الفتي الشرير

الحلقة الثامنة

الفتي_الشرير

#الحلقة_الثامنة

________________

محمد : تعالى يا مهيب نتمشى شويه فى البلد

انا : يلا بينا

خرجنا انا ومحمد نتمشى

محمد : ممكن بقى تفهمنى ايه اللى بيحصل بالظبط

انا : ايه اللى بيحصل ما كل حاجه قدامك

محمد : ايوه كل حاجه قدامى بس مش فاهم اللى بيحصل فى الكواليس وانت عارفنى لازم ابقى عارف كل حاجه

انا : كل اللى حصل انى كلمت ابو سيف علشان يساعدنى ارجع ارضى وهو اللى حط معايا خطه القبض على الح*****ت دول وتهديهم علشان نرجع الارض بس كده

محمد : مش ده قصدى

انا : امال تقصد ايه

محمد : عارف يا مهيب احنا معاشرين بعض قد ايه من يوم مانت اتولدت بالرغم من انك اصغر منى بخمس سنين لكن انا اعتبرتك صاحبى وانا وانت مالناش غير بعض انت صاحبى الوحيد وانا صاحبك الوحيد يعنى ماتلفش وتدور عليا وهاتها ص**حه

انا : مش لما تبقى انت ص**ح معايا ابقى انا ص**ح معاك

محمد : وانا من امتى ماكنتش ص**ح معاك

انا : بص يامحمد انا هجبهالك من الاخر زى ما اتعودت معاك طول عمرى انا بحب اختك زى مانت بتحب هدير بنت خالتى بس الفرق بينى وبينك ان انا بحاول اخد الخطوه ومش عايز اتعداك علشان كده التلميح كان قدام الكل لانك امنتنى على بيتك وانا ماينفعش اخون الامانه لكن انت بتحب هدير ومش متحرك ولا حتى بتلمح لكن انا علشان عارفك كويس عارف انك بتحبها بس اللى مش قادر افهمه انت ليه مش عاوز تاخد الخطوه

محمد : خايف اخسرها

انا : وانت بتصرفك ده ما انت اكيد هتخسرها تقدر تقولى هتفضل ساكت لحد امتى مش جايز يجى واحد مناسب وياخدها منك ساعتها هتعمل ايه ... انا يوم ماحسيت انى بحب ياسمين قولتهالها ص**حه ما خوفتش من حاجه مع ان وقتها كانت كل الظروف ضدى لا شكل ولا فلوس ولاى اى حاجه ماكانش حيلتى غير قلبى كنت مستعد اقدمهولها بس هى خسرتنى بس اللى اكتشفته بعدها انى ماحبتهاش اصلا بس اتعودت عليها جمبى ولما زعلت واتاثرت فى الاول علشان الاهانه مش الرفض ما انا ياما حاولت ارتبط ببنات بس كل مره كان الرد انت زى اخويا كنت ازعل شويه بس بعد كده الحياه كانت تمشى عارف لو ياسمين قالتلى انت زى اخويا كان زمانى زى ما انا هزعل يومين وتعدى لكن زى ماقولتلك اللى اثر فيا الاهانه لكن مع اختك انا اكتشفت انى بحبها من زمان بس انت ال*قبه اللى كانت قدامى كنت بعاملك انك اخويا واختك تبقى اختى لكن اللى اكتشفته ان انت اخويا بس هى مش اختى هى حبيبتى ومستعد احارب علشان اوصلها مش عاوز اخسرها علشان كده لازم كل خطوه تبقى مدروسه كويس .. وعلى فكره هدير بتحبك وسبب رفضها للعرسان انها بتحبك بس **وفها مانعها انها تصارحك بحبها لان المفروض انت الراجل وانت اللى تاخد الخطوه الاول زى ما انا عملت كده وقولتلك

محمد : ايه الكلام ده كله

انا : مش قولتلك مابحبش اللف والدوران انا ص**ح وصارحتك بكل اللى جوايا

محمد : يعنى هدير بتحبنى

انا : ايوه

محمد : زى مانت كنت ص**ح معايا انا هبقى ص**ح معاك فاتن بتحبك ومستنيه منك الخطوه مش من دلوقتى لا من زمان وياما حكتلى انها قد ايه بتحبك ومستياك بس برضه **وفها مانعها

انا : انت بتتكلم بجد

محمد : هو انا امتى كدبت عليك

انا : طب احنا مستنيين ايه

محمد : قصدك ايه

انا : يالا بينا ناخد الخطوه

محمد : ازاى

انا : العيله كلها متجمعه عندك فى البيت يلا نفاتحهم

محمد : صعب

انا : ولا صعب ولا حاجه يفوز باللذات كل مغامر انا رايح دلوقتى اطلب ايد اختك هتيجى ولا ايه ظروفك

محمد : ض*بو الاعور على عينه قالك خربانه خربانه يلا بينا

رجعنا البيت تانى وكانو كلهم متجمعين وبيرغو

انا : احضرونا يا جماعه عايزنكم فى موضوع مهم

كلهم فى صوت واحد : خير

انا : ياعمى انت وابويا انا بحب فاتن وعايز اتجوزها

محمد : ياعم ابراهيم انت وابويا انا بحب هدير وعايز اتجوزها

فجأه هدير وفاتن قامو جرى ودخلو الاوضه

انا : قولتوا ايه

كل الستات اشتغلوا زغاريد من الخبر

ابويا : انتو بتزغردوا ليه مش نعرف رأى البنات الاول

خالى : يعنى ال**وف والجرى ده مستنى رأى يلا على البركه

انا : طب هنعمل امتى حفلة الخطوبه

عمى : خلوها على العيد علشان نكون جهزنا نفسنا وعزمنا الناس

ابويا : تمام اللى تشوفه

جوز خالتى : وانا كمان موافق

*عند هدير وفاتن فى الاوضه

هدير : يافاتن هو اللى حصل ده صح ولا انا بحلم وانا صاحيه

فاتن : مش عارفه انا مش مستوعبه اليوم النهارده مليان مفاجئات

هدير : انتى سامعه بيقولو ايه بره

فاتن : دول بيحددوا معاد الخطوبه انا حاسه انى هتشل من الفرحه

هدير : امسكى نفسك

الباب بيخبط ودخلت خالتى ومرات عمى

خالتى : ايه رأيك ياهدير

هدير : .......ها

خالتى : ها ايه بقولك رائيك ايه محمد مستنى بره يسمع رائيك

هدير : موافقه

مرات عمى: وانتى ايه رائيك فى الموكوس التانى اللى بره

فاتن : هو اللى بيحصل ده بجد ياماما

مرات عمى : ينيلك بت ايه هو اللى بجد يعنى المواضيع دى فيها هزار

فاتن : خلاص ياماما موافقه

وفجأه خالتى ومرات عمى انفجروا بالزغاريد

وعدت الليله وكله روح بيته وتانى يوم خلصنا موضوع الارض وخالى رجع القاهره واحنا رجعنا بيتنا بس كان معانا محمد وفاتن وهدير وصلنا البيت بالليل وطبعا كنا تعبانين دخلنا نمنا محمد نام معايا فى الاوضه انا واخويا طارق وهدير وفاتن ناموا فى الاوضه التانيه مع اخواتى البنات

*من ناحيه تانيه فى القاهره عند انجى واميره

اميره : هتعمليها ازاى دى

انجى : هى صعبه بس مش مستحيله

اميره : يابنتى سعد بيحب مراته

انجى : مافيش راجل مخلص لمراته كله بيجى عند نقطه ويسلم وانا على طول بلاحظ انه بيبص عليا فى الرايحه والجايه

اميره : طب وهاله مراته مش صاحبتك دى لو شكت فى حاجه هتقلب الدنيا

انجى : ماهى علشان صاحبتى بتحكيلى عنه حكايات تشيب

اميره : حكايات ايه

انجى : دى مراته بتقول انه بيسافر كتير وكل ماتمسك التليفون تلاقى السجل ممسوح ده غير انه كل شويه تسمعه بيكلم ستات فى الموبايل ولما تساله مين دول يقولها دول عملاء عندى فى المكتب

اميره : مش دليل على فكره

انجى : انا مالى هى اللى بتقول

اميره : طب هتوقعيه ازاى

انجى : علشان كده كلمتك قولت تحطى معابا الخطه وينوبك من الحب جانب

اميره : انتى مش كنتى عايزه تغيرى شويه فى د*كورات الشقه

انجى : ايوه ... بس ايه دخل ده موضوعنا

اميره : ياغ*يه مش سعد ده مهندس د*كور يبقى هو اللى يغيرلك اللى انتى محتاجاه

انجى : طب تمام وبعدين

اميره : دى سيبيها لوقتها .... بس احنا من ساعة مارجعنا من السفر وانا مش شايفاه

انجى : مش عارفه يمكن معاه شغل ولا حاجه

اميره : طب اتصلى بهاله واساليها عليه وقوليلها انك محتاجاه فى شغل

انجى : اوك .... واتصلت بهاله

* المكالمه ببن هاله وانجى

انجى : ازيك ياهاله اخبارك ايه

هاله : كله تمام ... ايه من ساعة مارجعتى من المصيف ومحدش شايفك كده

انجى : معلش بس قاعده عند اميره

هاله: سلميلى عليها

انجى : يوصل ياحبيبتى ..... المهم انا بكلمك لانى عايزه منك مصلحه

هاله : خير ياحبيبتى فى ايه

انجى : هو جوزك فين

هاله : مسافر يومين وهيرجع ... ليه بتسالى

انجى : كنت محتاجاه فى شغل

هاله : ايه شغل ايه

انجى : يوسف جوزى من فتره بعتلى فلوس وقالى غيرى شويه فى د*كورات الشقه وانا قولت محدش هيغيرلى الد*كورات غير سعد وخصوصا بعد ماشوفت الد*كورات اللى عاملها عندكم فى الشقه بصراحه عجبتنى

هاله : ماشى ياستى هو على العموم مش هيتاخر فى السفر كلها يومين ويجى واول مايرجع هكلمه واخليه يعملك احلى شغل

انجى : ده العشم برصه انا عايزاه يظبطنى ومش عايزه شغل كروته

هاله : عيب عليكى انا هخليه يعملك احلى شغل .... طب معلش يا انجى هقفل معاكى علشان سعد معايا على الويتنج

انجى : ماشى ياحبيبتى اتفضلى

* نرجع تانى عند انجى واميره

اميره : يظبطنى ايه ومايكروتنيش

انجى : هههههه ... يعنى اخليه يكروتنى

اميره : هى صاحبتك دى هبله ولا حاجه

انجى : سيبك منها وخليكى معايا

اميره : خير عايزه ايه تانى

انجى : مش يالابينا نستفيد من وقتنا قبل مانسمه وساره يرجعوا من عند صاحباتهم

اميره : نعمل ايه يعنى

انجي :: نرتب الخطة بكل خطواتها عشان مفيش حاجة تقع مننا

اميره : والله وبقيتي بتفكري ف خطط وخطوات وانتي كنتي بتخافي من خيالك

انجى : خلى جوزى فى الشغل وانا فى الخطط هههههههه

اميره : تصدقى انى حاسه ان جوزك واخوه مالهمش فى الستات مش فالحين غير فى الشغل

انجى : ههههههه واحنا مش فالحين غير فى الخطط

* عند نسمه وساره

ساره : تصدقى ان طارق وحشنى

نسمه : وانا كمان حاسه ان مهيب واحشنى

ساره : مهيب ايه يابنتى هو احنا قعدنا معاه ساعه على بعضها ده اول يوم شوفناه فى الديسكو يدوب سلم علينا ومشى قال انه تعبان وعايز ينام وتانى يوم يدوب قعد معانا نص ساعه وقال انه رايح الجيم وقال نخرج بعد الغدا نتفسح وطول ما احنا مع بعض سرحان او بيكلم اخوه او بيتكلم فى التليفون وفى الاخر قال راجع البلد طب ايه اللى جابه لما راجت تانى يوم

نسمه : اهى طريقته اللى مش عاجباكى دى هى اللى شداتى ليه عاجبنى فى حركته وانه بيحب التغيير ولما يزهق بيغير وقتى مش بيحسبها يعنى قرر يجى الغردقه وفجاه قرر يمشى ... ده غير ان اى واحد مكانه ماهيصدق يلاقى بنتين قاعدين ويعزموا عليه ويسيبهم ويمشى ده معناه انه تقيل مش واقع ده حتى من ساعه ماسافر ماكلمنيش غير مره واحده لكن انا كلمته مرتين

ساره : هو منطق ... بصراحه هو واخوه احلى من بعض بس اكتر حاجه عجبتنى فى مهيب علاقته بطارق تحسيهم اصحاب مش اخوات بس وطارق بيحب اخوه جدا وبيحترمه

نسمه : ودى كمان حاجه حلوه

ساره : طب اقفلى على الموضوع احسن امنيه جايه وانتى عارفه امنيه ملهاش فى الكلام ده ومقفوله على نفسها

نسمه : طب تمام

امنيه : ازيكو يابنات عاملين ايه

ساره : كويسين ياستى

امنيه : طبعا كويسين مش جايين من مصيف لازم تبقوا كويسين

نسمه : ليه ماروحتوش مصيف السنه دى

امنيه : بابا ماكانش فاضى وقال فى اجازة العيد هياخدنا نصيف .... ده حتى لما عمتى سافرت تصيف هى وعيالها كانت الدروس بدات وبابا مارضيش

ساره : معلش ... كويس ان ابوكى هيعوضهالكم فى العيد احسن من مافيش

** تليفون امنيه رن

امنيه : الو ... ازيك ...واحشنى بجد انت واخواتك ... مانت عارف بابا ماوافقش .... ايه ده بجد .... طب مب**ك ياسيدى وعقبالك انت كمان .... اه انا بره .... مع صحباتى قاعده معاهم شويه ... خللص تمام ... هتيجى امتى .... فى اجازة نص السنه .... طب باركلى للجماعه وانا اول ما هروح البيت هقول لماما ونكلمهم علشان نبارك .... طب سلام دلوقتى ونتكلم بالليل

ساره : خير يابنتى شكلها مكالمه مفرحه

امنيه : اه واحد قريبى خطب امبارح

نسمه : طب مب**ك ياستى

امنيه : الله يبارك فيكى

*نرجع تانى عندى انا

صحيت تانى يوم الصبح على الساعه 10 الصبح اخدت شاور وعملتلى كوباية قهوه وخرجت البلكونه وكان الكل لسه نايم وانا واقف فى البلكونه سرحان فى اللى حصل اذا بياسمين تخرج البلكونه

ياسمين : صباح الخير يا مهيب

انا : صباح النور ازيك

ياسمين : تمام ... ايه كنتوا فين اليومين اللى فاتوا دول

انا : كنا فى البلد

ياسمين : حمد لله على السلامه

انا : تسلمى

ياسمين : هتيجى الدرس النهارده الساعه 5

انا : اكيد طبعا

هدير بتنده من جوا : يا مهيب

انا : ايوا ياهدير انا فى البلكونه تعالى

ياسمين : مين هدير دى

انا : دى بنت خالتى

هدير : انت فين يابنى على الصبح كده

انا : هنا فى البلكونه تعالى اعرفك دى ياسمين جارتى

هدير : اهلا وسهلا

ياسمين : حمد لله بالسلامه

هدير : تسلمى

انا : كنتى عايزه ايه

هدير : مفيش صحيت بدرى وفاتن نايمه مش راضيه تصحى قولت انت بتصحى بدرى اخرج اقعد معاك لحد ما ا****عه يصحو علشان نفطر

انا : ماشى ياستى خليكى معايا

ياسمين : انتى فى سنه كام ياهدير

هدير : 3 ثانوى زيكم

ياسمين : علمى ولا ادبى

هدير : علمى علوم

ياسمين: جبتى كام مجموع السنه اللى فاتت

هدير : 99.8 %

ياسمين : ايه الجموديه دى انا علمى رياضه وجايبه 94% بالعافيه

هدير : ده مجموع حلو بالنسبه لعلمى رياضه

ياسمين : عايزه طب ولا صيدله

هدير : عايزه طب بس مش عايزه حكومى

ياسمين : امال عايزه ايه

هدير : هقدم على منحه فى الجامعه الامريكيه بس يارب اخدها

انا : ياستى قولنالك قبل كده حتى لو ما اخدتيش المنحه هندخلك ومالكيش دعوه بس اهم حاجه تذاكرى

ياسمين : بس ياعم دى مصاريفها غاليه

انا : مفيش حاجه تغلى على الغاليه بتاعتنا

هدير : ايوا عشمنى عشم وبعد كده تقولى امك فى العش ولا طارت

انا : ياستى ماتقلقيش انا اتفقت مع الفالح اللى هيتجوزك ده ان احنا هنعملك كل اللى انتى عايزاه انتى وفاتن

ياسمين بلمعه فى عنيها : انتى مخطوبه ياهدير

هدير : اه اتخطبت من يومين

ياسمين: الف مب**ك ياحببتى

انا : بالمناسبه الزفت خطيبك لسه ماصحيش

هدير : ما اسمحلكش تشتمه

انا : اهلا ابتدينا ده انتوا مخطوبين بقالكم يومين لسه

هدير : حتى لو من ساعتين

انا : ماشى ياستى اعملى حسابك انا معايا درس الساعه 5 يعنى 5.30 تتحركى انتى وخطيبك وفاتن تستنونى عند الدرس محمد عارف العنوان وهسيبلكم العربيه تيجوا تاخدونى علشان نخرج مع بعض

هدير : صحيح فكرتنى هدخل اصحى فاتن علشان عايزاها فى موضوع

انا : طب ادخلى وانا هحصك

هدير : فرصه سعيده يا ياسمين عن إذنك

ياسمين: اتفضلى ..... مين فاتن دى يا مهيب

انا : بنت عمى

ياسمين: طب تمام

انا : طب سلام دلوقتى علشان اشوف ا****عه

ياسمين: اتفضل

عدى اليوم وجيه معاد الدرس ونزلت من غير ما اكلم ياسمين وسبت العربيه لمحمد علشان يجيب البنات ويجيلى بيها عند الدرس واول ماوصلت لقيت منه ومى واقفين مع بعض سلمت ووقفت معاهم

منه : ازيك يا مهيب كنت فين بقالى يومين بكلمك مش مابتردش

انا : ماعلش بس كان معايا مشكله فى البلد

منه : خير

انا : لا مافيش حاجه مشكله وخلصت

منه : اهم حاجه انت تكون بخير

انا : انا تمام

ياسمين جات وانا واقف مع منه ودخلت علينا

ياسمين : ازيكو ياشباب

منه : ازيك يا ياسمين

ياسمين: تمام ..... ايه يا مهيب ماعدتش عليا وانت خارج

انا : انتى ماقولتليش عدى عليا وانا كنت مستعجل لانى سايب عربيتى لابن عمى علشان يجى ياخدنى اصل عربيته سابها فى البلد

وانا واقف معاهم تليفونى رن

محمد : انت فين

انا : عند الدرس فى حاجه

محمد : احنا هنروح فين

انا : النهارده هنقعد فى الكافيه اللى بنقعد فيه وبكره هننزل الاقصر نتفسح

محمد : اوك سلام

انا : سلام

بعد ماقفلت مع محمد دخلنا الدرس وخلصنا واحنا خارجين كان محمد وهدير وفاتن واقفين جمب العربيه وانا خارج مع اصحابى شوفتهم طب سلام يا اخوانا

سبتهم وروحت للجماعه وخرجنا وروحنا الكافيه وبعد ما قعدنا

محمد : هنعمل ايه فى موضوع الخطوبه يا خوانا

فاتن : ايه يعنى هنعمل خطوبه زى اى خطوبه

محمد : لا ماسمحلكش خطوبتى على حب عمرى ماتنفعش تبقى زى اى خطوبه

فاتن : ياحنين ..... وانت يافالح مفيش كلمه حلوه زى دى ولا انا ماليش نفس اسمع كلام حلو زى ده

انا : بحبك

فاتن ات**فت وماقدرتش تتكلم

هدير : ايه خرستى ليه .... الحق يامحمد دى خدها بقى احمر من ال**وف ياعينى ... برافو عليك يابن خالتى ياجامد

فاتن : خلاص يازفته اهمدى بقى

هدير : اهمد ايه ما الباشا خرسك

انا : خلاص يا اخوانا خلينا فى المهم

هدير : ايه هو المهم

انا : الخطوبه هنعملها ازاى ... كل طلباتكم قولها علشان ماقدمناش غير شهر واحد بس على الخطوبه

هدير : ياعم لسه بدرى وبعدين دى خطوبه يعنى حاجه عاديه

محمد : ماسمحلكش خطوبتى عليكى دى مش حاجه عاديه انا بقالى سنين بحلم بيها

انا : ياعم فكك من المحن ده خلينا فى كلامنا

هدير : ياعم سيبه يقول ده انا ماصدقت ينطق

انا ؛ طب تحبوا نسيبكم تحبوا فى بعض وانا اخد القمر بتاعى فى حته تانيه احب فيها براحتى

فاتن : اتلم يا مهيب احسن اقوم امشى

انا : خلاص ... بس ماقولتليش عايزه الخطوبه ازاى ... عوزاها فى قاعه ولا نعملها فى البيت والفستان هتفصليه ولا هتشتريه جاهز ... والخطوبه لو هتتعمل فى نادى عايزه فى اى نادى

فاتن : انا نفسى فى حاجه بس ماحدش يتريق عليا

انا : قولى عايزه ايه وانا تحت امرك

فاتن : نفسى فى خطوبه بالطريقه البدوى فى الصحرا فى وسط الخيام وانت تلبس جلبيه وانا البس لبس بدويه واجييلك ويبقى فى حفلة شوى واغانى بدويه

هدير : الله على افكارك يابت دى فكره جامده وماتعملتش قبل كده ... انا كمان عايزه كده

انا : تصدقى فكره حلوه .... بس مفيش حد من اهلينا هيرضى بالكلام ده وطبعا الضيوف اللى هيجو جيجو بلبس رسمى محدش فيهم هيلبس لبس بدوى ويجيلنا الصحرا والخطوبه هيبقى فيها ضباط جيش وشرطه واعضاء مجلس شعب وعمد ومستشارين يعنى هيبقى صعب

محمد : انا عندى حل

انا : حل ايه يافالح

محمد : احنا بس اللى نلبس بدوى والفرقه البدويه اللى هنتفق معاها وكل الرتب اللى بتتكلم عليها دى يا اما قرايبنا او معارف من هنا فى البلد وكلهم لما بينزلو البلد بيلبسو جلاليب وستاتهم ببلبسو عبايات يعنى ناقص موضوع الصحرا عمك مصطفى لسه الشهر اللى فات مشترى ارض على الصحراوي ولسه ما اشتغلش فيها وقريبه من هنا ومن بلدنا وناجر اتوبيسات علشان تجيب المعازيم وكده تبقى محلوله

هدير : طب واهلينا هيرضوا بالكلام ده

انا : سيبوا الموضوع ده عليا انا هقنعهم بالفكره

فاتن : ممكن اقلك حاجه فى ودنك

انا ' قربت منها ': خير

فاتن : بحبك اوووى

هدير : كانت بتقولك ايه البت دى

انا : مالكيش فيه دى حاجه بينى وبينها

فاتن : عايزين نتفق على حاجه مهمه

محمد : خير فى ايه

فاتن : هنعيش فين بعد الجواز

محمد : ايوه صح ... ايه رائيك ياهدير عايزه تعيشى فين

هدير : اى حاجه بس المهم هنا فى الاقصر اوعى تقولى القاهره

انا : وانتى ياتونه

فاتن : انا برضه عايزه البلد هنا

محمد : تمام وانا برضه

انا : تمام كده انا عندى فكره

محمد : بتفكر فى ايه

انا : فى ارض كبيره 10 فدان هتدخل كوردون مبانى تبع شركه المقاولات بتاعة اولاد راجح من ساعة ما ابوهم مات السنه اللى فاتت والشركه قفلت وهما عارضينها للبيع بقالهم شهر ولسه مفيش مشترى مناسب انا بفكر نشتريها

هدير : ليه ياعم دى كلها

فاتن : ايوه يا مهيب دى كبيره انت عايز تخلص الفلوس اللى معاك فيها

محمد : مش مشكلة فلوس بس احنا هنعمل ايه بالارض دى كلها

انا : هنلم بيها الشمل

فاتن : ازاى يعنى

انا : الارض دى ههنبنى عليها مجموعة ڤلل ليا وليكم واخواتى كل واحد فيهم ڤيلا حتى البنات وابويا ڤيلا وابوك يامحمد ڤيلا وخالتى وجوزها ڤيلا واخو هدير ڤيلا وهنبنى عمارتين ونفرشهم هنحتاجهم بعدين

فاتن : الله فكره حلوه اوى

هدير : حبيبى يابن خالتى يا عالمى

محمد : والعمارتين لازمتهم ايه

انا : بعدين هقولك

فاتن : ايه هو اللى بعدين ده ماتقولنا هتعمل بيها ايه

انا : اول مايجى وقتها هقولكم

هدير : طب هتشترى الارض دى امتى

انا : هكلم صحابها بكره واشوف هنعمل ايه

محمد : خلاص خلينا نقا**هم مع بعض

انا : اكيد طبعا بس الكلام ده مايخرش برانا احنا الاربعه ولو حتى اهالينا لحد مانشترى الارض

كله بصوت واحد : حاضر

واحنا قاعدين مع بعض دخلت علينا اسماء ومى مع بعض

اسماء : ازيك يا مهيب

فاتن شكلها اتضايق

انا : ازيك ياسماء ازيك يامى ... ايه اللى جابكم هنا

مى : عادى انا واسماء كنا بنتمشى وقولنا ندخل نقعد ونشرب حاجه

مى : ايه ماعرف*ناش

انا : ده محمد ابن عمى ودى هدير بنت خالتى خطيبة محمد

مى : ازيك يامحمد ازيك ياهدير ....امال مين دى

انا : دى فاتن اخت محمد وخطيبتى ... ودول اسماء ومى زمايل ومعايا فى الدروس بتاعتى

اسماء : ايه ده انت خطبت امتى

انا : من يومين لما نزلت البلد

مى : ماقولتش انك نازل البلد تخطب

انا : عادى ماجتش مناسبه

مى : طب الف مب**ك ياسيدى

اسماء : هتعمل الخطوبه امتى

انا : تالت يوم العيد انا ومحمد خطوبتنا مع بعض

مى : ابقى اعزمنا

انا : انتو مش محتاجين عزومه

اسماء: طب نسيبكم احنا براحتكم وهنقعد هناك

انا : اوك

ومشى اسماء ومى قعدو على طرابيزه قريبه مننا

فاتن : مين دول يا مهيب

انا : ماقولتلك زمايلى فى الدرس

فاتن : ايه اللى جابهم هنا

انا : انا اللى جبتهم هنا

فاتن : جبتهم ازاى

انا : خليت تليفونى يرن وانا واقف معاهم عند الدرس وعملت نفسى بكلم محمد وانى اقوله ان احنا هنقعد هنا فى الكافيه

فاتن : ليه كده يعنى

انا : علشان الناس كلها تعرف انى خطبت

فاتن : ماشى هعديها

محمد قرب من ودنى : الناس كلها برضه يا مهيب

انا : عيبك انك فاهمنى زياده عن اللازم يابن عمى وده خطر

محمد : عيب عليك انا وانت مانعرفش نلف وندور على بعض

انا : هههههههههه ماشى

هدير : انتو بتقولو ايه

انا : لا دى حاجه بينى انا ومحمد

هدير : نعم هو فى اسرار علينا

انا : مش حكاية اسرار بس انا ومحمد طول عمرنا مالناش غير بعض دايما هتلاقى فى حاجات مايفهمهاش غيرنا وعلشان نشرحهالكم هتحتاج وقت

فاتن : هنعديها ولينا قعده بعدين لان فى حاجات كتير عايزه اعرفها

انا : حاضر

#####