الفتي الشرير

الحلقة العاشرة

#الفتي_الشرير

#الحلقة_العاشرة

____________

* فى القاهره بين خالى ومراته واولاده

هاله : حمد الله على السلامه ياسعد

خالى : تسلمى ياحبيبتى ايه اخبارك انتى

هاله : كلنا بخير ياحبيبى بس ماقولتليش عملتوا ايه فى البلد

خالى : رجعنا الارض كلها وخلصنا الورق

هاله : بالسهوله دى فى كام يوم تعملوا كل ده امال ليه عمك كان منشف ريقنا

خالى : سهولة ايه دى حصلة مصايب ومشاكل كبيره جدا

امنيه : خير يابابا ايه حصل

خالى : مهيب عمل مشاكل كتير هناك وقلب البلد كلها وهو اللى قدر يرجع الارض

هاله : ازاى ده

وحكى خالى كل اللى حصل فى موضوع الارض وكلهم مصدومين

هاله : بطل هزار بقى

خالى : والله مابهزر

هاله : ازاى مهيب عمل كل ده انت هتلخبطنى ليه هو انا مش عارفه مهيب

خالى : انسى مهيب اللى كنتى تعرفيه انا اللى اسمى خاله ويعتبر مربيه اتفاجات بيه ده غير مهيب اللى اعرفه هى صحيح الفلوس بتقوى بس مش للدرجه دى مهيب اللى شوفته اليومين اللى فاتو حاجه تانيه خالص شخص مابيخافش قلبه ميت مهيب بتاع زمان لما ابوه يقوله كلمه كان بيقول حاضر على طول لكن المره دى كلنا كنا بنتحايل عليه يسيبهم عارفه رد عليلنا بايه لما اتحايلنا عليه يسيبهم

هاله : قال ايه

خالى : قال لو حد كلمنى تانى عليهم هرجعهم بيتهم جثث

امنيه : ايه اللى انت بتقوله ده يابابا مستحيل يكون ده مهيب ابن عمتى اللى انت بتتكلم عليه

خالى : لا هو مهيب

هاله : طب فى حاجه انا مش فاهماها ... ازاى مهيب سابهم

خالى : فاتن بنت عمه طلبت منه يسيبهم وهو اضطر انه يسمع كلامها

هاله : اشمعنى فاتن يعنى ماسمعش كلام الكبار وسمع كلام فاتن

خالى : اه ما احنا اكتشفنا بعد كده انه بيحبها وطلب ايدها وهى كمان طلعت بتحبه

هاله : بجد

خالى : اه ومحمد كمان خطب هدير بنت اختى والحفله بعد العيد اعملى حسابك

امنيه : ايوه صحيح طارق كلمنى امبارح وقالى على حكاية الخطوبه بس انا نسيت اقولك ياماما

هاله : طب كويس والله احسن حاجه ان مهيب ومحمد خطبوا من العيله مش عايزين واحده غريبه تدخل العيله

خالى : احسن برضه وخصوصا بعد الفلوس اللى الاتنين دول عملوها هيبقوا مطمع لناس جوه وبره العيله بس هما لحقوا نفسهم وخطبوا سريع سريع

هاله : ايوه صحيح فكرتنى بموضوع الفلوس ده هو مهيب عمل كام من الموضوع ده

خالى : بيقولو ان كل واحد فيهم عمل عشره مليون دولار بس انا متاكد انها اكتر من كده بكتير

هاله : ايه اللى يخليك تقول كده

خالى : احساسى ومعرفتى با مهيب مخلينى متاكد انها اكتر من كده بكتير كمان

امنيه : عندك حق يابابا ده كفايه الفلوس اللى بعتهالك

هاله : ايوه صح ده باعتلك 2 مليون كانهم ولا حاجه

خالى : سيبكم من مهيب دلوقتى خلينا فى المهم حد سال عليا وانا مسافر

هاله : ايوه انجى جارتنا

خالى : ليه عاوزه ايه دى

هاله : عايزه تغير د*كورات فى شقتها وقالتلتلى اوصيك عليها عاجبها الشغل اللى انت عامله هنا فى الشقه عايزاك تعملها د*كورات حلوه كده

خالى : خلاص كلميها وقوليلها تعدى عليا بكره فى المكتب علشان اوريها الكاتلوجات الجديده اللى جات من بره وتشوف اللى هى عايزاه

هاله : خلاص تمام هكلمها واقولها تعدى عليك الصبح

خالى : طب اسيبكم دلوقتى وهنزل المكتب اشوف الشغل هناك عامل ايه

هاله : طب ريح انت لسه راجع من السفر الصبح ومانمتش

خالى : معلش بس فى شغل كتير لازم يتسلم اخر الاسبوع لازم اشوف ايه حصل فيه

هاله : طب هتتاخر بره

خالى : لا مش هتاخر لانى تعبان من السفر هطمن على الشغل وارجع

وقام خالى علشان يروح المكتب وهو نازل فى الاسانسير باب الاسانسير اتفتح ودخلت انجى

انجى : ازيك يابشمهندس

خالى : ازيك يامدام

انجى : تمام كويسه ايه فينك مش ظاهر كده

خالى : اه كنت مسافر البلد يومين

انجى : حمدالله على السلامه

خالى : الله يسلمك

وخرجوا من الاسانسير

انجى : هى هاله كلمتك عليا

خالى : ايوه قالتلى وقلتلها تبلغك تعدى عليا فى المكتب بكره الصبح علشان اوريكى الشغل

انجى : طب تمام ... اعدى عليك الساعه كام

خالى : اى وقت يريحك من الساعه 9 للساعه 3 لانى بعد كده مش هبقى موجود فى المكتب هيبقى معايا شغل بره

انجى : طب ممكن رقم تليفونك علشان اتصل بيك ناكد المعاد

خالى : اه طبعا اتفضلى ده الكارت فيه رقم المكتب ورقم الموبايل بتاعى

انجى : طب سلام دلوقتى

خالى : مع السلامه ... ومشيت انجى

خالى مع نفسه : مسيرى هجيبك

* امنيه بعد ما خالى مشى دخلت اوضتها واتصلت بفاتن

امنيه : الف مب**ك ياجزمه

فاتن : طب ليه بتشتمى

امنيه : لانى بقالى كام يوم بتصل بيكي انتى والجزمه التانيه هدير وماحدش بيرد عليا

فاتن : ماعلش ياحبيبتى والله اليومين اللى فاتوا كانوا مليانين احداث ومشاكل

امنيه : ايوه بابا حكالى على اللى مهيب عمله بس حاسه انه بيبالغ شويه

فاتن : بيبالغ ايه انتى ماشوفتيش اللى حصل ده مهيب كان هيهد الدنيا وليه علشان اتض*ب بالقلم لدرجه انى اترعبت منه

امنيه : اترعبتى ايه يامسهوكه انتى ده انا سمعت ان انتى اللى خلصتى المشكله

فاتن : ايوه بس انتى لو شوفتى شكل مهيب هتترعبى

امنيه : يلا على العموم ياستى مب**ك على الخطوبه

فاتن : الله يبارك فيكى ... صحيح انتى ايه اخبارك مع طارق

امنيه : مافيش جديد بيقولى مستنى يدخل جامعه وبعد كده يتقدملى

فاتن : ياستى اعملو زى ماعملت انا و مهيب اتخطبنا بس لسه بدرى على الجواز

امنيه : انا لو عليا ماعنديش مانع بس ماينفعش انا اللى اطلب ده لازم هو اللى يطلب

فاتن : عندك حق .... طب استنى اهو مهيب جيه كلميه

امنيه : طب ماشى

انا : ايه بتكلمى مين يافاتن

فاتن : دى امنيه بنت خالك خد كلمها

انا : اديهالى ..... ازيك يا امنيه

امنيه : ازيك يا مهيب واحشنى والله

انا : وانتى كمان واحشانى انتى ومامتك واخوكى

امنيه : مب**ك ياسيدى على الخطوبه

انا : الله يبارك فيكى ياستى عقبالك

امنيه : تسلم يا مهيب

انا : هتنزلوا البلد امتى

امنيه : قبل العيد باسبوع

انا : تيجوا بالسلامه

امنيه : الله يسلمك

انا : طب اسيبك تكملى مع فاتن بس معايا كام حاجه عايز اخلصها

امنيه : طب سلام يا مهيب

وبعد ماخصلت فاتن مع امنيه

فاتن : فى موضوع مهم عايزه اكلمك فيه

انا : خير

فاتن : طارق وامنيه بيحبوا بعض

انا : مين قالك الكلام ده

فاتن : امنيه بنفسها قالتلى انهم بقالهم فتره كبيره بيكلموا بعض

انا : طب انا ايه المطلوب منى دلوقتى

فاتن : امنيه قالت لطارق امتى هيتقدملها قالها اول ما يدخل جامعه

انا : طب وايه المشكله

فاتن : انت عارف كويس اخوك كل كام يوم مع واحده شكل وامنيه متدايقه من الموضوع ده وحاسه ان اخوك بيتسلى بيها

انا : انتى عندك حق طارق مزودها فى موضوع البنات ده وانا ياما اتكلمت معاه فى الموضوع ده بس مش بيسمعلى حتى امى عرضت عليه موضوع الخطوبه ورفض

فاتن : طب ايه رائيك اكلمه انا واحاول اقنعه

انا : هتقوليله ايه يعنى

فاتن : مش انا لوحدى هكلمه

انا : مين تانى هيكلمه

فاتن : هخلى هدير تكلمه معايا ونقنعه

انا : انتوا حرين اعملوا اللى انتوا عايزينه

فاتن : طب هو فين طارق

انا :مش عارف اتصلى بيه شوفيه

فاتن : حاضر هكلمه

وطلعت فاتن تليفونها واتصلت بطارق

فاتن : انت فين ياطارق

طارق : انا فى مشوار هنا جمب البيت

فاتن : هتتاخر

طارق : لا ساعه كده واكون فى البيت ليه عاوزه حاجه

فاتن : لا بس كنت عايزه اتكلم معاك فى موضوع بس لما ترجع

طارق : موضوع ايه ده

فاتن : مش هينفع فى التليفون لما تيجى نتكلم وماتقلقش مفيش مشاكل

طارق : طب ماشى ياستى انا كلها ساعه واكون فى البيت

فاتن : تيجى بالسلامه

وقفلت مع طارق وكلمتنى

فاتن : كلها ساعه وهيجى وهقعد معاه

انا : لما نشوف اخرها

فاتن : بس انا مش عايزاك تبقى موجود فى القعده دى

انا : اكيد طبعا .... على العموم انا نازل مشوار وانتوا براحتكم

فاتن : مشوار ايه ده

انا : عايز اخلص موضوع الارض اللى اتفقنا عليها

فاتن : طب تمام ... اعمل حسابك بكره راجعين البلد

انا : طب تمام

وسبت فاتن ونزلت وفاتن قعدت مع هدي وفهمتها كل حاجه وقعدوا فى البلكونه مستنين طارق ومن ناحيه تانيه ياسمين قاعده بتتصنت عليهم وعايزه تسمع بيقولوا ايه

* بعد مارجع طارق البيت راح لفاتن وهدير فى البلكونه

طارق : ازيكوا يابنات

فاتن وهدير : ازيك ياطارق

طارق : عاوزه ايه يافاتن

فاتن : اقعد الاول علشان نعرف نتكلم

طارق : ماشى ياستى قعدنا اهو خير بقى

فاتن : انت مش ناوى تخطب بقى

طارق : ايه عندك عروسه ليه ولا ايه

فاتن : ياسيدى شاور انت بس والف واحده تتمنى

طارق : هو انتى علشان اتخطبتى عايزه الكل يخطب طب مهيب اخويا اتجنن اقوم انا كمان اعمل زيه

هدير : ليه يعنى هو كل اللى بيخطب يبقى مجنون

طارق : اكيد طبعا هو حد عاقل يجيب لنفسه الصداع بتاعكم

فاتن : اللى يسمعك كده يقول انك مالكش فى البنات وكل يوم مع واحده ده انت سمعتك واصله للبلد عندنا

طارق : ادى انتى قولتيها كل يوم مع واحده وكلهم عارفين كده علشان كده يتمنولى الرضا كل واحده عايزه ترضينى علشان مابصش لغيرها لكن اسيب كل دول واربط نفسى بواحده تقولى رايح فين وبتتمل ايه ومين دى اللى انت واقف معاها ومين دى اللى بتبصلك لا انا كده مرتاح

هدير : وانت فاكر ان دى عيشه ... مافيش احلى من انك تبقى مع واحده تحبك وتخاف عليك وانت تحبها الحياه ماتبقاش حلوه من غير حب وغيره

طارق : انا عارف الكلام ده كويس وانا ناوى اخطب بس مش دلوقتى

فاتن : امال امتى هتخطب

طارق : اول ما ادخل جامعه

هدير : طب فى واحده معينه

طارق : اكيد طبعا

هدير : من هنا ولا من عندنا فى البلد

طارق : لا مش من هنا هى من العيله

هدير : طب مستنى ليه طالما فى واحده ... طب هى تعرف انك عاوزها

طارق : اه هى عارفه ومستنيه

فاتن : مين دى

طارق : لا دى بقا مالكيش فيها

هدير : لو بتعزنى بجد قولى مين

طارق : امنيه بنت خالك

فاتن : طب اخطبها وانجز ياعم

طارق : انا عاوز اخطبها بس مش عاوز استعجل

فاتن : ياعم ولا تستعجل ولا حاجه هى بنت خالك وانت عاوزها وبتقول انها مستنياك يبقى خلاص اتقدملها واخلص

طارق : سبونى افكر

هدير : من غير تفكير انا هروح اجيب مامتك ونكلمها

طارق : استنى يا مجنونه

هدير : لا مش هستنى انا رايحه اجيبها .. وقامت هدير

طارق : شايفه المجنونه

فاتن : ياعم ماتحسبهاش خلينا نفرح

طارق : ماشى ياستى خلينا نشوف اخرها

وجات هدير وعاها امى

امى : خير فى ايه

فاتن : طارق عاوز يخطب

امى : ياريت انا اتمنى ..... وانا قولتله قبل كده وهو رفض

هدير : احنا اقنعناه

امى : طب تمام وياترى نفس اللى قولتلى عليا فى المصيف ولا واحده غيرها

طارق : ايوه هى

امى : طب تمام هكلملك ابوك واخليه يكلم خالك

* فى القاهره بين امنيه وساره

ساره : ايه يابنتى مالك متغيره النهارده

امنيه : لا مفيش بس متدايقه شويه

ساره : خير يابنتى فى ايه ده انتى اخر الشهر رايحه خطوبه وبعد كده مصيف وانتى قولتيلى الل اتخطبوا قرايبك وبتحبيهم يعنى المفروض تكونى فرحانه

امنيه : انا فعلا فرحانه ليهم جدا بس ابن عمتى مطلع عينى

ساره : ليه يعنى فى ايه

امنيه : احنا نعتبر مرتبطين ببعض وكل ما اقوله هتتقدملى امتى يقولى لسه شويه

ساره : ياستى احنا لسه صغيرين على الخطوبه تلاقى اهله مش موافقين يخطبوله

امنيه : بالع** عمتى بتتحايل عليه يخطب وهو اللى مش راضى ثم ان الخطوبه اللى هحضرها بعد العيد خطوبة اخوه الكبير واخوه ده اكبر مننا بسنتين بس واللى هيخطبها قدى يعنى برضه صغيرين

ساره : يمكن حالتهم الماديه على قدهم وهو مش عاوز يكلف اهله

امنيه : حالة ايه اللى مش قد كده دول معاهم ملايين متتعدش

ساره : طب ايه المشكله يعنى

امنيه : انا حاسه انه مش بيحبنى وانه اتورط لما ارتبط بيا

ساره : ليه بتقولى كده

امنيه : اصله مشهور فى العيله عندنا انه بتاع بنات وكل كام يوم مع واحده

ساره : قولتيلى .... ده تلاقيه بيتسلى بيكى سيبك منه

امنيه : بس انا بحبه ومش عارفه اعمل ايه

ساره : طنشيه وماترديش عليه وهو لو بيحبك هيخطبك

امنيه : انتى عندك حق انا مش هعبره ومش هرد عليه تانى

بعد شويه جات نسمه وباين عليها متدايقه

ساره : مالك انتى كمان

نسمه : اسكتى وسبينى فى حالى دلوقتى

ساره : ليه كده فى ايه

نسمه: مهيب خطب

ساره : مهيب مين

نسمه : هو انا اعرف كام مهيب يعنى مفيش غيره مهيب اللى اتعرفت عليه فى الغردقه

ساره : مين قالك

نسمه : النهارده اتصلت بيه وقالى انه بيفسح خطيبته

ساره : طب عادى اوعى تقولى انك حبتيه ده انتى ماشفتهوش كام ساعه

نسمه : مش عارفه بقى بس حسيت انى اتدايقت لما سمعت الخبر

امنيه : ماتفهمونى ايه الحكايه انا مش فاهمه حاجه

ساره : ياستى احنا لما كنا فى الغردقه انا اتعرفت على واحد هناك من سنى وكان نازل فى نفس الفندق وكنا بنخرج مع بعض وفى نص المصيف اخوه جيه قعد يوم واحد وسافر وفى اليوم ده قعد معانا شويه ونسمه اتعرفت عليه بس ادى الحكايه

امنيه : طب يانسمه ساره عندها حق انتى معرفتهوش غير يوم واحد ازاى حبتيه .... ولا هو كان بيكلمك باستمرار وقالك انه بيحبك

نسمه : لا ابدا ده من بعد المصيف ماكلمنيش غير مره واحده بس

امنيه : طب ياستى يعنى الراجل ماوعدكيش بحاجه ولا لحق يقعد معاكى ايه اللى خلاكى تتعلقى بيه

نسمه : نشاطه وحريته بيعمل اى حاجه عاوزها كله على بعضه غريب غير اى حد عرفته

امنيه : يلا ياستى بكره تقابلى غيره

وبعد شويه موبايل امنيه رن وكانت هدير

امنيه: طب هدوء يجماعه دقيقه بنت عمتى بتكلمنى

هدير : ازيك ياواطيه

امنيه : انا برضه اللى واطيه ده انا بقالى كام يوم برن عليكى وانتى مابترديش

هدير : معلش والله الايام اللى فاتوا حصلت بلاوى فى البلد

امنيه : عرفت ياختى ... بمناسبه البلوى مب**ك الخطوبه

هدير : الله يبارك فيكى

امنيه : على العموم انا اتصلت بمحمد وباركتله

هدير : على العموم وانا كمان باباركلك مقدما ياستى

امنيه : ليه ياختى هو انا اتخطبت ولا انتى

هدير : ما انتى هتحصلينا

امنيه : ازاى يعنى

هدير : طارق كلم ابوه فى موضوعك وهو وافق واتصل با ابوكى مش فاضل غير لما تنزلوا البلد على العيد علشان نتمم الموضوع رسمى

امنيه : انتى بتتكلمى بجد ولا بتهزرى

هدير : واهزر ليه .... النهارده او بكره بالكتير ابوكى وامك هيفاتحوكى فى الموضوع

امنيه : انا حاسه ان هيجرالى حاجه

هدير : اجمدى يابت ماتفضحيناش

امنيه : حاضر حاضر

هدير : طب خدى فاتن عليزه تباركلك

امنيه: اديهانى .... ازيك ياتونه

فاتن : مب**ك ياعروسه

امنيه : الله يبارك فيكى ياقمر

فاتن : لولايا ماكنش ده حصل

امنيه : ازاى

فاتن : انا وهدير قعدنا مع طارق واقنعناه ان يخطبك دلوقتى وميستناش الجامعه

امنيه : تتردلك يوم فرحك يابنت العم

فاتن : طب اسيبك دلوقتى وهكلمك بعدين

امنيه : سلميلى على ا****عه عندك

فاتن : يوصل .... سلام

ساره : خير فرحينا

امنيه : ابن عمتى كلم اهله فى موضوع الخطوبه وجوز عمتى كلم بابا وبابا وافق بس مستنى ياخد رائى

ساره : اد*كى ظلمتى الواد ... على العموم مب**ك ياستى

نسمه : مب**ك يا امنيه

امنيه : الله يبارك فيكم

* تانى يوم فى المكتب عند خالى

خالى : ايه رائيك يامدام انجى فى الت**يمات دى

انجى : حلوه جدا بس ياريت بلاش مدام دى خليها انجى على طول وانا هقولك ياسعد من غير باشمهندس

خالى : انا اتمنى يا انجى

انجى : كده احسن .... على العموم الت**يمات دى كلها حلو بس انا مش عارفه ايه اللى هيناسب شقتى

خالى : ده لازم نشوف الشقه على ارض الواقع وهناك نحدد

انجى : خلاص هستناك النهارده تشوف الشقه وتحدد

خالى : اوك ... انا وراجع النهارده هعدى عليكى

* بالليل بعد خالى ماخلص شغله رجع البيت بس قبل مايدخل شقته عدى عل انجى علشان يشوف الشقه ورن الجرس وانجى كانت لابسه بنطلون براموده و تيشرت كات وكانت مسرحه شعرها كله ورا ورابطاه ... خالى اول ماشاف كده صفر

خالى : ايه الجمال ده كله

انجى : مات**فنيش بقى ... اتفضل

خالى : ماشى ياستى ... بس بجد شكلك حلو اوووى

انجى : تشرب ايه

خالى : معلش مش هشرب حاجه اصل ا****عه مستنيين فوق نتعشى مع بعض

انجى : ماشى ياسعد مره تانيه ... على العموم الشقه قدامك شوف انت هتعمل ايه

خالى : انتى عايزه تغيرى حاجات معينه ولا الشقه كلها

انجى : لا الشقه كلها حتى العفش هبيعه واشترى غيره

خالى : كده احسن برده لان العفش ده مش هيبقى لايق على الت**يمات اللى فى دماغى لان عفشك كلاسيك والد*كورات اللى عجبتك كلها مودرن

انجى : انا قولت كده برضه

واختار خالى وانجى الت**يمات المناسبه للشقه واتفقوا انها تسلمه الشقه اخر الاسبوع على ماتببع العفش واتفقوا انه هيخلص الشقه فى شهرين

خالى : طب انتوا هتقعدوا فين طول فترة التشطيب

انجى : هنروح شقتنا القديمه مقفوله من ساعة مانقلنا هنا

خالى : فين الشقه دى

انجى : فى شارع 9

خالى : بس دى تلاقيها متربه على الاخر

انجى : لا انا كل فتره ببعت حد ينضفها

خالى : طب تمام ولو احتجتى اى حاجه كلمينى فى اى وقت

انجى : تسلم ياسعد

وبعد ماخالى خلص مع انجى طلع شقته واتعشى مع مراته وعياله وبعد العشا فاتح امنيه فى خطوبتها من طارق وهى وافقت

* نرجع عندى

وعدى الشهر اللى قبل الخطوبه وانا كنت اشتريت الارض وسلمتها لشركة مقاولات واتفقت معاهم انهم يسلمونى كل حاجه بعد سنه ونص واشتريت عشر بيوت قديمه تلاته فى بلدنا وسبعه فى البلد اللى حوالينا هنعرف بعدين ايه فايدتهم ومحدش يعرف عنهم حاجه ولا حتى محمد وفى خلال الشهر كنت اخدت قرار انى الغى التاجيل وامتحن الماده اللى كنت ماجلها حتى لو هنقص نص درجات الماده وقولت مش مشكله ادخل جامعه خاصه واريح دماغى بدل ما اضيع سنه من عمرى وطول الشهر ده الامور ماشيه طبيعيه علاقتى عاديه بفاتن وياسمين مش عارف بتفكر في ايه وجيه يوم الخطوبه كنت نايم فى بيت وصحيت على صوت زغاريد من امى ودخلت عليا تصحينى

امى : اصحى يا مهيب كفايه نوم الضهر اذن

انا : واصحى ليه دلوقتى لسه بدرى على الخطوبه

امى : بدرى ايه يا ابنى ده لسه فى حاجات كتير لازم تعملها

انا : حاجات ايه يا امى

امى : لازم تروح للحلاق تظبط شعرك وتحلق دقنك وترجع تاخد شاور وتجهز وتقعد انت وابن عمك فى المضيفه تستقبلو الضيوف اللى هيتحركوا معاكم وبعدين تروحوالعرايسكم وتجبوهم وتروحوا الفرح يا ابنى الف مب**ك عليك عقبال الليه الكبيره يا ابنى

انا : ربنا يباركلى فيكى يا امى وبوست ايدها ودماغها ... طب حضريلى فطار على ما اخرج من الحمام

امى : حاضر ياحبيبى

بعد مافطرت اخدت محمد وروحنا ظبطنا نفسنا واستقبلنا الضيوف وروحنا جبنا العرايس وروحنا الفرح وانا كان ضيوفى وصلو وكانو المدرسين بتوعى وجيرانى واصحابى ومنه ومى واسماء واسراء وياسمين واهليهم كمان بحكم ان احنا كلنا نعتبر جيران ونعرف بعض كويس وكمان جيه الفرح سيف وابوه والشيخ سعيد وعملنا اخطوبه زى ما فاتن وهدير كانوا عايزين والضيوف كلهم وصلو وكله جيه علشان يباركلنا

المستر بتاعى : الف مب**ك يا مهيب

انا : الله يبارك فيك يامستر

المستر : الف مب**ك ياعروسه وخلى بالك منه

فاتن : الله يبارك فيك يا مستر

وبعد كده جات مى

مى : الف مب**ك يا مهيب

انا : الله يبارك فيكى يامى

وكله دخل يباركلى لحد ماجت منه

منه : الف مب**ك ي مهيب ربنا يتمملك بخير ويرزقك بالذريه الصالحه

انا : تسلمى يا منه

منه : الف مب**ك ياعروسه وخلى بالك منه ولو عملك حاجه قوليلى وانا هعرفه غلطه

فاتن : ربنا يخليكى

بعد مامشيت منه دخلت ياسمين

ياسمين: مب**ك ياعريس

انا : عقبالك

ياسمين : مب**ك ياعروسه

فاتن بغيظ : الله يبارك فيكى وبعد ما مشيت

فاتن : ايه اللى جاب دى الخطوبه

انا : ابويا او امى اكيد حد فيهم عزم اهلها

فاتن : ماشى

انا : ياستى سيبك منها

فاتن : وايه حكاية منه دى كمان

انا : ماله منه

فاتن : باين عليها غير الكل

انا : لا بس هى بنت جدعه شويه وعشريه بزياده عن الناس

فاتن : ماشى يا مهيب هعديها

وبعد كده فاتن وهدير قعدو مع بعض وصحباتهم وبنات العيله اتلموا عليهم علشان يباركولهم وانا وومحمد بقينا نرحب بالضيوف وسبت محمد ولقيت الشيخ سعيد واقف وحده

انا : ازيك ياشيخ سعيد

سعيد : الف مب**ك يا مهيب ربنا يتمملك بخير

انا : تسلم ياشيخ سعيد

سعيد : انا ماتصورتش انك هتعزمى على الفرح قولت خلاص الشغل اللى بنا خلص وكل واحد راح لحاله

انا : شغل ايه اللى خلص ياشيخ سعيد ده الشغل لسه هيبدا

سعيد : يبدا ازاى

انا : بعدين اخلص من الخطوبه واكلمك ونتقابل واحكيلك على كل حاجه بس اللى جاى سر بينى انا وانت حتى سيف وابوه مايعرفوش

سعيد : عيب عليك سرك فى بير ... انا قولت من الاول صاحب المصلحه دى وراه خير كتير وانا كلامى مايوقعش

انا : طب اسيبك واروح للضيوف

سعيد : اتفضل

سبت الشخ سعيد وروحت للمستر بتاعى

المستر : لا بس طلعت استاذ ورئيس قسم كمان

انا : ماشى يامستر

المستر : بس ايه ياعم الحاجات دى ... انت اول ماقولتى بنت عمى قولت عادى جواز صالونات وتلاقيها بنت عاديه بس انت ايه طلعت استاذ

انا : عيب عليك يامستر هو انا هتجوز اى واحده كده وخلاص

المستر : انا قولت ان اخرك مع منه ولا ياسمين ولا اى واحده من اللى معاك فى الدرس ... هما اه حلوين بس عروستك تديهم بالجزمه

انا : طب اسيبك علشان اشوف المعازيم

وسبت المستر وروحت لعمى

انا : ايه رائيك اهو بنتك وابنك فى يوم واحد

عمى : والله لحد دلوقتى ما مصدق اللى حصل

انا : ليه كده يعنى

عمى : اصل بقالى كتير بتحايل على ابن عمك علشان اخطبله وهو رافض وبنت عمك جالها عرسان كتير وكل شويه ترفض

انا : عيب عليك اهو خلصتك منهم الاتنين فى ض*به واحده وكلها سنتين بس نستلم الڤلل ونتجوز على طول

عمى : ربنا يباركلكم كلكم واحسن حاجه عملتها موضوع الڤلل دى خلى العيله تتلم ومرات عمك كانت هتصدعنى كل شويه عايزه تشوف بنتها وابنها

انا : انت هتقولى ماهى نفس موضوع امى برضه

وفجاه عربيات الشرطه ملت المكان ونزل عساكر حاوطو الفرح

الظابط : فين مهيب عمر صقر

ياترى ايه حكاية الشرطه اللى عايزانى ده هنعرفه الحلقة اللى جاية