الحلقة ال _ 13

4819 Words

#الفتي_الشرير #الحلقة_ال13 ______________ وقفنا الحلقة اللى فاتت لما روحت اجيب امنيه وصحابها من بيت عمى انا : وحشتنى ياقمر فاتن : اتلم بدل ما المك انا : انا عايزك تلمينى فاتن : اهدى البنات جوه انا : طب اندهى عليهم علشان نمشى والا اقولك خليكى .... وناديت بصوت عالى على امنيه : ايه يا عروسه فينك وخرجت امنيه تجرى علشان تسلم عليا واخدتنى بالحضن امنيه : ازيك يا مهيب واحشنى والله انا : وانتى كمان واحشانى امنيه : كده ماتسالش عليا من بعد خطوبتك انا : معلش سامحينى بس كنت مشغول الفتره اللى فاتت امنيه : هعديهالك المره دى انت : طب ادخلى نادى اصحابك علشان نمشى وانا هنزل استناكم فى العربيه امنيه : طب تمام دقيقتين وهنحصلك وسبت فاتن وامنيه ونزلت استنيت جمب العربيه ومسكت الموبايل اقلب فيه شويه وسرحت وفوقت على صوت بنتين بيقوله : ايه ده مهيب ركزت وبصيت عليهم انا : ايه ده نسمه وساره هنا امنيه : ايه ده يا مهيب انت تعرفهم انا : اه اتعرفت عليهم من كام شهر فى الغردقه فاتن : قولتلى انا : لا ماتفهميش غلط ساره : اوعى تقولى ان العريس يبقا طارق اخوك انا : ايوه هو اخويا امنيه : هو انتى كمان تعرفى طارق انا : طب ياجماعه ادخلو جوه خلينى افهمكم كل حاجه قبل مانوصل البيت ودخلو كلهم انا : اسمعونى كلكم انا وطارق اتعرفنا على ساره ونسمه فى الغردقه بس مفيش اى حاجه بينا هى علاقة صداقه مش اكتر امنيه : بجد يا مهيب انا : انا مش بكدب ومش مضطر اكدب والدليل ان احنا مفيش علاقه بينا هو ان احنا مانعرفش ان هما هنا فى الاقصر .... انا من بعد مارجعت من الغردقه ماكلمتش اى حد فيهم امنيه : ايوه هما قالولى انهم اتعرفوا على اتنين اخوات فى الغردقه من الاقصر ومن فتره كنت بكلم ساره وسالتها عليهم قالتلى انها بقالها فتره جامده ماتعرفش عنهم حاجه لانهم مش بيتكلموا انا : كده تمام فاتن : ماشى يا مهيب هصدقك المره دى انة : معندكيش حل غير انك تصدقينى لان فعلا بقول الحقيقه ... وانا قاعد معاهم اخويا طارق رن عليا فاتن : مين اللى بيرن ده انا : ده طارق اخويا فاتن : افتح عليه وافتح الاسبيكر انا : حاضر ... وفتحت على طارق ... ايوه ياطارق طارق : انت فين انا : عند فاتن مستنيها تجهز هى والبنات علشان اجيبهم طارق : انت شوفت البنات دول انا : ليه فى ايه طارق : فى مصيبه سوده ومهببه بطين انا : ليه بس فهمنى فى ايه طارق : انت عارف مين الستات اللى عازماهم مرات خالك انا : مين يعنى طارق : دول مامت ساره ونسمه اللى كانوا معانا فى الغردقه انا : طب وفيها ايه دى طارق : ركز يابنى طالما مامتهم هنا يبقى هما اكيد هنا انا : ايوه وفيها ايه دى يعنى طارق : انا ماصدقت اظبط دماغ امنيه والموضوع ده هيكهرب الجو ويعملى مشاكل معاها انا : ليه ياعم هو انت فى حاجه بينك وبين حد فيهم طارق : لا طبعا مفيش حاجه لا بينى وبينهم ولا حتى مع غيرهم انا من ساعة ما قررت اخطب وانا قطعت علاقتى باى واحده اعرفها وساره بالذات احنا من بعد مارجعنا من المصيف ماكلمتهاش غير مرتين تلاته بالكتير انا : طب تمام كده انت تمام طارق : تمام ايه بنت خالك دماغها جزمه ومش هتصدق والفرح هيقلب نكد انا : لا متخافش انا ظبطلك كل حاجه طارق : ازاى انا : اصل انا قاعد دلوقتى مع نسمه وساره وامنيه وفاتن وهدير وليله كبيره قوى سعادتك طارق : يادى النيله وفاتن عملت ايه انا : هى ماعملتش بس لسه هتعمل طارق : طب وامنيه انا : امنيه سمعت كل حرف انت قولته دلوقتى لانهم خلونى افتح الاسبيكر طارق : طالما يا امنيه سمعتى المكالمه يبقى انتى اتاكدتى انى مفيش حاجه بينى وبينهم يعنى لو عاوزه تكملى الفرح انا مستنيكى امنيه : جايه وهكمل الفرح وحسابى معاك بعدين لان انت مواضيعك كتيره معايا طارق : تعالى ياستى وانا تحت امرك وقفلت مع طارق وبصيت للبنات انا : ايه رائيكم فى اللى حصل ده كل حاجه قدامكم امنيه : انا واثقه فى نسمه وساره بس اخوك محتاج اقصقص ريشه فاتن : وحياتك مش طارق بس اللى محتاج قصقصه اخوه محتاج قطع ديله انا : حرام عليكى ده انا غلبان وبحبك هدير : طب يلا بينا علشان احنا اتاخرنا انا : يلا بينا ... وخرجنا ركبنا العربيه وروحنا البيت وطارق كان واقف قصاد البيت مستنينا طارق : حمد الله على السلامه امنيه : الله يسلمك ساره : ازيك ياطارق. طارق : تمام وانتى اخبارك ايه ساره : كويسه ... الف مب**ك الخطوبه طارق : الله يبارك فيكى نسمه : مب**ك ياطارق طارق : الله يبارك فيكى يانسمه عقبالك نسمه : تسلم ودخلنا البيت وقعدنا كلنا مع بعض اتغدينا وهزرنا مع بعض وبعد كده نسمه وساره استاذنوا علشان عايزين ينامو لانهم تعبانين من السفر وبعد كده فاتن قالتلى عايزه تتكلم معايا على انفراد وأمنيه اخدت طارق علشان تتكلم معاه لوحدهم انا : خير يافاتن فى ايه فاتن : يعنى مش عارف فى ايه انا : بصى يافاتن انتى عارفه انى طول عمرى ماشى دغرى وماليش فى اللوع وقولتلك حكايتى مع نسمه وساره ازاى ولو سالتى ابويا وامى على مشوار الغردقه هيقولولك ان انا ماقعدتش هناك غير يوم واحد وسبتهم ورجعت يعنى لو فى اى حاجه بينى وبين اى واحده فيهم كنت كملت الرحله وزى ما قولتلك قبل كده ان لو فى حاجه بينى وبينهم كنت عرفت من الاول انهم هنا .......... ثم ان انا لما اتقدمتلك كان بارادتى ومحدش غصب عليا علشان اخطبك معنى كده انى بحبك.....واخيرا انا عمرى فى حياتى ما اضطريت ابرر لحد انا بعمل ايه لكن انتى بحكيلك كل حاجه وبفهمك من غير ماتطلبى يبقى ماتتعبنيش فى هبل مالوش لازمه فاتن : ايه كل ده انت شايل كل ده فى قلبك وساكت انا : انا مرتب الحوار ده فى دماغى من ساعة ماشوفت نسمه وساره لانى عارفك هتقعدى معايا القعده دى فاتن : هو للدرجه دى انا مفضوحه انا : عيب عليكى انتى ماشوفتيش وشك اتغير ازاى من ساعة اللى حصل ده حتى الاكل يعتبر ماكلتيش فاتن : انت لاحظت انا : لو ملاحظتش حاجه زى دى يبقى انتى ماتفرقيش بالنسبالى فاتن : يعنى انت بتحبنى يا مهيب انا : كلمه بحبك دى كلمه قليله قوى عليكى فاتن : طب ممكن اطلب منك طلب انا : خير فاتن : انا جعانه وعايزه اكل اى حاجه انا : ماشى ياستى يلا بينا المطبخ وناكل مع بعض فاتن : هتيجى معايا انا : ايوه لان انا كمان جعان وماكلتش كويس على الغدا فاتن : طب يلا بينا * وخلصنا حوار الخطوبه وعدت الايام وخلصت السنه وخلصت امتحانات وظهرت النتيجه وانا جبت مجموع 85 % ودخلت هندسه فى mti واشتريت شقه فى ميدان النافوره علشان اعيش فيها واشتريت عربيه جديده وهدير 99% واخدت المنحه اللى كانت بتحلم بيها وعاشت عند خالى فى الشقه واشترتلها انا ومحمد عربيه ومنه جابت 96 % ودخلت صيدله خاصه فى mti وياسمين جابت 94% وقدمت على منحه فى هندسة mti واسماء جابت 92% ودخلت هندسه mti ومى جابت 98% ودخلت كلية طب جامعة القاهره واتاجر منه وياسمين واسماء شقه فى الهضبه عند الجامعه و مى عاشت فى سكن الجامعه وبتروحلهم المقطم تاخد عندهم يوم الاجازه ومن بعد الموقف الاخير اللى حصل فى الدرس علاقتى بقيت سطحيه شويه مع ياسمين ومنه على ع** علاقتى باسماء ومى اللى ذادت اكتر لدرجة ان فى الاجازه عرفتهم بهدير وفاتن وبقيوا اصحاب جدا * وبعد شهر من بداية الدراسه كونت فيهم اصحاب كتير على ع** ما كنت فى البلد بس كان ليا شله خاصه بيا وكانوا كالاتى عمر : معايا فى السكشن من المنوفيه وعيلته اغلبها شرطه بس هو رفض يدخل شرطه لانه مش بيحب الحياه العسكريه وفضل يدخل هندسه اسامه : معايا فى السكشن من القاهره من عيله كبيره قوووى قرايبه اللى فى النيابه واللى فى الحربيه واغلبهم رتب وماسكين مناصب مهمه فى البلد مصطفى : معايا فى الجامعه من اسيوط من عيله كبيره هناك بس معظمهم بيشتغلوا فى الارض والتجاره ابوه وامه اتوفو وهو صغير واللى رباه اخوه وورث هو واخوه ارض كبيره فى البلد ومعاهم فلوس بس مالهمش وسايط وعلاقات كبيره ابراهيم : معايا فى الجامعه بس عيل دماغه ماشوفتش زيها بيعشق حاجه اسمها كومبيوتر وهكر وواخد كورسات كتير ودخل هندسه علشان ياخد الموضوع بحرفيه اكبر والده ووالدته منفصلين عن بعض من صغره ابوه متجوز وعايش فى الامارات .. وامه اتجوزت بس عايشه فى مصر بس هو مش عايش معاها هو كان عايش مع جدته وفى اخر سنه فى الثانوى جدته ماتت ومن وقتها عايش وحده امانى : معايا فى السكشن بس بنت رجوله وتقف معاك فى اى مشكه مش بيهمها اى حاجه ساكنه عند كارفور المعادى ابوها مهندس معمارى وعنده مكتب خاص بيه وسام : معايا فى السكشن من المعادى بنت كويسه بس عيبها الوحيد انها عنديه جدا ومابهمهاش اى حد المهم تنفذ اللى يجى فى دماغها وطبعا اسماء انتوا عارفينها كويس اللى عرفتها فى البلد من 12 سنه وهى ورايا فى كل حته ... وياسمين عملتلها شله اصحاب غيرنا ... ومنه شلتها فى الكليه بتاعتها بس هى معانا فى نفس الجامعه وساكنه مع اسماء وياسمين .... ومى برضه شلتها فى الجامعه عندها بس بتيجى المقطم كل اسبوع فى الاجازه بتاعتها ... احنا اجازتنا جمعه وسبت بنخرج كل جمعه انا وهدير واسماء ومى واحيانا بيبقى معانا نسمه وساره بس مش كل مره .... ومحمد ابن عمى خلص جامعه ورجع البلد بيتدرب فى مكتب محامى هناك واجلنا اى مشاريع دلوقتى لحد مانثبت رجلينا والعيون تتشال من علينا وفى نفس الوقت الشركه اللى فتحتها بره لابويا شغاله تمام وارباحها بتتحط فى حساب ابويا فى فرنسا وفلوسى خلال السنه اللى عدت كنت حولت نصها لبنوك بره فرنسا مابين امريكا وسويسرا والمانيا * نرجع بقى للقصه ... بعد شهر من الدراسه يوم الاربع كنت نايم وصحيت على تليفونى بيرن كانت اسماء انا : بصوت بيتاوب .. الووووو اسماء : مش معقول يا مهيب لسه نايم لدلوقتى انا : ليه الساعه كام دلوقتى اسماء : الساعه 9.30 وفى كويز بعد نص ساعه وانا فى الجامعه انا : بخضه ... معلش راحت عليا نومه اقفلى دلوقتى وانا جاى بسرعه قفلت مع اسماء وقومت بسرعه غسلت وشى ولبست فى عشر دقايق واخدت موبايلى والمحفظه ونزلت اخدت العربيه ووصلت الجامعه قبل الامتحان مايبداء امتحنت وبعد كده الدكتور كمل المحاضره وبعد كده خرجنا معانا ساعتين فاضيين وبعد كده محاضره واحده نزلت الكافتريا انا واسماء انا : مش عارف اقولك ايه لولا انك اتصلتى بيا كان زمان راح عليا الامتحان اسماء : عد الجمايل انا : هو فى بينا جمايل ياجزمه اسماء : المفروض تعزمنى على فطار لانى مافطرتش لحد دلوقتى انا : تصدقى انا كمان حتى نمت بالليل من غير عشا اسماء : ليه كده انا : اتغديت متاخر وماقدرتش اتعشى اسماء : وليه راحت عليك نومه مش عادتك انا : ظبطت المنبه غلط بدل ما اظبطه على 9 الصبح ظبطته على 9 بالليل اسماء : طب كويس انى رنيت عليك ... المهم هتفطرنى ايه انا : ياستى اللى انتى عاوزاه بس استنى لما الشله تظهر علشان لو حد عايز يفطر نعمل حسابه بالمره اسماء : ابراهيم ومصطفى وبسنت معاهم محاضرات دلوقتى وقدامهم ساعه علشان يخرجوا والباقى مش عارفه فين انا : طب ثوانى اتصل بعمر اشوفه فين ... طلعت تليفونى واتصلت بعمر انا : فينك ياسطا عمر : انا واسامه وامانى ووسام بنصور ورق فى المكتبه انا : ورق ايه ده عمر : الورق اللى قال عليه دكتور شريف انا : اه طب اعملى نسخه انا واسماء عمر : تمام انا : قدامك كتير عمر : لا ربع ساعه واخلص ... ليه فى حاجه انا : هجيب فطار وقولت اشوفكم لو محتاجين فطار معايا عمر : طب كويس احسن انا جعان انا : طب شوف ا****عه عندك عمر : اعمل حسابنا كلنا معاك انا : طب هتفطروا ايه عمر : انا ووسام كريب بطاطس .... واسامه هياخد ساندوتش فول وساندوتش طعميه .... وامانى كريب فاهيتا انا : طب تمام هروح انا واسماء نجيب فطار وانتوا استنوا فى الكافتريا عمر : خلاص تمام وقفلت مع عمر وكلمت اسماء انا : يلا بينا نجيب فطار على ما ا****عه يخلصوا تصوير الورق اسماء : يلا بينا وروحنا المطعم وطلبنا الكل ومستنيين يجهز اسماء : هتعمل ايه بكره انا : اشمعنا بكره يعنى اسماء : بكره الخميس ومى جايه بكره زى كل كل اسبوع انا : وانا زى كل اسبوع هقولك ان يوم الخميس ده خاص بيا ومش بخرج مع حد اسماء : اموت واعرف بتعمل ايه يوم الخميس انا : وانتى مالك ياستى كل اللى عندى ان كل جمعه باخدكم كلكم ونتفسح لكن يوم الخميس ده بتاعى اسماء : ماشى ياسيدى بس خايفه تكون بتلعب بديلك وفاتن تعرف حاجه ساعتها هتض*بك بالنار انا : عيب عليكى انا ماليش فى الشمال ثم ان فاتن مش هتبطل مراقبه دى مصحباكى وكل شويه تسالك عن كل تحركاتى دى بتعد عليا انفاسى اسماء : يابنى فاتن بتحبك انا : وانا كمان بعشقها ومستحيل اخونها اسماء : انا عارفه انك مش بتخونها بس قولى بتروح فين يوم الخميس احنا بنخلص جامعه الساعه 12 و البواب بيقول انك بتخرج الساعه 2 و بتسيب عربيتك وبتاخد تا** ومابترجعش غير بعد نص الليل انا : اهلا انتى وصلتى للبواب كمان اسماء : بينى وبينك الفضول هيموتنى واعرف بتروح فين وبتقفل تليفونك ليه انا : انا هريحك يوم الخميس بحب افصل من كل الناس اللى بعرفها بقفل تليفونى واروح اى مكان افضي دماغى وافك عن نفسى واخد سهرتى وبعدين ارجع البيت اسماء : طب ليه مش بتاخد عربيتك انا : عادى مش بحب اسوق كتير وباخد اى تا** وبتفق معاه انه يبقى معايا اليوم كله اسماء : ولو انى مش مصدقاك بس هحاول اعديها انا : انتى كده جدعه اسماء: المهم هنروح فين يوم الجمعه انا : هدير عايزه تروح الاهرامات وبعد كده مول العرب لانها عاوزه تشترى حاجات ليها اسماء : فكره حلوه والاسبوع اللى جاى نروح البرج ونلف شويه فى وسط البلد انا : اوك تمام اسماء : فى حاجه مهمه عاوزه اكلمك فيها انا : خير اسماء : منه وياسمين انا : مالهم اسماء : انت يعتبر مابتكلمهمش نهائى انا : سيبك منهم انا لولا اهاليهم موصينى عليهم ولاكنت هسال عليهم اصلا اسماء : يابنى خلاص انت عرفت كل واحده فيهم غلطها وخلصنا انا : علشان خاطرى يا اسماء اقفلى على الموضوع ده وكويس ان كل واحده فيهم عملت شله بعيد عنى اسماء : انت حر بس فكر تانى فى كلامك ده انا : طب بعدين نتكلم فى الموضوع ده يلا الكل جهز يلا ناخده ونرجع الكافتريا للعيال اسماء : ماشى يا مهيب اهرب زى كل مره واخدنا الاكل ورجعنا الكافتريا وكان الشله مستنيه الفطار وفطرنا وكله تمام اسامه : تشربوا ايه ياجماعه انا : نسكافيه اسماء : كابتشينو امانى : هوت شوكلت عمر : بيبسى وسام : نسكافيه وقام اسامه طلب المشاريب ورجع قعد معانا اسامه : هتنزل البلد بكره ياعمر عمر : بفكر مانزلش انا : ليه كده عمر : ياعم هناك كلهم خانقنى اكمنى مادخلتش شرطه زى مابابا كان عاوز ودخلت هندسه وكل شويه يقولولى ابن عمك بقى مقدم ابن خالتك بقى رائد ويقعدوا يطلعوا عينى مع ان انا اللى رفضت ادخل شرطه اسامه : ياعم سيبك منهم انت دخلت الكليه اللى بتحبها ما انا كمان عندى نفس المشكله زى ما انتوا عارفين انا عيلتى كلها يا اما محاميين او قضاه وابويا كان عاوزنى ادخل حقوق واتخرج وامسك المكتب بتاعه انا : لا انا غيركم خالص انا اخترت الكليه اللى انا عاوزها عمر : يابختك ياعم دخلت الكليه اللى انت عاوزها برضا اهلك وقاعد فى شقه لوحدك وعايش حياتك بالرغم من ان خالك عايش هنا فى المقطم بس برضه مش عايش معاه انا : خمسه وخميسه فى عينك انا حاسس انى هولع اسامه : يا اخى ده امانى واسماء واخدين راحتهم اكتر منى اسماء : ايه يا اسامه انت هتمسك فيا انا ولا ايه انا: خلاص يا اخوانا اهدوا كده احنا قاعدين هنا نفك عن نفسنا شويه قبل المحاضره مش هنشد مع بعض وخلصنا قعدتنا واخدنا المحاضره وبعد كده رجعت شقتى اتغديت ونمت شويه وبعدين صحيت وقعدت اذاكر * من ناحيه تانيه عند اسماء فى الشقه ياسمين : شرفتى ياهانم اسماء : ايه الطريقه اللى بتتكلمى بيها دى ياسمين : مالها طريقتى اسماء : شوفى نفسك بتتكلمى ازاى ياسمين : اصل لما الاقيكى من ساعة ماجينا من البلد وانتى على طول قاعده مع مهيب لازم اكلمك كده اسماء : وفيها ايه دى ياسمين : انتى ناسيه انى بحب مهيب اسماء : هههههههه ضحكتينى وانا ماليش نفس ياسمين : قصدك ايه اسماء : انتى ناسيه اللى عملتيه فى مهيب يوم ماجيه قالك انه بيحبك قبل مايتغير ولا ناسيه الكلام اللى قولتيه عليه انتى ومنه فى الدرس .... ياسمين انتى مابتحبيش غير نفسك واحسنلك تنسى مهيب لان خلاص مهيب خطب وكلها كام شهر ويكتب كتابه وبعدها بسنه هيتجوز ياسمين : طالما هيتجوز انت ماشيه معاه ليه اسماء : ماشيه معاه لانى بحبه بس زى اخويا مش اكتر من كده انا و مهيب متربيين مع بعض من صغرنا وعمرى مافكرت فيه كجوز حتى بعد ما اتغير .... ومى كمان زيى بتحب مهيب زى اخوها ... انما انتى ومنه ضيعتوا مهيب احسنلكم شوفوا حياتكم بعيد عنه وماتفكروش تلعبوا بديلكم معاه لان مهيب زعله وحش والكلام اللى سمعته من هدير بنت خالته يشيب مهيب فى وقت غضبه مابيشوفش قدامه وبيدمر اى حاجه * وعدى يوم الاربع والخميس وجات مى من الكليه وخرجنا يوم الجمعه الصبح وروحنا الاهرامات واتسحنا وقضينا اليوم وبعد العصر روحنا مول العرب فى اكتوبر انا : عاوزه تشترى ايه يا هدير هدير : عاوزى اشترى هدوم شتوى انت عارف ان الشتاء كلها شهر ويجى وانا مش معايا شتوى والفتره الجايه مش هبقى فاضه انزل اشترى انا : طب تمام وانتى يا اسماء انتى ومى هتشتروا حاجه من هنا مى : ايه ياعم مهيب الاسعار هنا غاليه وانا يدوب الفلوس اللى معايا تشتريلى جاكت بس من هنا اسماء : انا اخرى محلات وسط البلد ودى كمان غاليه انا : عيب عليكوا تتكلموا فى فلوس وانا معاكم مى : اهدا يا مهيب الاسعار هنا غاليه انا : مالكمش دعوه كل واحده تشترى اللى نفسها فيه وانا اللى هحاسب اسماء : ماينفعش يا مهيب انا ومى هننزل الاسبوع اللى جاى وسط البلد وهنشترى كل اللى ناقصنا انا : طب والله هتشترو دلوقتى ومن هنا كل اللى انتوا عاوزينه يا هدير تدخلى معاهم ويشتروا كل اللى عاوزينه وانا هستنى بره فى الكافيه على النافوره بعد ماتخلصوا كلمينى هدخل علشان احاسب وماتسمعيش كلامهم وتجيبى كل حاجه هدير : روح انت ومالكش دعوه واول ما اخلص هكلمك اسماء : علشان خاطرى يا مهيب اسمعنى انا : ولا كلمه زياده يلا ادخلو وسبتهم ومشيت قعد فى كافيه من الكافيهات اللى عند النافوره * عند هدير والبنات اسماء : ماينفعش ياهدير اللى مهيب بيعمله ده هدير : مهيب بيحبكم انتى ومى وبيعتبركم زيى ومش بيفرق بينا فى المعامله مى : انا عارفه الكلام ده بس برضه ده كتير قووووى هدير : ولا كتير ولا حاجه مهيب طيب وغلبان جدا ومستعد يجيب للى بيحبه نجمه من السماء طالما هو كويس معاه لكن لو الطرف التانى ده قل باصله ساعتها هتشوفى من مهيب وش تتمنى الموت قبل ماتشوفيه اسماء : من الناحيه دى انا ومى عارفينه احنا عشره من اولى ابتدائى وعارفينه كويس لما يقلب هدير : صدقونى كل اللى شوفتوه من مهيب ده لعب عيال كبيره هيزعق ويخا** لكن محدش فيكم شاف اللى شوفناه من مهيب مى : ليه فى ايه اكتر من كده هدير : لا فى كتير جدا واعذرونى مش هقدر اقولكم اكتر من كده اسماء : ليه يعنى سر هدير : اكتر من سر .... سيبكم من الكلام ده ويلا بينا ندخل نختار الهدوم لانى النهارده ناويه افترى واشترى كل اللى يلزمنى مى : يابنتى حرام عليكى هتفلسى الواد هدير : لا ماتخافيش هو عامل حسابه فى الفلوس يلا بينا اسماء : ماشى يلا بينا * نرجع عندى .... وانا قاعد فى الكافيه طلعت فى دماغى اشترى هدايا للبنات اللى جوه ودخلت المول واشتريت لكل واحده فيهم علية ميك اب كامله وساعه وبرفان وكل الحاجات دى براندات كلف*نى 100 الف واشتريت لياسمين ومنه كل واحده فيهم ساعه حلوه وغاليه واخدت الحاجه وحطيتها فى شنطة عربيتى ورجعت الكافيه قعدت اكتر من ساعتين اتكلم شويه فى التليفون واقعد على الفيسبوك شويه لحد ما اتصلت بيا هدير علشان ادخل احاسب ودخلت حاسبت وغرمونى مبلغ محترم انا : ايه يا اخوانا عاوزين حاجه تانى اسماء : حاجة ايه تانى مش كفايه المبلغ اللى انت دافعه المبلغ ده بمصاريفى فى الكليه سنه كامله انا : حد كلمك فى فلوس ولا ناقشك فى حاجه مى : بس الواحده تحط فى عينها حصوة ملح وتتلم انا : اهدى انتى كمان هدير : يا مهيب انا عاوزه اتعشى جعانه انا : هو ده الكلام .... خدى مى وروحى استنى فى الفودكورت وانا واسماء هنحط الحاجه فى شنطة العربيه ونرجع بسرعه واطلبيلنا عشاء حلو معاكى هدير : اوك واخدت اسماء وروحنا الجراج نحط الحاجه فى العربيه اسماء : ده كتير قووووى يا مهيب انا : ولا كتير ولا حاجه انتى ومى غاليين عندى قوووى اسماء : ربنا يخليك ليا يا مهيب ومايحرمنى منك ابدا انا : ويخليكى ليا وصلنا عند العربيه وفتحنا الشنطه علشان نحط الحاجه اسماء : ايه الشنط دى يا مهيب انا : لا دى حاجات خاصه بيا انا اسماء : بس الشنط دى فى حاجات بنات انا : وانتى مالك اسماء : بقولك انى مش مستريحالك انا : عنك ما استريحتى يا شيخه اسماء : ماشى لما اشوف اخرك انا : طب يلا بينا نرجع نشوف البنات علشان انا جعان اسماء : يلا بينا ورجعنا تانى واتعشينا وخلصنا كل اللى احنا عايزينه ورجعنا المقطم واول ماوصلنا تحت شقه اسماء نزلت هى ومى وفتحت الشنطه واخدوا حاجتهم ولسه هيمشوا انا : استنوا دقيقه مى : خير يا مهيب فى ايه انا : خدو الشنطتين دول كل واحده فيكم شنطه اسماء : مش دى الشنط اللى قولتلك بتاعة مين انا : ايوه هى واخرسى .... والشنطه دى لمنه وياسمين مى : مش عارفه اقولك ايه يا مهيب ربنا مايحرمنا منك انا : ماتقوليش حاجه ويلا اطلعوا * من ناحيه تانيه منه وياسمين قاعدين فى البلكونه ياسمين : عاجبك اللى بيعملوه مى واسماء ده منه : هما حرين كل واحده تعمل اللى هى عاوزاه ياسمين : هنسيبهم خارجين كده على طول مع مهيب منه : وايه فى ايدنا نعمله ...احنا اللى ضيعنا مهيب من ايدينا انتى بغطرستك وفرعنتك وانا بقلة اصلى ياسمين : ياستى غلطه ومش عارفه اخلص منها ازاى منه : فى غلط كده مابيتصلحش .... انا ريحت دماغى وعملتلى اصحاب هنا وكويس ان انا و مهيب مش فى نفس الشله.... وانتى كمان عملتيلك صحاب انسى بقا مهيب خلاص ياسمين : مش قادره انساه خالص .... كل الشله اللى انا عملتها هنا عيال دماغها فاضيه غير الشله بتاعة مهيب تحسيها شله قويه كده مالهاش فى لعب العيال زى شلتى اللى كل همها مين يصاحب مين ويخرجوا فين ويتفسحوا فين مافيش حد فيهم يقدر يتحمل المسؤليه وكلهم عينهم زايغه وماتمناش اتجوز حد فيهم منه : هو ده مهيب لازم يختار اصحابه والناس اللى بيمشى معاها .. حتى ايام ثانوى كان بيختار المجموعه اللى بياخد معاها الدروس واحد واحد ... وبعد اللى احنا عملناه بعد ماكنا من المقربين منه بقينا اغراب عن بعض ياسمين : استنى ده مهيب وصل تحت اهو منه : شايفه الشنط اللى مع اسماء ومى ياسمين : طبعا كل الشنط دى على حساب مهيب ... مش بقولك خسرنا كتير منه : الندم مامنهوش فايده وطلعت مى واسماء الشقه وقعدوا مع منه وياسمين منه : ايه الشنط دى كلها مى : اشترينا الهدوم الشتوى ياسمين : هو انتوا نزلتوا وسط البلد ولا ايه اسماء : لا ده من مول العرب منه : وانتوا جبتوا من فين فلوس لده كله اسماء : هدير كانت عاوزه تشترى الشتوى ليها و مهيب حلف ان احنا كمان نشترى زيها و**م يدفع الفلوس ياسمين : مهيب دفع كل ده منه : بس دى حاجات غاليه جدا دى كلها براندات مى : هو اللى **م على كده ولما قولناله احنا هننزل وسط البلد الاسبوع اللى جاى مارضيش ياسمين : بس ده فى علب ميك اب وحاجات تانيه اسماء : هو اللى اشترى الحاجات دى من غير مانعرف وادهالنا تحت ... وكمان بعتلك انتى ومنه الشنطه دى فيها هديه ليكم منه : ههه فيه الخير والله ياسمين : كويس انه افتكرنا والله وياترى الهدايا دى جابها من على العربيات اللى فى الشارع ولا من محل ست الحسن اسماء : لا ياستى اشتراها من المول * نرجع عندى انا وهدير هدير : شكرا ياسيدى على اليوم ده انا : ياريت سيادتك تكونى اتبسطتى هدير : جدا انا : طب يلا انزلى عايز اروح هدير : طب ماتطلع فوق شويه انا : لا تعبان وعايز انام هدير : ماشى ياسيدى يلا تصبح على خير انا : وانتى من اهله وبعد ماسيبت هدير وانا فى الطريق راجع الشقه تليفونى رن وكان اسامه اسامه : انت فين يا مهيب انا : انا مروح الشقه ليه فى ايه اسامه : طب عشر دقايق واجيلك انا : طب تمام تعالى وقفلت مع اسامه ورجعت الشقه وبعدها بخمس دقايق كان اسامه وصل انا : خير يازفت فى ايه ... وايه الشنطه دى اسامه : اتخانقت مع ابويا وسبت البيت انا : ليه ياسيدى ايه حصل اسامه : الخناقه بتاعة كل شويه على الكليه انا : وايه اللى حصل تانى اسامه : ابدا بيسالنى عملت ايه فى الامتحان بتاع من يومين فقولتله كان صعب شويه ... قعد يزعق ويقولى لو شيلت مواد السنه دى هيسحبني من الجامعه ويقدم ورقى فى حقوق واشتغل تهزيق فيا اكتر من ساعه انا : ياعم ابوك بيهوش .... ابوك لو مش عاوز يدخلك ماكانش دخلك خاص اسامه : علشان الخناقه ماتكبرش قولت اسيب البيت يومين اهدى اعصابى وابعد عن الضغط اللى فى البيت شويه علشان امتحان الميدتيرم اللى بعد اسبوعين انا : فكره كويسه برضه اسامه : علشان كده جيتلك انا : تنور البيت ياسيدى بس لازم تقول لابوك انك عندى علشان مايقلقش عليك اسامه : انا قولت لامى انى هقعد عندك انا : طب تمام البيت بيتك خد راحتك وانا هدخل انام لانى تعبان من اللف طول النهار ولو جعت فى اكل فى التلاجه سخن وكل ولو مش عاجبك هتلاقى عندك المنيو بتاع المطاعم اللى حوالينا اطلب اللى انت عاوزه اسامه : لا انا مش جعان انا هقعد شويه على التلفزيون وادخل انام انا : براحتك .... تصبح على خير * بعد يومين فى الجامعه عمر : اسامه فين ماظهرش لحد دلوقتى انا : اسامه عندى فى الشقه وقالى انزل وهو هيحصلنى اسماء : ايه اللى جابو عندك الشقه انا : قاعد عندى بقاله يومين ابراهيم : ليه كده انا : متخانق مع ابوه وجه يقعد عندى عمر : اكيد على موضوع الكليه انا : ايوه عمر : انا كمان اتخانقت معاهم فى البلد ابويا عايزنى اقدم السنه الجايه فى كلية شرطه انا : وانت هتعمل ايه عمر : مش عارف انا تعبت ومحدش راضى يقتنع برائي انا : ياعم من هنا للسنه الجايه يحلها حلال امانى : اهو اسامه داخل الكافتريا اسامه : صباح الخير ياخوانا كلنا : صباح النور عمر : ليه اتاخرت كده اسامه : صحيت متاخر شويه عمر : طب يلا بينا نطلع فاضل ربع ساعه على معمل الفيزياء اسماء : اكتر محاضره بكرهها فى حياتى كلها امانى : عندك حق الزفت اللى اسمه دكتور خالد ده عاوزه اولع فيه اسماء : دكتور زفت عينه زايغه انا : سيبكم من الكلام ده ويلا بينا علشان لو اتاخرنا مش هندخل وطلعنا المعمل انا واسامه وعمر واسماء وامانى ووسام لكن مصطفى وابراهيم وبسنت مش معانا فى السكشن ومعمل الفيزياء عندنا متقسم 12 تجربه كل تجربه على طربيزه والسكشن متقسم 12 مجموعه من اول التيرم بتفضل معاك طول التيرم وكل اسبوع بنغير التجربه يعنى كل التجارب شغاله مع بعضها وكل مجموعه مسؤله من معيد بيشرحلها التجربه واحنا بنشتغل بعدها وانا كانت مجموعتى اسماء وعمر واسامه وامانى وبسنت فى اول اسبوع مكناش مع بعض بس بعد كده فى الاسبوع التانى الدكتور قال لكل السكشن لو عاوزين تبدلوا مع بعض يبقى من دلوقتى علشان هتكملوا فى نفس المجموعه لاخر التيرم وبدانا المعمل والمعيده اللى معانا شرحت التجربه وسابتنا نشتغل واحنا شغالين فى التجربه كان الدكتور خالد بيمر علينا ويشوف كل مجموعه بتشتغل ازاى وجيه عندنا وبص علينا بس انا مكنتش واخد بالى منه فجاه اسماء جمبي ارتعشت ومسكت ايدى فبصيت لقيت الدكتور حاطط ايده على ضهرها فقمت وقولتله انا : بعد ازنك يادكتور شيل ايدك من عليها ( كل السكشن بص علينا ) الدكتور : ايه اللى انت بتقوله ياحيوان انا : اولا انا مش حيوان ثانيا حافظ على كرامتك ومتمدش ايدك عليها بدل ما ازعلك الدكتور : انت ازاى تكلمنى بالطريقه دى انا : انا كلمتك بكل احترام وانت اللى غلطت وانا عمر ماحد اتجراء وغلط فيا الدكتور : انا هحولك لمجلس تاديب وارفدك من الجامعه انا : دى عاوزه دكر يقدر يعمل كده وماظنش انك دكر كفايه الدكتور : اذا كان اهلك ماعرفوش يربوك انا هربيك ولسه بيرفع ايده علشان يض*بنى بالقلم مسكت ايده ولفيتها وراه انا : اياك تجيب سيره اهلى على ل**نك الوسخ ده تانى والا همسح بكرامتك الارض ... وهو اتالم من الحركه والمعيدين حجزونا عن بعض ... سبته وجيت خارج من المعمل وقولتله استحمل نتيجة غلطك وردى عليك هيكون اسرع مما تتخيل وسبت الجامعه ومشيت والدكتور خرج بعدى راح لمكتب العميد وكتب شكوه علشان يفصلنى من الجامعه والسكشن اتلغى وخرج عمر واسامه وامانى واسماء يدوروا عليا ومش لاقينى وبيتصلوا بيا قافل تليفونى عمر : هيكون راح فين ده كمان اسامه : ده ضيع نفسه والدكتور مش هيسكت غير لو فصله من الكليه اسماء : طول عمره متهور وياما نصحته انه يتحكم فى اعصابه عمر : طب يلا بينا نروحله الشقه يمكن نلاقيه انت معاك مفتاح الشقه يا اسامه اسامه : لا مش معايا نسخه نسيت اخد منه مفتاح عمر : طب والحل اسماء : انا معايا رقم البواب هتصل بيه واشوف اذا كان مهيب فى الشقه ولا لا عمر : طب اتصلى بيه بسرعه طلعت اسماء تليفونها واتصلت بالبواب اسماء : مهيب رجع الشقه ياعم صبرى صبرى : ايوه يابشمهندسه طلع دقيقتين ونزل تانى وادانى نسخه من مفتاح الشقه علشان زميله اللى بايت هنا بقاله يومين وبعد كده اخد العربيه ومشى اسماء : طب شكرا ياعم صبرى ... وقفلت معاه ____________________ ياترى ايه اللى هيحصل فى الجامعه ده اللى هنعرفه الحلقة اللى جايه .... اللى اللقاء

Free reading for new users

Scan code to download app

App Store Google Play

Facebookexpand_more