الفتي الشرير

الحلقة التاسعة

الحلقة التاسعة

######

#

* من ناحيه تانى عند مى واسماء

اسماء : انتى شوفتى اللى حصل ده

مى : شوفت ومش مصدقه طب اقول ايه لمنه دلوقتى

اسماء : قوليلها انه خطب .... بس المشكله فى ياسمين دى هتخرب الدنيا

مى : تخرب الدنيا ليه مش مهيب راحلها وهى اللى رفضته خليها تقابل بقا ..... بس بقولك ايه شوفتى خطيبة مهيب وبنت خالته

اسماء : مالهم

مى : حلوين اووووى وخصوصا خطيبة مهيب حاجه ماشوفتهاش قبل كده .... امال ايه اللى كان عاجبه فى ياسمين

اسماء : وحياتك عندى ماعرف يبقى عنده واحده زى دى ويسبها

مى : شايفه بيضحو ازاى وماسك ايديها ازاى

اسماء : هو ده مهيب اللى انا اعرفه من زمان مش مهيب اللى مص*ر الوش الخشب الجديد من ساعة اللوك اللى عمله

مى : ازاى يعنى

اسماء : مهيب من ساعة اللى عملته معاه ياسمين وهو اتغيرت فيه حاجات كتير اهمها ضحكته تحسيه بيجامل مش بيضحك بنفس وعينه ثابته وكئيبه لكن اللى قدامى ده مهيب بتاع زمان بضحكته العفويه وبيتعامل بطبيعته من اللى انا شايفاه دلوقتى اقدر اقولك ان مهيب بيحبها

مى : وهى كمان باين عليها بتحبه ماشوفتيش قلبت وشها ازاى اول ماسلمنا عليه

اسماء : عندك حق .... والاكبر من كده كمان انها بنت عمه واخوها صاحب مهيب الوحيد وانا سمعت من مهيب قبل كده انه بيعشق حاجه اسمها عمه يعنى احتمال انهم يسيبوا بعض ده مستحيل

مى : عندك حق

اسماء : المهم انا هقول ايه لياسمين انا المفروض هبات عندها

ولو عرفت من بره ان انا كنت عارفه وماقولهاش هتقتلنى

مى : وانا كمان هبات معاها

اسماء : ايه ده انتى بايته معاها

مى : ايوه لانى ابويا قريب ابو ياسمين من بعيد والفرح اللى رايحينه يبقى قريبنا علشان كده قالولى ابات مع ياسمين

اسماء: طب كويس يبقى نقولها مع بعض

مى : طب يالا بينا نمشى ونروحلها

اسماء : يلا بينا

* نرجع عندى انا بعد مخلصنا قعدتنا روحنا البيت وقعدنا شويه مع بعض وبعدين

فاتن : يا مهيب عايزه اقعد معاك شويه لوحدنا فى حاجات عايزه اكلمك فيها

انا : طب اعمليلنا كوبايتين شاى من ايدك وحصلينى على البلكونه

فاتن : حاضر

*من ناحيه تانى عند مى واسماء وياسمين

اسماء : فى خبر وحش ومش عارفه اقوله ازاى

ياسمين: فى ايه انطقى

اسماء : مهيب خطب

ياسمين : انتى بتقولى ايه ... خطب مين اوعى تقولى منه

مى : لا بنت عمه

ياسمين : بنت عمه اللى كانت مستياه قدام الدرس النهارده

اسماء : ايوه

ياسمين : مين قالكم

مى : مهيب اللى قالنا

ياسمين : قالكم امتى

مى : من شويه كنا بنتمشى وقولنا ندخل الكافيه لقينا مهيب وقاعد مع ابن عمه وبنتين دخلنا سلمنا عليهم و مهيب عرفنا عليهم واحده بنت خالته وخطيبة ابن عمه والتانيه تبقى خطيبته وبنت عمه

ياسمين: بقى كده ده انا هخربها عليه هو وبنت عمه

مى : هتعملى ايه يعنى

ياسمين : هفكر والاقى طريقه

اسماء : ماتتهوريش لان مهيب مش هيسامح فى الموضوع ده بالذات لانى من معرفتى بيه عيلة عمه حاجه مقدسه بالنسباله وابن عمه صاحبه الوحيد

ياسمين: هيعمل ايه يعنى

اسماء : ماعرفش بس ساعتها مش هيكتفى انه يطنشك زى ماعمل قبل كده لا وقتها ممكن يدمرك

ياسمين : يعنى ايه

اسماء : يعنى لو بتفكرى تضرى مهيب انا مش معاكى لان ساعتها مهيب مش هيرحمنى وكمان مهيب عمرى ماشوفت منه حاجه وحشه بالع** ماشوفتش منه غير كل خير

* نرجع عندى انا

فاتن : ادى ياسيدى احلى كوباية شاى

انا : كل حاجه من ايدك حلوه

فاتن : طب كفايه الكلام ده علشان انا بت**ف وعايزه اكلمك كلام جد شويه

انا : خير

فاتن : يعنى هتقولى الحقيقه

انا : قبل ماتقولى حاجه انا عايز اسالك كام سؤال

فاتن : اتفضل

انا : احنا نعرف بعض من قد ايه

فاتن : من اول مانا اتولدت

انا : عمرى كدبت عليكى فى حاجه

فاتن : بصراحه عمرك ما كدبت عليا طول عمرك ص**ح معايا

انا : عمرى وعدتك بحاجه ومانفذتهاش

فاتن : برضه لا طول عمرك قد كلمتك

انا : يبقى تسالى على طول من غير لف او دوران

فاتن : اوك .... انت ليه خطبتنى

انا : اسباب كتير .... اولها انى بحبك وحاجات تانيه كتير

فاتن : حاجات ايه دى

انا : يعنى احنا متربيين مع بعض وفاهمك وفاهمانى وابويا وامى بيحبوكى وانتى بتحبيهم ده غير ابوكى وامك بالنسبه بالنسبه ليا واخوكى انتى عارفه علاقتى بيه عامله ازاى

فاتن : طب ما كل الحاجات دى كانت موجوده من زمان ايه اللى خلاك تسيبنى وتحب جارتك

انا : اولا انا اللى اكتشفته انى عمرى ماحبيت ياسمين بس كل اللى حصل انى كنت حاسك بتعاملينى زى محمد اخوكى وياسمين بحكم ان احنا مع بعض طول اليوم سواء فى الدروس او هنا فى البيت تقدرى تقولى اتعودت عليها معايا يعنى الحكايه مسالة تعود بدليل انى حتى مافكرتش ازعل منها او اعتبها بالع** اتعاملت معاها عادى جدا وده يدل على انها ماتسواش حاجه بالنسبالى

فاتن : انا خايفه تكون بتغيظها بيا

انا : يبقى انتى متعرفنيش انا عمرى ما اعمل كده فى بنت عمى اللى بعتبره ابويا واخت صاحبى الوحيد اللى اغلى عندى من اخويا ده حتى الفلوس الكتير اللى جاتلى يوم مافكرت اقسمها قسمتها مع اخوكى مانا كنت قادر اخدها ليا وحدى وماحش هيعرف بحاجه ثم انى لو عايز اغيظها البنات كتير جدا اقدر امشى مع اى واحده شويه وبعد كده اسيبها لكن انا اخترتك علشان بحبك وعايز اتجوزك

فاتن : بمناسبة الفلوس من الاخر انت **بت كام انت واخويا لانى مش مصدقاكم وحاسه انها اكتر من كده بكتير

انا : هى فعلا اكتر من كده وانا مستعد اقولك كام بس تحلفيلى انك مش هتقولى لحد نهائى ولا حتى هدير

فاتن : وحيات حبى اللى بحبوهولك من سنين السر اللى هتقولهولى عمرى ماهقوله لمخلوق لحد ما اموت ولا حتى اخويا اللى سرى كله معاه

انا : وانا مصدقك .... بصى ياستى انا ومحمد **بنا 100 مليون دولار

فاتن : انت بتتكلم بجد

انا : واكدب عليكى ليه انا امنتك على سرى

فاتن : وهتعملو ايه بالفلوس دى كلها

انا : هنستنى السنه دى تخلص يكون محمد خلص كليه ونفتح شركه مع بعض وهنستنى تكونى انتى خلصتى ثانوى ودخلتى جامعه وهدير تكون اخدت سنتين فى الجامعه وساعتها هنتجوز مع بعض زى ما اتخطبنا مع بعض

فاتن : يعنى يا مهيب بتحبنى زى ما بحبك ولا بتضحك عليا

انا : بحبك وبعشقك وبموت فيكى كمان

فاتن : وانا كمان بحبك وبعشقك بس المره الاخيره دى انا خوفت منك .... ممكن اطلب منك طلب

انا : خير

فاتن : عايزاك تسامح عمك انت اخدت حقك منه هو وعياله وعاقبتهم بما فيه الكفايه يبقى نقفل الموضوع ده خلاص

انا : علشان خاطرك انا سبتهم لولا انك اتوسطيلى كان زمانى قاتلهم كلهم وادفنهم صاحيين مش انا اللى اتض*ب بالقلم هو اه عمى بس مايض*بنيش انا ابويا عمره حتى مازعقلى هو يحمد ربنا ان سيبته يروح البيت عايش هو وعياله

فاتن : علشان خاطرى خلاص انت فى حالك وهما فى حالهم

انا : موافق بس ب 3 شروط

فاتن : ايه هما

انا : اول حاجه يبعدو عن طريقى وينسونى

فاتن : موافقه وهقول لابويا يبلغهم ولو ان بعد اللى انت عملته فيهم ماحدش يقدر يقربلك ... ايه تانى

انا : تقولى بحبك

فاتن : ماشي ياسيدى بحبك وبعشقك وبموت فيك ... ايه تانى

انا : تدينى بوسه فى خدى دلوقتى

فاتن : لا روح اقتلهم كلهم

انا : قولت كده من الاول

فاتن : احلف يا مهيب انك هتسيبهم لو انا غاليه عندك

انا : وغلاوتك عندى هسيبهم بس الشرط التالت انا هستنى عليه شويه

فاتن : يبقى هتستنى كتير

انا : متخافيش انا نفسى طويل

فاتن : المهم هتبداء بنى فى الڤلل امتى

انا : اول ما اشترى على طول هنبداء فى البنا وفى خلال السنتين دول هتكون كل الڤلل جاهزه نكون جهزنا نفسنا علشان نتجوز على طول

فاتن : اكتر حاجه مفرحانى ان احنا كلنا هنبقى بعض

انا : اصل عارف حبك لاخوكى وابوكى وامك ومش هينفع كل كام يوم تقولى انا عايزه امى عايزه ابويا انا هجبهوملك كلهم عندك

فاتن : دى اكتر انا بحبها فيك انك فاهمنى كويس مش محتاجه اقول انا عايزه ايه طول عمرك بتعمل اللى انا عايزاه من غير ما اطلب منك

انا : طب دى حاجه كويسه انى فاهمك

فاتن : مش كويسه اوى يعنى اصلى الواحده ساعات بتحب تخبى حاجات بس انت ومحمد على طول بتكشفونى

انا : ده مش علشان احنا اذكياء ... لا ده علشان انتى نضيفه وطيبه زياده عن اللزوم ومابتعرفيش تخبى

فاتن : طب يالا بينا انا عايزه انام تصبح على خير

انا : وانتى من اهله ادخلى انتى وانا هقعد شويه واحصلك

فاتن : تمام

* نرجع عند ياسمين ومى واسماء

اسماء : هو اللى انا سمعته ده بجد

ياسمين : مش عارفه

مى : ايه حكاية الفلوس دى كلها جابها من فين

اسماء : ايه حكاية عمه واللى عمله فيه

مى : وكده اتاكدنا انه بيحب بنت عمه لدرجه انها تتوسطله فى موضوع عمه

اسماء : يعنى يا ياسمين احسنلك انك تبعدى عنه واذا كان عدهالك مره مش هيعدى التانيه

ياسمين: مالكمش دعوه بيا سيبونى فى حالى

اسماء : انتى عارفه انا بحبك قد ايه ولازم انصحك ابعدى عن مهيب

* نرجع عندى انا

بعد ماخلصت مع فاتن دخلت اوضتى لقيت اخواتى نايمين ومحمد صاحى وقاعد على سريرى

محمد : كويس انك جيت علشان عايزك فى موضوع

انا : خير

محمد : انا بقيت حاسس انك بتخبى عليا حاجات كتير وبتفاجئ ببها

انا : ازاى تقول كده ده انا كل خطوه فى حياتى ببقى قايلك قبلها

محمد : امال ايه حكاية الارض والڤلل والعمارتين اللى عايز تبنيهم من غير ماتقولى

انا : بس كده انا هحكيلك انا بفكر فى وهعمل ايه

موضوع الارض ده انت عارف طبعا ان ابن راجح الصغير صاحبى وهو اللى قالى على موضوع الارض دى وان بعد ابوه مامات اختلفو على الشركه وهيبيعوا كل حاجه ويقسموا مع بعض براحتهم والموضوع ده كان قايلهولى من فتره بس انا ماهتمتش لانى مكانش معايا فلوس اشترى لكن بعد موضوع خطوبتنا قولت ليه مانلمش العيله كلها مع بعض

محمد : طب وموضوع العمارتين دول

انا : اولا هما مش عمارتين بس

محمد : امال ايه

انا : غير الڤلل والعمارتين هنبنى قصر كبير وهو ده اللى هنحكم منه

محمد : نحكم ايه

انا : انا وانت لازم نبقى كبار العيله والقصر ده هيبقى للحكم لاننا لازم نرفع اسم عيلة صقر لفوق وانا وانت اللى هنعمل ده هنعمل مشاريع كبيره وهنشغل العيله كلها وهنوزعهم على كل المحافظات وهنعمل مشاريع فى كل مكان وهنعمل جمعيه باسمنا بس الكلام ده بعد خمس سنين نكون جهزنا كل حاجه وابتدينا الاساس انا وانت وانت اللى هتبقى مسئول عن الناس اللى هتتوزع كل واحد منهم هيبقى كبير المحافظه اللى هو فيها وانت هتبقى كبيرهم كلهم وهتبقى النائب بتاعى وانا همول المشاريع دى وانت اللى هتظبط الامور القانونيه دى واظن ان انت السنه دى اخر سنه فى حقوق وكل سنه بتطلع الاول على الجامعه ومن سنه اولى متمرمط فى مكاتب المحامين والقانون لعبتك ده لو انت موافق

محمد : طبعا موافق

انا : بس فى حاجه كمان مش بس هنعمل مشاريع لازم يبقالنا رجالتنا فى كل مكان فى البلد

محمد : يعنى ايه

انا : يعنى يبقالنا رجاله فى الداخليه والحربيه والبنوك والمستشفيات والضرايب وكل خرم فى البلد

محمد : ساهله الفلوس تعمل اى حاجه

انا : اللى تشتريه النهارده بالفلوس ممكن بكره يبيعك بالفلوس

محمد : طب هنعملها ازاى دى

انا : عيلتنا مليانه شباب كتير قوى فى ثانوى ده غير اللى ف طب وصيدله وتجاره وحقوق وكل التخصصات اللى يحبها قلبك احنا بقى مهمتنا دول هنا بقى الفلوس مهمه اللى فى ثانوى هندخلهم شرطه وحربيه وباقى الكليات عادى بس اهم حاجه لازم كل سنه يبقى عندنا تلاته حربيه وتلاته شرطه غير ان لازم يبقى عندنا كذا حد شغال فى النيابه اما بتوع تجاره دول هنوزعهم على كل بنوك مصر والضرايب ودول هيشتغلو تحت ايدى ساعتها بس هنقدر نقول ان احنا حكمنا البلد

محمد : هى فكره مجنونه بس لو حصلت محدش هيقدر علينا

انا : فى حاجه مهمه لازم نتفق عليها

محمد : ايه هى

انا : كبير العيله مايخرجش منى انا وانت يعنى انا مش موجود انت موجود ولو انا وانت مش موجودين لازم يبقى حد من عيالنا علشان كده قولتلك لازم نتجوز بعد سنتين علشان ولادنا يكبروا واحنا لسه شباب ويقفوا جنبنا

محمد : عندك حق وانا موافق

انا : كده تمام يلا تصبح على خير

محمد : وانت من اهله

* عند حسين عم امى واولاده

عامر : بتفكر فى ايه يا ابويا

حسين : بفكر فى اللى حصل فينا معقول الارض تروح بالبساطه دى ونتعذب ونتهان

سمير : لازم ناخد حقنا ونرد الاهانه

حسين : اصبر عليا انا هعرف ارجع الارض وارجع حقى منهم كويس وهخليهم يبوسوا رجلى علشان ارحمهم

حسنيه : احسنلكم بلاش لان اللى حصلكم ده رد فعل قلم ض*بته ل مهيب مابالكم لو زودتوها معاه

حسين : اخرسى خالص ... انا ماحدش هيوقفنى عن انتقامى

* نرجع تانى عندى

بعد مامحمد نام بقيت صاحى بفكر فى كل حاجه وانا صاحى تليفونى رن وكانت ياسمين

انا : الووووو

ياسمين : ازيك يا مهيب

انا : تمام ..... خير فى حاجه

ياسمين : عايزه اقعد معاك شويه

انا : بكره قبل الدرس نبقى نتكلم

ياسمين : لا دلوقتى عايزاك اخرجلى فى البلكونه .... وقفلت السكه

انا : عابزه ايه دى دلوقتى قلقت واضطريت اخرج اشوفها وانا خارج لقيت فاتن وهدير فى الصاله قاعدين بيرغوا

انا : ايه اللى مقعدكم فى الصاله كده

هدير : ابدا مش جايلنا نوم وكنا بنرغى واخواتك نايمين قولنا نقعد فى الصاله علشان مايقلقوش .... انت ايه اللى مخرجك دلوقتى

انا : فى مشكله معايا وخارج اشوفها

فاتن : خير مشكلة ايه دى

انا : تعالوا اقفوا عند باب البكونه وماتدخلوش البلكونه غير لما اشاورلكم

هدير : ايه يا ابنى الالغاز دى

انا : تعالو ومحدش يعمل صوت

بعدها خرجت البلكونه ولقيت ياسمين واقفه

انا : خير يا ياسمين فى ايه

ياسمين : مفيش بس لقيت نفسى متضايقه وقولت اكلمك شويه

انا : طب ما انتى عندك مى واسماء اقعدى معاهم براحتك

ياسمين: بس انا عايزه اقعد معاك

انا : ياسمين هاتى من الاخر انتى عايزه ايه

ياسمين : انا بحبك

بصيت على فاتن لقيتها اتعصبت وهتدخل لولا ان هدير مسكتها

انا : ههههههههه حلوه النكته دى

ياسمين: بس انا مابقولش نكته

انا : احسن حاجه انى اتعامل مع كلامك على انه نكته والا كلنا هنزعل

ياسمين : نزعل ليه انا بحبك وانت بتحبنى

انا : مين قالك انى بحبك

ياسمين: انت اللى قولتلى انك بتحبنى

انا : وفاكره ردك عليا وقتها كان ايه كان اهانه وقلة ادب وغطرسه فارغه لكن لما الحكايه اتقلبت ندمتى .... بس للاسف الوقت اتاخر انا دلوقتى خاطب وبحب خطيبتى ومش ممكن ازعلها علشان اى حاجه ولو حد فكر يدايقها انا همحيه من على وش الارض واذا كنت انا عديت الكلام اللى انتى قولتيه قبل كده وماحسبتكش عليه مش علشان بحبك لا ده علشان انتى ماتسويش بالنسبالى انى افكر حتى اعاتبك او اذيكى وانا كمان هعدى الكلام بتاع النهارده كانه ماحصلش وابعدى عنى يابنت الناس بدل ماتندمى ... وبعد كده شاورت لفاتن تدخل

فاتن : ايه ياحبيبى اللى مصحيك دلوقتى وجات فى حضنى

انا : لا ياحبيبتى مفيش حاجه بس ياسمين كانت بتسالنى على حاجه فى الدرس بتاع بكره

فاتن : ماشى يا حبيبى

انا : اعرفك ياياسمين دى فاتن بنت عمى وخطيبتى وحبيبتى ودى هدير انتى شوفتيها الصبح

فاتن : ازيك يا ياسمين

ياسمين : تمام كويسه

فاتن : انت سهران ولا ايه

انا : اه انا قاعد شويه

هدير : طب ايه رائيك تصحى محمد ونسهر هنا فى البلكونه الجو هنا حلو وانا هدخل اعمل شوية ساندوتشات وحاجه نشربها ونسهر هنا

فاتن وانا وافقنا

انا : بعد ازنك يا ياسمين

ياسمين : اتفضل

دخلت انا وفاتن وهدير الصاله واول ما دخلنا فاتن اخدتنى بالحضن

فاتن : انا بحبك قوى يا مهيب

انا : وانا كمان بعشقك ... بس ايه التغير ده كده مش باقى غير البوسه .... فاتن اخدت بالها من اللى عملته واتنترت بعيد وجربت على الاوضه

هدير : هههههه ليه كده **فتها

وفجاه محمد خرج

محمد : ايه فى يا اخوانا

انا : مافيش حاجه روحى يا هدير جهزى ال**ندوتشات وهاتى فاتن وحصلونا

هدير : حاضر

محمد : حد يفهمنى فى ايه

انا : حاضر ياسيدى كل الحكايه وحكيتله اللى حصل وبعد كده خرجنا البلكونه

* من ناحيه تانيه عند اسماء ومى وياسمين

اسماء : قولتلك بلاش اهو شوفتى رد فعله

مى : بس مهيب بقى شديد جدا شوفتى عمل ايه

اسماء : على فكره لولا ان خطيبته دخلت عليه اضطر يلم الدنيا يعنى لو كانت اتاخرت شويه كان عمل اكتر من كده انا عارفه مهيب كويس هو بس لم الدنيا علشان مايعملش مشكله مع خطبته

ياسمين : انا هنتقم منه

مى : احسنلك بلاش ويلا بينا ندخل ننام

* نرجع عندى بعد ما اخدنا سهرتنا دخلنا نمنا وصحيت الصبح علشان عندى درس الساعه 11 اخدت الشاور بتاعى ولبست واخدت العربيه وروحت الدرس وانا هناك لقيت كل اصحابى موجودين حتى منه وياسمين واسماء ومى قاعدين وباين على شكل منه انها عرفت واصحابى كلهم عرفوا ودخلو يباركولى كلهم وبعد كده دخلنا الدرس

المستر : الف مب**ك يا مهيب على الخطوبه

انا : يبارك فيك يامستر

المستر : ايه خطوبة صالونات ولاحب

انا : لا طبعا حب يامستر وحضرتك وكل الناس هنا معثقزومه على الخطوبه بعد العيد

المستر : الخطوبه ف قاعة ايه

انا : لا الفرح مش فى نادى الفرح على الحراوى

المستر : صحراوى ايه يابنى

انا : اعمل ايه العروسه عايزاه فرح بدوى وانا لقيتها فكره حلوه وجديده فوافقت

المستر : وافقت ولا اضطريت توافق

انا : هههههه طول عمرك فاهمنى يامستر

المستر : طب هنجيلك ازاى الصحراوى ونرجع اتنى

انا : ماتخافش يامستر هتفق مع عربيات هتاخدكم من بيوتكم وترجعكم البيت تانى بعد الليله ماتخلص

المستر : ماشى يا مهيب ... بس ياترى العروسه حلو ده .. يعنى تستاهل التعب ده كله

انا : عيب عليك يامستر هو انا هختار اى حد

المستر : ايه اعرفها انا

انا : لا دى بنت عمى من عندى من البلد

المستر : على العموم ربنا يكرمك يا مهيب

________________

*كدة اقدر اقول اننا هنبدا بقا ف الاكشن .

في توضيح مهم بالنسبة ل شخصية انجي واميرة انا تعمدت وجودهم ف الحلقات دلوقتي وبعدين لاني الرواية دي مهما كانت بالنسبالك خيال ف هي واقعية جدا وكل شخصياتها واقعية وأحداثها بتحصل ف الواقع فعلا