها سور وتحط يافطه مكتوب عليها اولاد صقر

محمد : انت مش قولت مش هنسحب حاجه من الفلوس دى

انا : انا قولت مش هنسحب حاجه ايام ماطلعنا المصلحه لكن دلوقتى الخطه اتغيرت وعاوزين نكبر ونحكم

محمد : انا كده فهمت

انا : وايه اخبار العيله دلوقتى

محمد : من ناحية اي

انا : من ناحية الكليات

محمد : بالنسبه للولاد دخلنا 2 شرطه وواحد حربيه وواحد جويه واتنين بحريه وطبعا دول بوسايط وانا دفعت للوسايط من الفلوس اللى معايا واتنين حقوق وواحد طب وواحد صيدله وواحد طب بيطرى واربعه تجاره

اما بالنسبه للبنات فى 3 طب غير هدير واتنين صيدله وواحده هندسه واتنين حقوق واتنين تجاره

انا : حلو ده ... امال ايه كميه العيال اللى فى العيله دى

محمد : ما انت عارف العيله كبيره واكتر من نص رجالتها متجوزين بدل الواحده اتنين وتلاته والواحد مخلف بدل العيل سبعه وتمانيه

انا : حلو يعنى لسه فى عيال كتير

محمد : ده انت لو بتفكر تفتح مدرسه هتملاها ده غير اللى لسه هيتجوز

انا : طب حلو كده ... بس السنه الجايه عايزين ناس فى علوم واعلام وسياسه ونفس العدد بتاع السنه دى فى الكليات العسكريه

محمد : تمام

انا : هى الارض اللى اخدناها مش فى ارض تانى جمبها

محمد : اه فى ارض مساحتها 10 فدادين تانى

انا : انا سمعت انها معروضه للبيع

محمد : اه الشركه اللى واخده الارض كانت بتضارب فى البورصه وخسرت مبالغ كبيره وهما عارضين الارض للبيع علشان يسددوا ديونهم بس الكل بيستغل الموقف ونازل بسعرها الارض

انا : طب حلو عاوزك اول ماتنزل البلد تشتريلى الارض دى وتكتبها باسمى انا كلها

محمد : حاضر بس ليه واشمعنا الارض دى كلها باسمك

انا : هكتبها باسمى لان انا اللى هتعامل فيها وهبقى فى الوش ومش لازم حد منكم يظهر خالص عايز الناس تبقى عارفه انى لوحدى

محمد : ليه يعنى

انا : اسمعنى وريحنى بس

محمد : طب هتعمل ايه بيها الارض دى

انا : هبنى عليها 20 عماره وجيم كبير ومركز طبى صغير ونادى لتعليم ض*ب النار والفروسيه وال**ب قتاليه

محمد : ليه ده كله

انا : مش انت بتقول لو حبيت تفتح مدرسه ممكن تملى بيها عيال العيله ... هى دى بقى المدرسه اللى هملى بيها عيال العيله بس ساعتها مش هيبقوا عيال العيله هيبقو وحوش العيله

محمد : بس انت كده هتصرف كتير

انا : مش مهم المصاريف المهم النتيجه

محمد : ربنا يستر من افكارك

انا : طب يلا نام انت معاك سفر بكره العصر وفى حاجات هتنزل مع فاتن تشتريها انا مش هقدر ابقى معاكم علشان معايا كليه ومش هقدر اغيب

محمد : ماشى تصبح على خير

* وسافر محمد وفاتن ومشيت الايام عادى واسامه بعد الميدتيرم رجع بيته وانا بقيت وحدى ومحمد اشترى الارض وسلمناها لشركة المقاولات وضغطنا عليهم ان بعد سنه يسلمونا كل حاجه جاهزه وهما وافقوا وبعد الميدتيرم كنا فى الجامعه

انا : وبعدين فى الملل اللى احنا عايشين فيه ده

عمر : ليه ياعم ده الدنيا كانت مضغوطه الفتره اللى فاتت واحنا ماصدقنا نريح

اسامه : مهيب عنده حق الدنيا ملل شويه

عمر : طب تيجوا نخرج نتفسح نتخد اليوم من اوله بره

انا : لا مش هو ده اللى اقصده

اسامه : طب تيجوا نسافر ناخد يوم ولا اتنين فى اى مكان

انا : فكره ... بس نسافر فين

اسامه : نروح شرم او الغردقه

انا : ممكن شرم

عمر : انا مش معاكم

انا : ليه كده يافقرى

عمر : مش معايا فلوس

انا : ياعم سيبك من الفلوس انا عازمك

عمر : اذا كان كده ماشى

انا : شوف النظام ايه يا اسامه واظبطلنا رحله وكل حاجه على حسابى

اسامه : خلاص بعد الجامعه هروح لواحد صاحبى بيشتغل فى شركة سياحه اخليه يظبطنا

انا : تمام

واحنا قاعدين جيه اسماء وابراهيم وامانى

انا : ايه كنتوا فين

ابراهيم : كنا بنشوف اعلان الرحله

انا : رحلة ايه دى

ابراهيم : الجامعه عامله رحله اسبوع فى مارينا الاسبوع اللى جاى

انا : جات فوقتها لسه انا وعمر واسامه بنتكلم ان احنا عاوزين نطلع رحله نغير جو

اسماء : ياعم دى ب 3000

انا : مش مهم الفلوس المهم الواحد يفك شويه ... طب الرحله دى لكلية هندسه ولا لباقى الكليات

ابراهيم : لا لكل الكليات ولو معاك حد من بره الجامعه 5000 بس لازم يكون كبير يعنى اقل حاجه اولى جامعه

انا : طب تمام انا طالع وهشوف بنت خالتى وانتى ياسماء شوفى مى علشان تيجى معانا

اسماء : ياعم احنا مقضينها بالعافيه

انا : انتى مالكيش فيه ده قرار ببلغك بيه .. وانت يا اسامه ايه ظروفك

اسامه : انا رايح ياعم

انا : وانت ياعمر هتيجى خلاص

عمر : ماشى اللى تشوفه

انا : وانت يا ابراهيم

ابراهيم : انا رايح

انا : وانتى يا امانى

امانى : فلوسى ماتكملش

انا : مالكيش دعوه بالفلوس انا عازمك

امانى : اذا كان كده على البركه

واتفقنا كلنا على الرحله بس ياترى ايه اللى مستنينا هناك ده اللى هنعرفه الحلقة اللى جاية