الفتي الشرير

الحلقة السابعة

#الفتي_الشرير

#الحلقة_السابعة

____________

رجع خالى من السفر وقعدنا انا وهو وابويا وامى واخويا طارق

خالى : هنعمل ايه بكره يا اخوانا

ابويا : هنروح نقعد مع عمك ونحاول نحل الموضوع

خالى : ما احنا قعدنا معاه كذا مره من غير فايده

انا : بس المره دى غير كل مره

ابويا : ازاى يعنى

انا : المره دى انا قاصد ان احنا نتكلم ودى علشان ابقى ريحت ضميرى من ذنبهم

ابويا : انت هتعمل ايه

انا : كل مشكله وليها حل

ابويا : مش فاهمك

انا : مش مهم تفهمنى بس كل اللى عايزك تعرفه انه مش هيعدى الاسبوع ده غير لما تكون الارض رجعالنا

ابويا : اوعى تعمل حاجه تضر بيها نفسك او تعمل حاجه من ورايا

انا : ماتخافش عليا ياحج

وعدت الليله وتانى يوم نزلنا كلنا البلد الصبح وبعد الجمعه كنا كلنا فى بيت عمى انا وامى واخواتى وابويا وخالى وخالتى وجوزها وعيالها معزومين كلنا على الغدا وكان هناك عمى ومراته ومحمد وفاتن وقعدنا كلنا قبل الغدا مع بعض وانا لقيت مرات عمى قاعده روحت قعدت جمبها

انا : ازيك يابطه

مرات عمى: اختشى ياواد وابعد عنى علشان مش طايقاك

انا : كده طب اهون عليكى

ابويا : فى ايه يا ام محمد

مرات عمى: لم ابنك عنى علشان مش طايقاه

انا : ليه بس ياست الكل كده

مرات عمى : عشان مش بتسال عليا

خالتى : وحياتك ولا بيسال عليا انا كمان

انا : ايه فى يا خوانا كله قالب عليا مين تانى زعلان منى ... ايه ياعمى

عمى : حبيبى يا مهيب انا تمام

انا : طب وانت يا ابويا

ابويا : هههههه عيب عليك ياض ده انت زى ابنى برضه

انا : هى حصلت كده ماشى ياحج ... وانت ياجوز خالتى

جوز خالتى : اصلى يا مهيب

انا : وانت يا امى

امى : انا كمان زعلانه منك

انا : كده تمام يعنى رجالة البيت كله راضيين عنى مافيش غيركم انتو التلاته انا عارف ان الفتره اللى فاتت كنت مقصر معاكم بس غصب عنى والفتره اللى جايه هتلاحظوا تغيير كبير وفى حاجات ناوى اعمله هتربطنا ببعض اكتر واكتر

مرات عمى : مش عارف ليه مش مستريحالك

محمد : هتعمل ايه ياض

انا : بعدين هتعرف

محمد : بقيت تخبى عليا يابن عمى

انا : سيب كل حاجه لوقتها

فاتن جات هى واختى وبنت خالتى

فاتن : يلا يا اخوانا الاكل جاهز

قمنا كلنا اكلنا وشربنا الشاى وظبطنا الكلام اللى هنقوله واتحركنا انا وابويا وخالى وعمى ومحمد وروحنا الاجتماع

* الاجتماع

وكان حاضر الاجتماع عم امى واولاده الاتنين

حسين (عم امى) : خير يا خوانا ايه سر الزياره المفاجأه دى

عمى : من الاخر كده ومن غير تزويق كلام ا****عه عايزين حقهم

حسين : ماهما بياخدو الايراد كل سنه

عمى : هما عايزين ارضهم وعلي ما اظن ان ده حقهم وهما حرين فيه

حسين : مالهمش ارض عندى كل اللى ليهم ايراد

خالى : بس احنا عايزين ارضنا بالذوق

حسنين : اعلى ما فى خيلكم اركبوه عاجبكم الايراد اهلا وسهلا مش عاجبكم اخبطوا دماغكم فى الحيط

انا : يا عم حسين على ماظن ان ده حقنا والحق مايزعلش

قام ض*بنى بالقلم قصاد كل اللى قاعدين والكل قام واقف

حسين : لما الكبار يتكلموا الصغيرين يحطوا جزمه فى بقهم ويسكتوا مابقاش الا انت اللى تتكلم فى مجالس الكبار

انا : انت كده غلطت وعديت حدودك معايا استحمل يا دكر اللى هيجرالك سلام

وسبتهم وخرجت وكلهم خرجوا ورايا يلحقونى قبل ماتهور

بعد ماخرجت طلعت تليفونى وطلبت ابو سيف اللى كان مستنى اتصالى

انا : الووو

ابو سيف : ايه الاخبار

كان ا****عه وصلو عندى

ابويا: ايه بتكلم مين

ماردتش عليهم وكملت كلامى مع ابوسيف

انا : نفذ حالا

ابو سيف : ساعه زمن وكل حاجه هتبقى خلصانه

انا : سلام

وقفلت المكالمه وبصيت للجماعه

ابويا : كنت بتكلم مين

انا : ساعه وهتعرفو كل حاجه

خالى : انت هتعمل ايه

انا : هرجع حقى

عمى : هترجعه ازاى

انا : دى بتاعتى بس حقى مش هيبات بره ويلا بينا البيت نستنى الاخبار ورجعنا كلنا بيت عمى والستات كانو مستنيين يعرفوا عملنا ايه اول ماوصلنا ابويا قالهم على اللى حصل

فاتن : ايه اللى خالاك تستفذه

انا : علشان عارف ان هو هيعمل كده

امى : انت هتعمل ايه .... اوعى تضيع نفسك

* من ناحيه تانيه عند حسين واولاده سمير وعامر

سمير : ايه اللى عمله مهيب ده يا ابويا

حسين : مش عارف ياولدى الواد بيتكلم بالجبروت ده ازاى

عامر : طب انت هتعمل ايه معاهم يا ابويا هتديهم ارضهم ولا ايه

حسين : ارض ايه اللى اديهالهم انت عارف الارض دى تساوى كام دى تساوى ملايين

سمير : امال هتعمل ايه دول ممكن يشتكوا ويعملو محضر فى الشرطه

حسين : مش هيلحقو ... انا كلها كام يوم وهجيب واحد من الشهر ال*قارى بالتوكيل اللى كان عاملهولى عمكم قبل مايموت وهبيع لنفسى كل حاجه بتاريخ قديم قبل الوفاه

عامر : طب طالما معاك التوكيل ده مابعتش لنفسك ليه قبل ماعمى يموت والتوكيل يتلغى

حسين : ساعتها الارض ماكانتش تسوى حاجه لكن دلوقتى دخلت مبانى والطريق الجديده عدت من قدامها يعنى تمنها بقى بالميت عشر اضعاف

سمير : عندك حق يابويا ده عوض جارنا فى الارض جايله مشترى عايز قيراط وعارض عليه 400 الف فى القيراط وهو رافض

حسين : شوفت بقى طب دول ليهم 10 فدادين وارضهم تقسيمتها على الشارع على طول غير ارضنا اللى جايه وراهم

عامر : طب امتى هتخلص

حسين : بكره او بعده بالكتير وبعدها هبيع الارض على طول لشركة مقاولات وهنسيب البلد ونروح نعيش فى القاهره ونعمل مشروع هناك

عامر : بس انا مش مرتاح ل مهيب

حسين : سيبك منه ده حتة عيل ولا يعرف حاجه هو بس برطم بكلمتين علشان يدارى **وفه قدام الناس من القلم اللى اخده

سمير : عنك حق

وفجاه عربيات الشرطه ملت المكان واشتغلو خبط وترزيع على الباب فى بيت حسين

سمير : ايه الخبط ده

حسين : استنوا هنا انا هشوف فى ايه .... وخرج حسين يفتح الباب لقى الشرطه قدامه

الظابط : انت حسين صقر

حسين : ايوه يافندم خير فى ايه

الظابط : ادخلو فتشوا البيت واقبضوا على كل الرجاله الموجوده جوه ومالكش دعوه بالستات

العساكر : تمام يافندم ... ودخلو يفتشوا البيت

حسين : خير يافندم هو احنا عملنا ايه

الظابط ماردش عليه وخرج العساكر ومعاهم سمير وعامر والستات وراهم بتصرخ واخدوا حسين وعياله وركبوهم البو** وطلعوا بيهم على مباحث امن الدوله

* نرجع عندى انا

عدت ساعه وتليفونى رن كله اتخض ببص كان ابو سيف

انا : ايه الاخبار

ابو سيف : كله تمام

انا : كلهم

ابو سيف : ماسيبناش غير الستات بس

انا : طب تمام عايز الحفله النهارده الليل بطوله للصبح لحد ما افضالهم واشوف هاخد حقى منهم ازاى وعايزكم تتوصوا بالكبير شويه لازم عينه تت**ر

ابو سيف : عيب عليك بس عايزين نخلص من الموضوع ده سريع سريع قبل مالدنيا تتقلب

انا : ماتخافش اسرع مما تتخيل

ابو سيف : طب سلام دلوقتى علشان اخلص الموضوع

انا : سلام

بعد ماخلصت المكالمه وكلهم باصينلى ومبرقين

امى : انت عملت ايه يا مهيب ومين اللى بتكلمه ده

انا : شويه كده وهتعرفى كل حاجه الصبر

بعد عشر دقايق الباب بيخبط جامد كان فى مصيبه عمى قام جرى يفتح الباب وكان على الباب مرات حسين اسمها حسنيه دخلت بتعيط وكلهم قامو يجرو عليها

حسنيه : الحقنى ياعبد الرحمن

عمى : فى ايه

حسنيه : الباب خبط جامد علينا حسين قام فتح ولقى بوليس كتير وقبضوا على جوزى وعيالى

عمى بصلى وكلم حسنيه : طب ماعرفتيش قبضوا عليهم ليه

حسنيه : ماعرفش ماحدش كلمنا اخدوهم ومشيو

عمى : طب روحى البيت اقعدى مع بناتك وانا هكلم المحامى ونروح المركز

حسنيه : ابوس ايدك يا عبدالرحمن اتصرف

عمى : روحى وماتقلقيش

مشيت حسنيه وكلو بصلى

ابويا : انت اللى عملت كده

انا : باخد حقى

عمى : هتاخد حقك ازاى

انا : ماحدش ليه دعوه انا هتصرف هاخد حقى وارجعلكم حقكم وبعدين احاسبه على القلم اللى ض*بهونى

امى : يا مهيب خرجهم احنا مش عايزين حاجه

انا : اقفلو الموضوع ده ولو فتحتوه تانى هرجعهم الليله بيتهم بس جثث

عمى : انا هكلم المحامى ونروحلهم القسم

انا : ماتتعبش نفسك مش هتلاقيلهم اثر اتبخروا

عمى : يعنى ايه

انا : يعنى هيظهروا اول ما اعوز انا يظهروا وماتقلقش بكره الصبح هيكونو فى بيتهم

خالى : انت متاكد يا مهيب

انا : ثوانى هثبتلكم..... طلعت تليفونى واتصلت با ابو سيف وفتحت الاسبيكر

انا : الووووو

ابو سيف: ايوه يا مهيب

انا : ايه اخبار ا****عه

ابو سيف : كله تمام والحفله شغاله

انا : طب تمام الفجر يرجعو ببتهم بس قبل ماترجعهم بلغهم الرساله

ابو سيف : حاضر

انا : سلام

انا : ارتاحتو كده الصبح هيرجعوا

* عند حسين وعياله

كان حسين وعياله مربوطين فى الكراسى والظابط اللى قبض عليهم قاعد قدامهم فى اوضه تحسها بدروم كده والعساكر ماسكين الكلاب والكلاب بتنبح بالصوت العالى وهما مرعوبين

الظابط : ايه اللى انتو عملتوه مع الباشا ده ياولاد الكلب

حسين : باشا مين وعملنا ايه احنا مانعرفش حاجه ياباشا

الظابط : مهيب باشا صقر يا ****

حسين : مهيب بقى مهيب باشا صقر من امتى

الظابط : اتكلم كويس على الباشا يا ابن ***** ..... وصلى الكهربا فى دماغهم ياعسكرى

العسكرى : حاضر يافندم

ووصل الكهرباء وشغلها شويه وبعد كده وقف وكل شويه يشغل ويوقف وبعد كده حط فوط على وشهم وبقى يكب عليهم ميه وبعد كده اشتغل يهوش بالكلاب لمده ساعه لحد ما استوا على الاخر

حسين : سامحونا ياباشا

الظابط السماح مش بايدى انا الاوامر اللى عندى اعذب فيكم لحد ماتجيلى الاوامر

حسين : يعنى ايه

الظابط : يعنى هفضل اعذب فيكم لحد حاجه من الاتنين ياتموتوا يا اما مهيب باشا يسامحكم

حسين : طب اتصل بيه ياباشا وانا مستعد ابوس رجله

الظابط : ماعنديش اوامر اتصل بيه .... ورجع يكمل تعذيب

* نرجع عندى انا

انا : معلش يا مرات عمى بعد اذنك عايز كوباية شاى

مرات عمى : حاضر يا مهيب

فاتن : خليكى يا امى انا هعمل الشاى ..... وقامت فاتن عملت الشاى وجابته وقالت : اتفضل الشاى يا مهيب

انا : شكرا يافاتن

فاتن : ليه كده يا مهيب

انا : علشان اهانتى مش بالساهل وزى مابهزر واضحك واسامح بعرف اعاقب كويس اللى يجى عليا

فاتن : طب علشان خاطرى كفايه كده ورجعهم دلوقتى

انا : خاطرك غالى عندى يابنت عمى بس مش هقدر ابلع الاهانه واسكت

فاتن : انت اخدت حقك وخلاص على كده

انا : سيبيهم شويه

فاتن : انت من كام يوم قولتلى ان طلباتى اوامر وهو ده الطلب اللى انا بطلبه منك مات**فنيش

انا : مايهونش عليا ا**فك حاضر

طلعت تليفونى واتصلت با ابو سيف

انا : ايو ياكبير كفايه على كده بلغهم الرساله وروحهم ساعه ويكونو فى البيت

ابو سيف : تمام

انا : ايه رايك ياستى اهى كلها ساعه ويكونو فى البيت

فاتن : شكرا بجد يا مهيب

انا : ميهونش عليا ا**ر بخاطرك

* نرجع عند الظابط

وفجاه والظابط شغال تليفونه رن وامر العساكر يوقفوا

الظابط : ايوا يافندم .... اوامرك .... ساع وكلو يكون خلصان

وبص لحسين وعياله وقال لحسين ... الباشا سامحكم بس بشرط

حسين : وانا موافق على كل اللى يؤمر بيه

الظابط هتخرج من هنا تروحله وتبوس رجله وتنفذ كل اوامره

حسين : حاضر ياباشا

الظابط : اعمل حسابك لو الباشا اتضايق منك تانى ليلتك مش هتعدى

حسين حاضر ياباشا

وبالفعل اخدوهم ورجعوهم البيت

* نرجع عندى انا

المهم قعدنا مع بعض وبعد ساعتين الباب خبط وقام عمى فتح الباب وكن حسين دخل يجرى بسرعه ونزل عند رجلى يبوسها

انا : اتعلمت الدرس ولا لسه

حسنين : السماح خلاص اتعلمت وبكره الصبح تقدر تستلم الارض ومن هنا ورايح مش هتعرضلكم تانى

انا : يلا غور روح البيت وبكره اول ما اكلمك تيجى زى الكلب انت وعيالك علشان نخلص الموضوع

حسين : حاضر تؤمرنى بحاجه تانى

انا : لا غور امشى ..... قام مشى

ابويا : انت عملتله ايه

انا : قرصة ودن خفيفه لولا فاتن اتدخلت كان زمان الحفله شغاله لاخر الاسبوع

عمى : انت ازاى كده انت حد مختلف عن مهيب اللى اعرفه

انا : لا ياعمى هو ده انا لان ببساطه انت ماشوفتش الوش التانى منى مش بيقولك الجزاء من ج*س العمل وانا عمرى ماشوفت منك غير كل خير علشان كده بتشوفنى مهيب الطيب لكن الحيوان ده ض*ب كرامتى يبقى يستحمل

خالى : بس انت زعلك صعب

انا : مش مع الكل رد فعلى بيبقى حسب الاهانه وحسب العشره يعنى ممكن تكون الاهانه كبيره واسامح فيها وممكن تكون صغيره وما اسامحش فيها

امى : طب خلاص نقفل على الموضوع ده

انا : على رائيك احنا كده اخدنا حقنا وكله تمام

فاتن : تعالى معايا يامحمد عايزاك

محمد : طب ثوانى ياجماعه اشوف فاتن عايزه ايه

* الحوار بين فاتن ومحمد

محمد : فى ايه ياتونه

فاتن : مش عارفه يامحمد حسيت نفسى مخنوقه وعايزه اتكلم معاك

محمد : ايه فى مالك

فاتن : مش عارفه حسيت بالخوف من مهيب

محمد : ههههههه هو ده السبب

فاتن : انت ماشوفتش مهيب عمل ايه لما زعل كان هيهد الدنيا

محمد : وانتى ماخدتيش بالك انه وقف كل حاجه بكلمه منك مع ان كلهم كانوا بيترجوه يقفل الموضوع

فاتن : قصدك ايه

محمد : بصى ياحبيبتى انا الوحيد فى الدنيا اللى اعرف مهيب كويس وفاهمه وزى ما انا الوحيد اللى عارف اسرارك انا برضه الوحيد اللى اعرف اسرار مهيب انتى لو لاحظتى كلام مهيب النهارده هتلاقيه مختلف عن كل مره

فاتن : ازاى يعنى

محمد : يعنى اول مره مايكلمكش على انك اخته وبيقول لامك الفتره اللى جايه هعمل حاجه تقربنا من بعض اكتر غير انك الوحيده اللى سمع كلامها كل الاحداث دى مابتقولش غير ان مهيب بيفكر فيكى

فاتن بفرحه : احلف

محمد : من غير ما احلف ده غير ان امبارح مهيب اتصل بيا وقالى ان هدير (وهدير دى تبقى بنت خالتى ) هترجع مع مهيب بيتهم تاخد كام يوم هناك علشان تفك شويه قبل الدراسه وقالى تعالى انت وفاتن واهو ننزل الاقصر ونتفسح وناخد يومين وانا وافقت واستاذنت من ابوكى

فاتن : طبعا طالما فيها هدير يبقى لازم توافق

محمد : قصدك ايه

فاتن : انت عارف قصدى كويس بلاش نلف وندور على بعض

محمد : اعمل ايه بحبها

فاتن : طالما بتحبها ليه ماتصارحهاش

محمد : خايف ترفضنى

فاتن : طب هتعمل ايه لو حد اتقدملها ووافقت المره دى على فكره ده رابع واحد ترفضه

محمد : مش عارف بقى اقفلى الموضوع ده ويلا نرجع للجماعه علشان احنا اتاخرنا عليهم

فاتن : ايوه كده اهرب زى عادتك

* من ناحيه تانيه بينى انا وهدير

انا : ايه يابنت خالتى هتيجى معانا البيت بكره

هدير : مش عارفه

انا : ليه كده بس

هدير : ماليش نفس اروح فى حته

انا : خلاص براحتك يبقى اتفسح انا ومحمد وفاتن لوحدنا

هدير : هو محمد جاى

انا : ايوه هو وفاتن جايين

هدير : خلاص جايه

انا : ايوه كده اتعدلى

هدير : بص شوفلك حل مع صاحبك انا تعبت كل شويه ارفض عريس بسببه وهو مش حاسس وكل العرسان اللى رفضتهم مافيهمش عيب وانا شكلى بقى وحش قصاد ابويا

انا : لا فبهم عيب

هدير : ايه هو العيب ده

انا : مافيهمش ولا واحد محمد

هدير : طب اقفل الموضوع ده بدل مادخل اولع فيه

انا : على فكره هو بيحبك وانا متاكد من الكلام ده

هدير : ياعم انت كل شويه تقولى بيحبك وهو مابيتكلمش يعنى اروح اتقدمله انا

انا : يابنت عيب

هدير : انت ايه حكايتك مع فاتن النهارده

انا : بحبها وعايز اتجوزها

هدير : كده احلوت يامعلم يعنى انا بحب محمد وانت بتحب فاتن وهما الاتنين مش حاسين دى نقتلهم ونتجوز انا وانت ونريح دماغنا

انا : هههههههه طب اقفلى على الموضوع ده دلوقتى احسن محمد وفاتن جيين علينا

محمد : تعالى يا مهيب نتمشى شويه فى البلد

انا : يلا بينا

خرجنا انا ومحمد نتمشى

محمد : ممكن بقى تفهمنى ايه اللى بيحصل بالظبط

انا : ايه اللى بيحصل ما كل حاجه قدامك

محمد : ايوه كل حاجه قدامى بس مش فاهم اللى بيحصل فى الكواليس وانت عارفنى لازم ابقى عارف كل حاجه

انا : كل اللى حصل انى كلمت ابو سيف علشان يساعدنى ارجع ارضى وهو اللى حط معايا خطه القبض على الح*****ت دول وتهديهم علشان نرجع الارض بس كده

محمد : مش ده قصدى

انا : امال تقصد ايه

______________

ياترى محمد عايز ايه ده اللى هنعرفه الحلقة الجاية